ກຣິສ ເຄື່ອນໄຫວອີກບາດກ້າວນຶ່ງທີ່ເປັນອັນຕະລາຍ ໄປສູ່
ການຜິດສັນຍາ ໃນວັນອາທິດວານນີ້ ເມື່ອການເຈລະຈາ
ກ່ຽວກັບການປະຕິຮູບເສດ ຖະກິດ ກັບບັນດາຜູ້ໃຫ້ເງິນກູ້ຢືມ
ສາກົນ ໃນນະຄອນ Brussels ໄດ້ພັງທະລາຍລົງ.
ລາຍງານກ່າວວ່າ ການເຈລະຈາ ລະຫວ່າງກຣິສ ແລະ ອົງການ
ກອງທຶນສາກົນ ຫຼື IMF ຢຸດຕິລົງ ພາຍໃນເວລາບໍ່ຮອດນຶ່ງຊົ່ວໂມງ
ໂດຍທີ່ທັງສອງຝ່າຍຕ່າງກໍຖິ້ມໂທດໃສ່ກັນແລະກັນ.
ບັນດາລັດຖະມົນຕີການເງິນ ຢູໂຣບ ມີແຜນທີ່ຈະປະຊຸມກັນ
ໃນວັນພະຫັດທີ່ຈະມາເຖິງນີ້ ເພື່ອປຶກສາຫາລື ກ່ຽວກັບວ່າ
ມັນເປັນໄປໄດ້ຫຼື ບໍ່ທີ່ຈະໃຫ້ກຣິສ ຢູ່ໃນເຂດທີ່ໃຊ້ສະກຸນເງິນຢູໂຣຕໍ່ໄປ ທີ່ມີສະມາຊິກທັງ ໝົດ19 ປະເທດນັ້ນ.
ກຣິສ ມີເວລາເຖິງທ້າຍເດືອນນີ້ ເພື່ອຫາທາງຊຳລະໜີ້ ໃຫ້ແກ່ບັນດາຜູ້ໃຫ້ເງິນກູ້ຢືມ.
ກຣິສຕ້ອງການຢືມເງິນງວດຕໍ່ໄປ 270 ຕື້ດອນລາ ຈາກ ອົງການ IMF ແລະທະນາຄານ
ກາງຢູໂຣບ.
ບັນດາທະນາຄານ ຮຽກຮ້ອງໃຫ້ກຣິສທຳການປະຕິຮູບ ເສດຖະກິດເພີ້ມເຕີມອີກ ລວມທັງ
ການຕັດເງິນ ເບ້ຍບຳນານລົງຕື່ມ ແລະເພີ້ມການເກັບພາສີຂຶ້ນ.
ລັດຖະບານກຣິສກ່າວວ່າ ຕົນໄດ້ເສຍສະລະພຽງພໍແລ້ວ ໂດຍກ່າວອີກວ່າ ມາດຕະຖານ
ການເປັນຢູ່ຂອງຊາວກຣິສ ແມ່ນໄດ້ທົດຖອຍລົງ ໃນ ຂະນະທີ່ອັດຕາຄົນຫວ່າງງານໄດ້
ເພີ້ມສູງຂຶ້ນ.
ເຈົ້າໜ້າທີ່ການເງິນຂອງຢູໂຣບ ເວົ້າວ່າ ຂໍ້ສະເໜີຕ່າງໆ ກ່ຽວກັບການປະຕິຮູບເສດຖະກິດ
ຂອງກຣິສນັ້ນ ແມ່ນບໍ່ຄົບຖ້ວນສົມບູນ ແລະ ເວົ້າວ່າ ພວກເຮົາເລີ້ມໝົດຄວາມອົດທົນກັບ
Athen ແລ້ວ.
ເຈົ້າໜ້າທີ່ເຢຍຣະມັນຄົນນຶ່ງກ່າວ ໃນວັນອາທິດວານນີ້ ວ່າ ອັນທີ່ເອີ້ນ ວ່າ ການເຈລະຈາ
ໃນນາທີສຸດທ້າຍ ເພື່ອໃຫ້ບັນລຸຂໍ້ຕົກລົງກັບກຣິສນັ້ນ ແມ່ນ “ເປັນຕາຢາກຫົວ.”