ພວກທີ່ເຫັນເຫດການແລະພວກນັກເຄື່ອນໄຫວກ່າວວ່າ
ມີຢ່າງນ້ອຍ 62 ຄົນເສຍຊີວິດໃນການປະທ້ວງຢູ່ທົ່ວປະ
ເທດຊີເຣຍບ່ອນທີ່ກຳລັງຮັກສາຄວາມສະຫງົບໄດ້ຍິງປືນ
ເຂົ້າໃສ່ພວກນັກເຄື່ອນໄຫວຕໍ່ຕ້ານລັດຖະບານ ທີ່ໄດ້ພາ
ກັນທ້າທາຍ ຕໍ່ການປາບປາມພວກປະທ້ວງ ຂອງລັດຖະ
ບານນັ້ນ.
ລາຍງານຂ່າວຂອງປະເທດຕາເວັນຕົກແຈ້ງວ່າ ຈຳນວນ
ພວກທີ່ເສຍຊີວິດເຫລົ່ານີ້ ແມ່ນໄດ້ຮັບລາຍງານມາຈາກ
ເມືອງ Homs ໃນພາກກາງຂອງຊີເຣຍ ເມືອງ Fastan
ທີ່ຕັ້ງຢູ່ໃກ້ຄຽງ ແລະເມືອງ Daraa ໃນພາກໃຕ້ຂອງປະ
ເທດທີ່ໄດ້ກາຍເປັນຈຸດສູນກາງໃນການລຸກຮືຂຶ້ນຕໍ່ຕ້ານປະ
ທານາທິບໍດີ Bashar al-Assad ເປັນເວລາ 6 ອາທິດ.
ພວກທີ່ເຫັນເຫດການກ່າວວ່າກຳລັງຮັກສາຄວາມສະ
ຫງົບໄດ້ຍິງປືນເຂົ້າໃສ່ພວກປະທ້ວງທີ່ໄປໂຮມຊຸມນຸມກັນ
ຢູ່ໃນເມືອງ Daraa ຫຼັງຈາກພິທີສວດມົນພາວະນາໃນມື້ວັນສຸກ.
ນອກນັ້ນຍັງມີພວກນັກເຄື່ອນໄຫວຝ່າຍຄ້ານ 10,000 ກວ່າຄົນ ໄດ້ໂຮມຊຸມນຸມກັນທີ່ນະ
ຄອນຫຼວງ Damuscus ຊຶ່ງເປັນການເດີນຂະບວນ ທີ່ໃຫຍ່ທີ່ສຸດໃນນະຄອນຫຼວງນັບແຕ່
ການປະທ້ວງໄດ້ເລີ່ມມາ.
ພວກປະທ້ວງ ທີ່ພາກັນຮ້ອງຄຳຂວັນຕໍ່ຕ້ານທ່ານ Assad ຍັງໄດ້ເດີນຂະບວນຢູ່ຕາມຫົວ
ເມືອງຕ່າງໆຮວມທັງເມືອງ Banias ແລະເມືອງ Latakia.
ໃນຕອນເຊົ້າຂອງມື້ວານນີ້ລັດຖະບານຊີເຣຍກ່າວວ່າ ທະຫານຂອງຕົນ 4 ຄົນ ຖືກຂ້າຕາຍ
ແລະ 2 ຄົນຖືກຈັບໂຕໄປໃນອັນທີ່ລັດຖະບານເວົ້າວ່າເປັນການໂຈມຕີຂອງພວກກໍ່ການຮ້າຍ
ທີ່ເມືອງ Daraa. ສື່ມວນຊົນຂອງທາງການຊີເຣຍອ້າງຄຳເວົ້າຂອງໂຄສົກກອງທັບຄົນນຶ່ງທີ່
ກ່າວວ່າ ພວກມືປືນໄດ້ບຸກໂຈມຕີຄ້າຍທະຫານໃນຕອນເຊົ້າມືດຂອງມື້ວັນສຸກວານນີ້.