ເຮືອຫາປາ 5 ລຳໄດ້ເລີ່ມອອກເດີນທາງໃນວັນພຸດມື້ນີ້ ໄປຫາເກາະ ຂອງໄຕ້ຫວັນ ໃນທະ ເລຈີນໃຕ້ ທີ່ມີການຂັດແຍ້ງກັນ ເພື່ອສະແດງການບໍ່ເຫັນດີກັບການຕັດສິນຂອງສານໄກ່ ເກ່ຍສະຫະປະຊາຊາດ ທີ່ເອີ້ນດິນແດນຂະໜາດນ້ອຍນີ້ວ່າ ເປັນລັກສະນະຂອງກ້ອນຫີນ ກ້ອນໜຶ່ງ ແທນທີ່ຈະແມ່ນເກາະດອນ ໝາຍຄວາມວ່າມັນບໍ່ມີສິດຕໍ່ສ້າງເຂດເສດຖະກິດ ພິເສດ ໃນນ່ານນ້ຳທີ່ຢູ່ອ້ອມຂ້າງນັ້ນ.
ເຮືອທັງ 5 ທີ່ຂັບໂດຍປະຊາຊົນ 15 ຄົນໄດ້ອອກເດີນທາງອອກຈາກເມືອງ Pingtung ໃນ ພາກໃຕ້ຂອງເກາະໄຕ້ຫວັນເພື່ອເດີນທາງ 10 ວັນໄປສູ່ເກາະຫີນ Taiping ຫຼື Itu Aba ທີ່ຕັ້ງຢູ່ໃນບໍລິເວນໝູ່ເກາະ Spratly ໃນທະເລຈີນໃຕ້. ໄຕ້ຫວັນ ແມ່ນກຳລັງມີຄວາມຂັດ ແຍ້ງກັບປະເທດ ຈີນ, ບຣູໄນ, ມາເລເຊຍ, ຫວຽດນາມ ແລະ ຟີລິບປິນ ກ່ຽວກັບ ສິດທິທາງ ນ້ຳທີ່ມີຄວາມກວ້າງ 3 ລ້ານ 5 ແສນ ຕາກິໂລແມັດ.
ທ່ານ Luo Chiang Fei ໂຄສົກຂອງກຸ່ມຄົນຂັບເຮືອຫາປາທີ່ຖືກກໍ່ຕັ້ງຂຶ້ນມາເອງນັ້ນກ່າວ ວ່າ “ພວກເຮົາຈະສະແດງໃຫ້ເຫັນວ່ານີ້ແມ່ນເກາະ, ບໍ່ແມ່ນກ້ອນຫີນ, ແລະ ມັນເປັນ ຂອງ ໄຕ້ຫວັນ.”
ເກາະ Itu Aba, ໃນໝູ່ເກາະ Spratly ທະເລຈີນໃຕ້.
ສານໄກ່ເກ່ຍສະຫະປະຊາຊາດທີ່ນະຄອນ Hague ປະເທດ ໂຮນລັງ ໄດ້ປະກາດໃນວັນ ທີ 12 ກໍລະກົດທີ່ຜ່ານມາວ່າ ພວກເຂົາເຈົ້າໄດ້ປະຕິເສດຕໍ່ພື້ນຖານທາງກົດໝາຍ ໃນການ ອ້າງເອົາກຳມະສິດປະມານ 95 ເປີເຊັນ ຂອງທະເລຈີນໃຕ້ທັງໝົດ ໂດຍ ຈີນ. ໄຕ້ຫວັນ ໄດ້ ໃຊ້ການບັນທຶກທາງປະຫວັດສາດອັນດຽວກັນ ທີ່ອ້າງໂດຍ ຈີນ ເພື່ອມາຄ້ຳຊູການກ່າວ ອ້າງຂອງຕົນ. ສານຍັງໄດ້ກ່າວວ່າ ເກາະດອນຈຳນວນຫຼາຍ, ລວມທັງເກາະ Taiping ເຊິ່ງມີລວງຍາວ 1,400 ແມັດ ແລະ ກວ້າງ 400 ແມັດ, ບໍ່ມີຄຸນນະສົມບັດພຽງພໍສຳລັບ ການເປັນເຂດເສດ ຖະກິດພິເສດ ໃນນ່ານນ້ຳອ້ອມຂ້າງນັ້ນ.
ທັງໄທເປ ແລະ ປັກກິ່ງ ໄດ້ປະນາມຕໍ່ການຕັດສິນດັ່ງກ່າວນັ້ນ, ເຖິງແມ່ນວ່າພວກເຂົາເຈົ້າ ແລະປະເທດອື່ນໆທີ່ອ້າງກຳມະສິດໄດ້ໃຫ້ຮ່ອງ ຮອຍວ່າ ຈະເຮັດວຽກໄປສູ່ການປຶກສາຫາ ລື ເພື່ອຫຼຸດຜ່ອນຄວາມເຄັ່ງຕຶງລົງ. ທະເລດັ່ງກ່າວແມ່ນມີຄຸນຄ່າສຳລັບການປະມົງ, ນ້ຳມັນ, ແກ໊ສທຳມະຊາດ ແລະ ເສັ້ນທາງແລ່ນເຮືອທີ່ສຳຄັນ.
Your browser doesn’t support HTML5
Taiwan South China Sea