ເຣຍກ່າວວ່າ ຕົນຕຽມພ້ອມແລ້ວ ທີ່ຈະປະຕິບັດຕາມ ຄໍາຂໍຮ້ອງຂອງອົງການສະຫະ
ປະຊາຊາດເພື່ອຍົກຍ້າຍພົນລະເຮືອນອອກຈາກເມືອງ Homs ຊຶ່ງເປັນ ສູນກາງໃນ
ການສູ້ລົບກັນ ບ່ອນທີ່ກໍາລັງທະຫານຝ່າຍລັດຖະບານໄດ້ຍິງຖະຫຼົ່ມ ຕັ້ງແຕ່ຕົ້ນ
ເດືອນມິຖຸນາເປັນຕົ້ນມາເພື່ອພະຍາຍາມທັບມ້າງການລຸກຮືຂື້ນຕໍ່ຕ້ານ ລັດຖະບານເ
ປັນເວລາ 15 ເດືອນແລ້ວນັ້ນ.
ກະຊວງການຕ່າງປະເທດຊີເຣຍ ກ່າວໃນວັນອັງຄານນີ້ວ່າ ຕົນໄດ້ຕິດຕໍ່ໄປຍັງພວກ
ນັກສັງເກດການຂອງອົງການສະຫະປະຊາຊາດທີ່ຢູ່ໃນປະເທດແລະເຈົ້າໜ້າທີ່ທ້ອງຖິ່ນ
ເພື່ອຈັດແຈງກ່ຽວກັບການຍົກຍ້າຍພົນລະເຣືອນອອກຈາກເມືອງ Homs ບ່ອນທີ່
ພວກນັກເຄື່ອນໄຫວຝ່າຍຄ້ານກະປະມານວ່າ ມີຈໍານວນ 1,000 ຄອບຄົວທີ່ຍັງຕົກ
ຄ້າງຢູ່ໃນເມືອງດັ່ງກ່າວ. ແຕ່ລັດຖະບານຊີເຣຍເວົ້າວ່າ ຄວາມພະຍາຍາມຂອງພວກ
ນັກສັງເກດການໄດ້ປະສົບກັບຄວາມລົ້ມແຫຼວ ເນື່ອງຈາກວ່າຖືກຂັດຂວາງຈາກກຸ່ມ
ກໍ່ການຮ້າຍທີ່ຕິດອາວຸດຊຶ່ງເປັນຄຳສັບທີ່ໝາຍເຖິງພວກ ກະບົດທີ່ນຳພາໃນການລຸກ
ຮືຂຶ້ນນັ້ນ. ຖະແຫລງການຂອງຊີເຣຍ ຍັງໄດ້ກ່າວຫາ ພວກກະບົດວ່າ ໃຊ້ພົນລະ
ເຮືອນໃນເມືອງ Homs ເປັນປ້ອມບັງກະສຸນ.
ຫົວໜ້າຄະນະສັງເກດຂອງການອົງການສະຫະປະຊາຊາດ ທ່ານ Robert Mood
ໄດ້ຂໍຮ້ອງໃຫ້ລັດຖະບານຊີເຣຍແລະກໍາລັງຂອງພວກກະບົດຈົ່ງອະນຸ ຍາດໃຫ້ພວກ
ແມ່ຍິງ ເດັກນ້ອຍ ແລະຜູ້ໄດ້ຮັບບາດເຈັບ ໜີອອກໄປຈາກເມືອງ Homs ແລະບ່ອນ
ທີ່ມີການສູ້ລົບກັນອື່ນໆ. ກຸ່ມສັງເກດການສິດທິມະນຸດໃນຊີ ເຣຍທີ່ມີສຳນັກງານຢູ່
ອັງກິດ ກ່າວວ່າ ພວກທີ່ໄດ້ຮັບບາດເຈບຫລາຍໆສິບຄົນ ຍັງຕົກຄ້າງຢູ່ໃນເມືອງ
Homs ແລະເຂດຄວບຄຸມອື່ນໆຂອງພວກກະບົດ ທີ່ບໍ່ມີຢາ ແລະນາຍໝໍໃຫ້ການ
ປິ່ນປົວນັ້ນ.
ທ່ານ Mood ຊຶ່ງເປັນນາຍພົນຂອງນໍເວ ມີກໍານົດທີ່ຈະໄປປາກົດໂຕຕໍ່ສະພາຄວາມ
ໝັ້ນຄົງຂອງອົງການສະຫະປະຊາຊາດ ທີ່ນະຄອນນີວຢອກ ໃນວັນອັງ ຄານມື້ນີ້
ເພື່ອລາຍງານໃຫ້ບັນດາສະມາຊິກຊາບ ກ່ຽວກັບສະພາບຂອງຄະນະ ສັງເກດການ
300 ຄົນທີ່ທ່ານໄດ້ສັ່ງໃຫ້ໂຈະການປະຕິບັດງານຂອງພວກເຂົາ ເຈົ້າໃນວັນເສົາແລ້ວ
ເນື່ອງຈາກຄວາມຮຸນແຮງທີ່ເພີ່ມທະວີຂຶ້ນໃນຊີເຣຍ.