ບັນດາປະເທດຕາເວັນຕົກ ແລະປະເທດພາຍໃຕ້ການນຳພາ ຂອງອາຣັບກຸ່ມນຶ່ງ ພວມໂຮມ
ຊຸມນຸມກັນທີ່ຕູນີເຊຍ ເພື່ອກະກຽມຮຽກຮ້ອງ ໃຫ້ເຈົ້າໜ້າທີ່ຊີເຣຍໃຫ້ຄຳໝັ້ນສັນຍາທີ່ຈະຍຸຕິ
ໃນທັນທີ ຄວາມຮຸນແຮງທັງໝົດ ແລະອະນຸຍາດໃຫ້ມີການຈັດສົ່ງ ການຊ່ອຍເຫຼືອທາງດ້ານ
ມະນຸດສະທຳຂອງຕ່າງປະເທດ ໄປຍັງເຂດຕ່າງໆທີ່ໄດ້ຮັບຄວາມເສຍຫາຍຮ້າຍແຮງສຸດພາຍ
ໃນໄລຍະສອງສາມມື້ ຂ້າງໜ້ານີ້.
ໃນຮ່າງຄຳປະກາດທີ່ຈະນຳສະເໜີຕໍ່ກອງປະຊຸມ “ເພື່ອນມິດຊີເຣຍ” ໃນວັນສຸກມື້ນີ້ ເປັນທີ່
ຄາດກັນວ່າ ພວກນັກການທູດ ຈະຮຽກຮ້ອງໃຫ້ ປະທານາທິບໍດີຊີເຣຍ ທ່ານ Bashar al-
Assad ອອກຄຳສັ່ງ ໃຫ້ຢຸດເຊົາໃນທັນທີ ຕໍ່ການປາບປາມການ ລຸກຮືຂຶ້ນທີ່ດຳເນີນມາໄດ້
11 ແລ້ວນັ້ນ ເພື່ອຈະສາມາດຈັດສົ່ງການຊ່ອຍເຫຼືອໄປຍັງຊີເຣຍໄດ້ພາຍໃນເວລາ 48 ຊົ່ວ
ໂມງ.
ປະຊາຊົນທີ່ເມືອງ Homs ໃນເຂດພາກກາງຂອງຊີເຣຍກ່າວວ່າ ອາຫານການ ກິນ ນໍ້າດື່ມ
ແລະເຄື່ອງໃຊ້ດ້ານແພດພ້ອມດ້ວຍຢາປົວພະຍາດ ພວມໃກ້ຈະໝົດແລ້ວຫຼັງຈາກການຍິງຖະ
ຫຼົ່ມທີ່ດຳເນີນມາແບບບໍ່ລົດລະ ເປັນເວລາເກືອບ 3 ອາທິດ ໂດຍກຳລັງນິຍົມທ່ານ Assad
ທີ່ປິດລ້ອມຫົວເມືອງສູນກາງຂອງພວກປະທ້ວງຝ່າຍຄ້ານນັ້ນ.
ກຸ່ມປະເທດທີ່ເອີ້ນຕົນເອງວ່າ “ເພື່ອນມິດຊີເຣຍ” ກ່າວວ່າ ຕົນມີຄວາມໝາຍໝັ້ນທີ່ຈະທຳ
ການລົງທີ່ບໍ່ໄດ້ລະບຸຊື່ຈຳນວນນຶ່ງ ຮວມທັງການຫ້າມເດີນທາງ ການກັກຊັບສິນ ແລະຢຸດ
ເຊົາການຊື້ນໍ້າມັນຂອງຊີເຣຍ.
ພວກຜູ້ຕາງໜ້າຂອງ 70 ກວ່າປະເທດແລະອົງການຈັດຕັ້ງຕ່າງໆຈະເຂົ້າຮ່ວມ ການປະຊຸມ
ໃນມື້ນີ້ ຊຶ່ງຮວມຢູ່ໃນນັ້ນ ກໍມີລັດຖະມົນຕີການຕ່າງປະເທດສະຫະລັດ ທ່ານນາງ Hillary
Clinton. ຣັດເຊຍແລະຈີນກ່າວຕົນ ພວກຕົນຈະບໍ່ໄປຮ່ວມກອງປະຊຸມ ທີ່ນະຄອນຕູນິສ.
ປະເທດມະຫາອຳນາດທັງສອງ ໄດ້ພາກັນຂັດຂວາງຊໍ້າແລ້ວຊໍ້າອີກ ບໍ່ໃຫ້ສະພາຄວາມໝັ້ນ
ຄົງຂອງອົງການສະຫະປະຊາຊາດ ເອົາມາດຕະການຕໍ່ລັດຖະບານຊີເຣຍໂດຍກ່າວວ່າ ສະ
ພາຄວາມໝັ້ນຄົງບໍ່ຄວນທີ່ຈະເຂົ້າຂ້າງອອກຂາກ່ຽວກັບບັນຫາຂັດແຍ້ງພາຍໃນ.
ກ່ອນການພົບປະກັນອົງການສະຫະປະຊາຊາດໄດ້ແຕ່ງຕັ້ງໃຫ້ທ່ານ Kofi Annan ອະດີດ
ເລຂາທິການໃຫຍ່ຂອງສະຫະປະຊາຊາດ ເປັນທູດພິເສດ ຂອງອົງການສະຫະປະຊາຊາດ
ແລະສັນນິບາດອາຣັບຮັບຜິດຊອບກ່ຽວກັບວິກິດການໃນຊີເຣຍ. ອົງການສະຫະປະຊາຊາດ
ກ່າວວ່າ ພາລະໜ້າທີ່ຂອງທ່ານກໍຄື ເພື່ອຍຸຕິຄວາມຮຸນແຮງແລະຊຸກຍູ້ໃຫ້ແກ້ໄຂວິກິດການ
ດ້ວຍສັນຕິວິທີ.
ໂຄສົກຂອງປະທານາທິບໍດີຕູນີເຊຍກ່າວໃນວັນພະຫັດວານນີ້ວ່າ ລັດຖະບານຂອງທ່ານຈະ
ສະເໜີໃຫ້ຕັ້ງກອງກຳລັງຮັກສາສັນຕິພາບ ເພື່ອແກ້ໄຂວິກິດການໃນຊີເຣຍ
http://www.voanews.com/templates/widgetDisplay.html?id=140187833&player=article