ພວກນັກເຄື່ອນໄຫວໃນຊີເຣຍກ່າວວ່າ ພວກທະຫານທີ່ໄດ້ຮັບການໜຸນຫລັງຈາກລົດຖັງ ໄດ້ທໍາການໂຈມຕີຫົວເມືອງນຶ່ງໃນພາກກາງແລະຢູ່ໃນຫລາຍໆເຂດຂອງຫົວເມືອງນຶ່ງໃນພາກຕາເວັນອອກຂອງປະເທດ ເຮັດໃຫ້ປະຊາຊົນຢ່າງໜ້ອຍ 24 ຄົນເສຍຊີວິດ.
ບັນດານັກເຄື່ອນໄຫວໃນຂົງເຂດກ່າວວ່າ ພວກທະຫານລັດຖະບານໄດ້ ບຸກເຂົ້າໄປໃນເມືອງ Deir el-Zour ທາງພາກຕາເວັນອອກຂອງປະເທດໃນຕອນເຊົ້າວັນອາທິດມື້ນີ້ ໂດຍໄດ້ສັງຫານປະຊາຊົນຢ່າງໜ້ອຍ 20 ຄົນ ແລະວ່າ ໄດ້ຍິນສຽງລະເບີດແຕກຂຶ້ນໃນຫລາຍເຂດຂອງເມືອງດັ່ງກ່າວ.
ມີລາຍງານແຈ້ງໃຫ້ຊາບເຊ່ນກັນວ່າ ຢ່າງໜ້ອຍປະຊາຊົນ 4 ຄົນເສຍຊີວິດໃນເມືອງ Houleh ໃນແຂວງ Homs.
ລາຍງານຂ່າວເຫລົ່ານີ້ບໍ່ໄດ້ຮັບການຢືນຢັນ ເນື່ອງຈາກວ່າພວກນັກຂ່າວທີ່ເປັນອິດສະລະບໍ່ໄດ້ຮັບອະນຸຍາດໃຫ້ເຂົ້າໄປໃນເຂດນັ້ນ.
ການບຸກໂຈມຕີດັ່ງກ່າວມີຂຶ້ນ 1 ມື້ຫລັງຈາກທ່ານພັນກິມູນ ເລຂາທິການໃຫຍ່ສະຫະປະຊາ
ຊາດ ບອກໃຫ້ປະທານາທິບໍດີ Bashar al-Assad ແຫ່ງຊີເຣຍ ຢຸດເຊົາໃຊ້ກໍາລັງທະ
ຫານປາບປາມພວກພົນລະເຮືອນທີ່ພາກັນເຂົ້າຮ່ວມໃນການລຸກຮືຂຶ້ນຕໍ່ຕ້ານລັດຖະບານ
ມາໄດ້ 4 ເດືອນແລ້ວນັ້ນໂດຍທັນທີ.
ຫ້ອງການຂ່າວຂອງສະຫະປະຊາຊາດກ່າວວ່າ ທ່ານພັນກິມູນໄດ້ບອກຜູ້ນໍາຊີເຣຍ ໃນວັນ
ເສົາວານນີ້ ໃນການສົນທະນາກັນທາງໂທລະສັບ ທີ່ບໍຄ່ອຍສູ້ມີຂຶ້ນນັ້ນວ່າ ທ່ານມີຄວາມ
ເປັນຫ່ວງຢ່າງແຮງ ນໍາຄວາມຮຸນແຮງທີ່ເພີ່ມທະວີຂຶ້ນເລື້ອຍໆ ແລະຈໍານວນຜູ້ຄົນເສຍຊີວິດ
ທີ່ກໍາລັງເພີ່ມທະວີຂຶ້ນນັບມື້ ໃນການລຸກຮືຂຶ້ນຕໍ່ຕ້ານລັດຖະບານໃນຫວ່າງບໍ່ເທົ່າໃດມື້ຜ່ານ
ມານີ້.