Your browser doesn’t support HTML5
ຟັງສາລະຄະດີເທັກໂນໂລຈີ ກ່ຽວກັບລົດສະຫຼາດທີ່ສາມາດອຳນວຍຄວາມສະດວກສະບາຍໃຫ້ຜູ້ຂັບ
ພວກຜລິດລົດທັງຫຼາຍ ໄດ້ຫົວຄິດມາຈາກ smartphones ຫຼື ໂທລະສັບສະຫຼາດ ແລ້ວກໍ ປະກອບການບໍລິການໃໝ່ໆພ້ອມທັງພາກສ່ວນສຳຄັນອື່ນໆເຂົ້າກັນທີ່ເຮັດໃຫ້ສາມາດ ປະຕິບັດງານໄດ້ໄວຂຶ້ນ. ເທັກໂນໂລຈີໃໝ່ໆ ດັ່ງກ່າວ ໄດ້ເລີ້ມນຳມາປະກອບເຂົ້າໃສ່ລົດ ທຳມະດາ ໃຫ້ກາຍມາເປັນລົດສະຫຼາດ ຫຼື smart cars. ນັກຂ່າວ VOA Tina Trinh ສົ່ງລາຍງານ ເລື້ອງນີ້ມາຈາກງານສະແດງລົດທີ່ນະຄອນນິວຢ໊ອກ ຊຶ່ງວັນນະສອນ ຈະນຳເອົາ ລາຍລະ ອຽດ ມາສະເໜີທ່ານ ໃນອັນດັບຕໍ່ໄປ.
ໃນທຸກມື້ນີ້ ພວກເຮົາຈະພາກັນໃຊ້ເວລາຢ່າງຫຼວງຫຼາຍ ໃສ່ໂທລະສັບມືຖື ແລະພວກອຸດ ສາຫະກຳ ລົດທັງຫຼາຍ ກໍແມ່ນໄດ້ພາກັນສັງເກດເຫັນເປັນແນວນັ້ນ ແລ້ວກໍສົ່ງລົດອອກມາ ໂດຍທີ່ມີເກືອບວ່າທຸກສິ່ງທຸກຢ່າງ ທີ່ອຳນວຍ ຄວາມສະດວກໃຫ້ ຈາກໂທລະສັບຂອງທ່ານ.
ທ່ານ Jim Buczkowski ຜູ້ອຳນວຍການລະບົບອີເລັກໂທຣນິກຂອງບໍລິສັດລົດ Ford ກ່າວວ່າ “ພວກເຮົາທຸກຄົນພາກັນອອນຊອນ ກັບປະສົບການເຫຼົ່ານີ້ ເວລາພວກເຮົາ ຕ້ອງການຫຽັງ ໂດຍການກົດປຸ່ມນີ້ ແລ້ວທ່ານກໍຈະໄດ້ທຸກສິ່ງທຸກຢ່າງ ທ່ານບໍ່ຈຳເປັນຕ້ອງໄດ້ແລ່ນໄປຫັ້ນມານີ້ ຈັບນັ້ນຈັບນີ້ ດ້ວຍຕົວທ່ານເອງອີກ.”
ຫວ່າງມໍ່ໆມານີ້ ບໍລິສັດລົດ Ford ໄດ້ນຳສະເໜີລົດຮຸ້ນໃໝ່ FordPass ເປັນລົດຮຸ່ນ ທີ່ສາມາດນຳໄປໃຊ້ກັບລະບົບມືຖື ທີ່ສາມາດເຮັດໃຫ້ເຈົ້າຂອງລົດທັງຫຼາຍ ໄດ້ຮັບການບໍລິ ການຕ່າງໆ ເຊັ່ນການຊອກຫາ ແລະບ່ອນຈ່າຍເງິນຄ່າຈອດລົດເປັນຕົ້ນ. “...ຊຶ່ງນີ້ແມ່ນລາຍລະອຽດຕ່າງໆສຳລັບຄ່ານັ້ນຄ່ານີ້ ແລ້ວຂ້ອຍກໍຈະປະຕິບັດຕາມລະຫັດທີ່ບອກມາ ເພື່ອອະນຸຍາດໃຫ້ຂ້ອຍເຂົ້າໄປຫາບ່ອນຈອດລົດ.”
ສ່ວນບໍລິສັດລົດ Buick ນັ້ນ app ທີ່ເອີ້ນວ່າ OnStar RemoteLink ຈະຊ່ອຍເຈົ້າຂອງລົດຕິດຕໍ່ກັບລົດຂອງພວກເຂົາເຈົ້າໃຫ້ ບໍ່ວ່າພວກເຂົາເຈົ້າຈະຢູ່ໄກປານໃດກໍຕາມ.
