ຜູ້ຕ້ອງສົງໄສ ເປັນຜູ້ໂຈມຕີດ້ວຍລະເບີດສະຫຼະຊີບ ໄດ້ບີບຄະ
ນວນລະເບີດໃຫ້ແຕກຂຶ້ນໃນລະຫວ່າງພິທີສວດມົນພາວະນາ
ທີ່ວັດອິສລາມແຫ່ງນຶ່ງໃນພາກເໜືອບັງກລາແດັສ ໂດຍໄດ້ສັງ
ຫານຜູ້ກ່ຽວເອງ ແລະເຮັດໃຫ້ມີຜູ້ບາດເຈັບສິບກວ່າຄົນ.
ເຈົ້າໜ້າທີ່ສືບສວນ ກ່າວວ່າ ເຫດລະເບີດດັ່ງກ່າວ ເກີດຂຶ້ນທີ່
ວັດຂອງປະຊາຄົມມຸສລິມກຸ່ມນ້ອຍ Ahmadiyya ຢູ່ທີ່ເມືອງ
Bagmara ປະມານ 250 ຫຼັກກິໂລແມັດ ຫ່າງຈາກນະຄອນ
ຫຼວງດາກາ ໄປທາງທິດຕາເວັນຕົກສຽງເໜືອ. ຍັງບໍ່ທັນມີກຸ່ມ
ໃດອອກມາອ້າງເອົາຄວາມຮັບຜິດຊອບເທື່ອ ໃນການໂຈມຕີ
ວັດ Syedpur Chakapara Ahmadiyya Jame Masjid.
ທ່ານ Motiar Rahman ຫົວໜ້າຮັບຜິດຊອບ ທີ່ປົດຕຳຫຼວດ ເມືອງ Bagmara ກ່າວຕໍ່
ນັກຂ່າວວ່າ ການສືບສວນໃນຂັ້ນຕົ້ນຂອງພວກເຮົາເຜີຍໃຫ້ເຫັນວ່າ ຜູ້ຊາຍທີ່ເສຍຊີວິດ
ຢູ່ທີ່ນັ້ນ ເປັນຜູ້ຖືລະເບີດ ໂດຍສັງເກດເບິ່ງບາດແຜທີ່ຜູ້ກ່ຽວໄດ້ຮັບຢູ່ຕາມຕົນໂຕ ປາກົດ
ວ່າ ລາວເປັນຜູ້ໂຈມຕີສະຫຼະຊີບ. ທ່ານກ່າວຕື່ມວ່າ ພວກໄປສວດມົນທີ່ໄດ້ຮັບບາດເຈັບ
3 ຄົນ ແມ່ນຮວມທັງເດັກຊາຍອາຍຸ 12 ປີ ຄົນນຶ່ງ ໄດ້ຖືກສົ່ງໄປຮັບການປິ່ນປົວຢູ່ໂຮງໝໍ.
ທ່ານ Abdus Samad ແມ່ນເລຂາກຸ່ມ Ahmadiyya Muslim Jama’at ໃນບັງກລາ
ແດັສ ທີ່ເປັນອົງການລະດັບຊາດ ທີ່ຕາງໜ້າໃຫ້ແກ່ຊາວມຸສລິມຈຸນີ້ ທີ່ມີຢູ່ປະມານ 100 ພັນຄົນໃນທົ່ວປະເທດ. ທ່ານເວົ້າວ່າ ຜູ້ໂຈມຕີຄົນນີ້ ໄປນຳກັນກັບຜູ້ໂຈມຕີຄົນທີສອງທີ່
ໄດ້ຫລົບໜີໄປ ໃນລະຫວ່າງທີ່ເກີດຄວາມວຸ້ນວາຍນັ້ນ.
Your browser doesn’t support HTML5
Bangladesh Mosque