ບໍລິສັດສຕຣີມມິ່ງເພງ Spotify ເປິດເຜີຍຜົນງານດົນຕີແລະສີນລະປີນຍອດນິຍົມ Sportify Wrapped ແຫ່ງປີ 2024 ຊຶ່ງກໍ່ເປັນໄປຕາມຄາດທີ່ ເທຍ໌ເລີ ສວິຟ ຄອງຕໍາ
ແໜ່ງອັນດັບນຶ່ງສີນລະປີນຍອດນິຍົມຂອງແພລດຟອມນີ້
ເປັນປີທີສອງຕິດຕໍ່ກັນທີ່ ເທຍ໌ເລີ ສວິຟ ຄອງອັນດັບນຶ່ງສີນລະປີນທີ່ມີເພງຖືກສຕຣີມໃນ Spotify ທົ່ວໂລກຫຼາຍທີ່ສຸດໂດຍຜົນງານດົນຕີຂອງລາວຖືກຫຼີ້ນຜ່ານແພລດຟອມນີ້ຫຼາຍ
ກ່ວາ 26,600 ລ້ານຄັ້ງ
ອັນດັບສອງຮອງລົງມາໄດ້ແກ່ ເດິວິຄເອນ, ແບດບັນນີ້, ເດຣກ, ແລະ ບີລລີ ອາຍລິສ ຕາມລຳດັບ
ເມື່ອປີທີ່ຜ່ານມາ ເທຍ໌ເລີ ສວິຟ ລົ້ມແຊ້ມເກົ່າຢ່າງ ແບດບັນນີ້ ທີ່ນໍາສະເໜີຜົນງານເພັງແນວແຣພປະສົມຈັງຫວະແຄຣິບຽນ ໃນທຳນຽບ Spotify Wrapped ແຕ່ ແບດບັນນີ້ ກໍ່ເຄີຍສ້າງສະຖິຕິໂດຍລົ້ມແຊ້ມໄດ້ຍາກທີ່ຢູ່ອັນດັບນຶ່ງມາຍາວນານເຖີງສາມປີລະຫວ່າງ 2020-2023
ອາລບໍ້າ “ The Tortured Poets Department “ ຂອງ ເທຍ໌ເລີ ສວິຟ ຍັງຄອງອັນດັບນຶ່ງອາລບໍ້າເພງທີ່ຖືກສຕຣີມຫຼາຍທີ່ສຸດປີນີ້ນໍາດ້ວຍ ຕາມມາດ້ວຍ “ Hit Me Hard Soft” ຂອງ ບີລລີ ອາຍລິສ ສ່ວນອັນດັບສາມ ສີ່ ແລະ ຫ້າ ໄດ້ແກ່ “ Short n Sweet” ຂອງ ຊາບຣິນາ ຄາຣເພນເຕີ້ “ Manana Sera Bonito” ຂອງ ຄາໂຣລ ຈີ ແລະ “ Eternal Sunshine” ຂອງ ອາຣີຮານາ ກຣານເດ
ເຖີງແມ່ນວ່າ ສວິຟ ຈະໄດ້ອັນດັບນຶ່ງໃນຕໍາແໜ່ງສີນລະປີນແລະອາລບໍ້າປີນີ້ແຕ່ລາວຕ້ອງຫຼີກທາງໃຫ້ ຊາບຣີນາ ຄາຣເພນເຕິີ້ ໃນບົດເພງ Espresso ເປັນເພງທີ່ຖືກສຕຣີມຫຼາຍ ທີ່ສຸດອັນດັບນຶ່ງທ່ົວໂລກກັບຕົວເລກສຕຣີມມີ່ງເຖີງ 1,600 ລ້ານຄັ້ງ
ເພງຖືກສຕຣີມຫຼາຍທີ່ສຸດອັນດັບຮອງລົງມາໄດ້ແກ່ “ Beautifull Things” ຂອງ ເບນສັນ ບູນ “ Birds of a Feather” ຂອງ ບີລລີ້ ອາຍລິສ “ Gata Only” ຂອງ ຟອຍເມເນີ້ ແລະ ຄຣິສ ເອັມເຈ ສ່ວນອັນດັບຫ້າຄືເພງ “ Lose control” ຂອງ ເທດດີ ສວີມ
ອຸດສາຫະກຳສຕຣີມມິ້ງເພງນໍາລາຍໄດ້ມາສູ່ວົງການດົນຕີຄິດເປັນ 84% ແລະ 67% ຂອງລາຍຮັບຂອງວົງການດົນຕີໃນສະຫະລັດ ແລະ ຂອງທ່ົວໂລກຕາມລຳດັບ ຕາມຂໍ້ມູນຂອງ ສະມາຄົມ Recording Industry Association of America and International of the Phonographic Industry
Spotify ເປັນແພລດຟອມສຕຣີມເພງທີ່ໃຫຍ່ທີ່ສຸດກັບສ່ວນແບ່ງການຕະຫຼາດປະມານ 31% ໂດຍມີຜູ້ໃຊ້ 626 ລ້ານຄົນໃນຈຳນວນນີ້ເປັນຜູ້ຈ່າຍເງິນຄ່າສະມາຊິກ 246 ລ້ານຄົນໃນຕະຫຼາດທົ່ວໂລກທັງໝົດກ່ວາ 180ແຫ່ງ.6