ທ່ານ Stuart Fowle ຜູ້ຈັດການຝ່າຍສື່ສານຂອງບໍລິສັດ Buick ກ່າວວ່າ “ດຽວນີ້ລົດຄັນ ນີ້ຢູ່ນະຄອນ Detroit ຂ້າພະເຈົ້າສາມາດຕິດຈັກມັນໄດ້ຈາກນະຄອນນິວຢ໊ອກ ຫຼືຈະວ່າຂ້າພະເຈົ້າມີກະແຈພຽງດອກດຽວແລະພັນລະຍາຂອງຂ້າພະເຈົ້າໃນນະຄອນ Detroit ຢາກເຂົ້າໄປໃນລົດ ຂ້າພະເຈົ້າກໍຈະສາມາດເປີດລ໊ອກໃຫ້ລາວເຂົ້າໄປໄດ້ຈາກນິວຢ໊ອກ ພີ້”
ການໃຫ້ບໍລິການໃນລົດຈະສາມາດຕິດຕັ້ງໃສ່ ລະບົບ 4G LTE ໄດ້ ສາມາດຕິດຕັ້ງໃສ່ ໄດ້ ອຸບປະກອນມືຖື ເຖິງ 7 ຢ່າງ ພ້ອມກັນ.
Rob Peterson ຜູ້ຈັດການດ້ານຕະຫຼາດຂອງບໍລິສັດ Buick ກ່າວວ່າ “ພວກເຮົາຢາກໃຫ້ຜູ້ຄົນ ມີຄວາມຮູ້ສຶກວ່າ ພວກເຂົາເຈົ້າໄດ້ຢູ່ໃນບ້ານເຮືອນຂອງພວກເຂົາເຈົາເອງ ທັງໆທີ່ຢູ່ໃນລົດ ຊຶ່ງຫຼາຍໆຄົນຢາກມີຄວາມຮູ້ສຶກແລະປະສົບການທີ່ວ່າຕົນກຳລັງຂັບລົດ ຊຶ່ງດຽວນີ້ ພວກເຂົາເຈົ້າກໍຈະສາມາດຮູ້ສຶກເຖິງປະສົບການໃນການຕິດຕໍ່ກັບທຸກສິ່ງຢ່າງໄດ້ເຊັ່ນກັນ.”
ແຕ່ວ່າ ການຕິດຕໍ່ຕ່າງໆເຫຼົ່ານີ້ ມັນໝາຍຄວາມວ່າຢ່າງໃດລະ ໃນດ້ານຄວາມເປັນສ່ວນຕົວ?
ທ່ານ Buczkowski ກ່າວວ່າ “ມັນມີຄວາມສຳຄັນ ທີ່ຈະໃຫ້ມີຂໍ້ມູນສ່ວນຕົວ ເພື່ອຈະສ້າງຂໍ້ມູນສ່ວນຕົວສະເພາະຂຶ້ນ ເກັບກຳປະສົບການສະເພາະສ່ວນບຸກຄົນ ແຕ່ວ່າ ແນ່ນອນທີ່ສຸດ ນັ້ນມັນເປັນທາງເລືອກສຳລັບລູກຄ່າແຕ່ລະຄົນ.”
ສຳຫຼັບຜູ້ບໍລິໂພກບາງທ່ານແລ້ວ ນັ້ນບໍ່ຖືວ່າເປັນມີບັນຫາເລີຍ.
ທ່ານນາງ Stephanie Brinley ນັກວິໄຈອະວຸໂສຂອງບໍລິສັດ IHS Automotive ກ່າວວ່າ “ແນ່ນອນ ມັນມີຫຼາຍໆຢ່າງ ບ່ອນທີ່ພວກບໍລິໂພກໄວຮຸ້ນ ມີຄວາມຄຸ້ນເຄີຍໃນການທີ່ວ່າເລື້ອງຄວາມເປັນສ່ວນຕົວບໍ່ຈຳເປັນ ທັງຂໍ້ມູນສະຖິຕິຕ່າງໆນຳ ຫຼາຍກວ່າພວກບໍລິໂພກທີ່ມີອາຍຸຫຼາຍກວ່າ ແລະຈະມີຫຼາຍກວ່ານັ້ນອີກ ທີ່ວ່າທ່ານຈະເຫັນນິໄສທີ່ຄ້າຍໆຄືກັນນີ້ ທີ່ວ່າພວກເຂົາເຈົ້າຈະຈັດການກັບຄວາມເປັນສ່ວນຕົວຂອງພວກເຂົາເຈົ້າໄດ້ຢ່າງໃດ ພາຍໃນລົດນັ້ນ.”
ທ່ານລອງຄິດເບິ່ງດູວ່າ ມັນຈະມີຄວາມສະດວກສະບາຍສໍ່າໃດ ທີ່ອຸບປະກອນມືຖືຈະມາ ບໍລິການພວກເຮົາ. ບາງທີ່ ຄຳຖາມດຽວ ອາດມີແຕ່ພຽງວ່າ ແມ່ນໃຜລະຈະເປັນຜູ້ຂັບ?
ອ່ານຂ່າວເລື້ອງນີ້ເພີ່ມຕື່ມເປັນພາສາອັງກິດ