ບັນດາເຈົ້າໜ້າທີ່ ສະວິດ ແລະອອສເຕຣຍ ກ່າວໃນວັນພະຫັດ
ວານນີ້ວ່າ ເຂົາເຈົ້າກຳລັງສືບສວນ ກ່ຽວກັບການໂຈມຕີທີ່ມີ
ຄວາມສະລັບຊັບຊ້ອນທາງອິນເຕີແນັດ ແມ່ນເພື່ອສອດແນມ
ເບິ່ງພາຍໃນການເຈລະຈາຂອງຫົກປະເທດມະຫາອຳນາດ
ກັບອີຣ່ານ ກ່ຽວກັບໂຄງການນິວເຄລຍຂອງເຕຫະຣ່ານນັ້ນ
ຫລືບໍ່.
ຫ້ອງການ ອະທິໄອຍະການຂອງສະວິດ ໃນນະຄອນ Berne
ກ່າວວ່າ ບັນດາເຈົ້າໜ້າທີ່ສືບສວນ ໄດ້ຄົ້ນເຮືອນຫລັງນຶ່ງໃນ
ນະຄອນ Geneva ເມື່ອວັນທີ 12 ເດືອນພຶດສະພາ ແລະໄດ້
ຍຶດເອົາເຄື່ອງຄອມພິວເຕີແລະອຸບປະກອນຕ່າງໆໄວ້. ພວກ
ເຈົ້າໜ້າທີ່ ກ່າວວ່າ ເຂົາເຈົ້າໄດ້ຊອກຫາຊອບແວຫຼືໂປຣແກມທີ່ໄດ້ນຳໃຊ້ເພື່ອດັກຟັງການ
ເຈລະຈາ ທີ່ໄດ້ມີຂຶ້ນຢູ່ຕາມໂຮງແຮມຫຼາຍໆແຫ່ງ ໃນສະວິດເຊີແລນ ອອສເຕຣຍ ແລະ
ເຢຍຣະມັນ.
ອອສເຕຣຍ ຍັງກ່າວວ່າ ຕົນກໍາລັງສຶຶບສວນເບິ່ງວ່າ ການປະຊຸມຢູ່ທີ່ນະຄອນ Vienna
ຖືກລັກຟັງຫລືບໍ່.
ບັນດາເຈົ້າໜ້າທີ່ສະວິດ ກ່າວວ່າ ມີການເລີ້ມດຳເນີນຄະດີທາງອາຍາ ຕໍ່ບຸກຄົນທີ່ບໍ່ບອກ
ຊື່ຈຳນວນນຶ່ງ “ໃນຖານສົງໄສຈາລະກຳທາງການເມືອງ” ແຕ່ບໍ່ໄດ້ໃຫ້ລາຍລະອຽດເພີ້ມ
ເຕີມ.
ອິສຣາແອລ ແມ່ນໄດ້ຄັດຄ້ານຢ່າງແຂງຂັນກ່ຽວກັບການບັນລຸຂໍ້ຕົກລົງດ້ານນິວເຄລຍ
ທີ່ອາດມີຂຶ້ນກັບອີຣ່ານ ທີ່ກຳລັງພະຍາຍາມປິດລົງໃນທ້າຍເດືອນມິຖຸນານີ້ ກັບ ສະຫະ
ລັດ ຈີນ ຣັດເຊຍ ອັງກິດ ຝຣັ່ງ ແລະເຢຣະມັນ ແຕ່ໄດ້ປະຕິເສດໃນການພົວພັນກ່ຽວ
ກັບການກ່າວຫາສືບລັບນີ້.
ຮອງລັດຖະມົນຕີຕ່າງປະເທດ ທ່ານ Tzipi Hotovely ກ່າວຕໍ່ວິທະຍຸກອງທັບອິສຣາ
ແອລວ່າ “ບໍ່ມີພື້ນຖານໃດໆທັງໝົດ ກ່ຽວກັບລາຍງານຂ່າວຂອງສາກົນ ທີ່ວ່າ ອິສຣາ
ແອລ ພົວພັນໃນເລື້ອງດັ່ງກ່າວ. ສິ່ງສຳຄັນກວ່ານີ້ກໍຄື ພວກເຮົາປ້ອງກັນບໍ່ໃຫ້ມີການ
ຕົກລົງທີ່ບໍ່ດີ ບໍ່ດັ່ງນັ້ນ ໃນທີ່ສຸດແລ້ວພວກເຮົາຈະພົບເຫັນຕົນເອງຕົກຢູ່ພາຍໃຕ້ລັດ
ສະໝີນິວເຄລຍຂອງອີຣ່ານ.”
Your browser doesn’t support HTML5
Iran Nuclear Talks Syber Attack