ກຸ່ມຈັດຕັ້ງ ສະຫະພາບອາຟຣິກາ ກ່າວວ່າ ຊູແດນແລະຊູແດນໃຕ້ ໄດ້ຕົກລົງກັນທີ່ຈະຍຸດຕິ
ການຜິດຖຽງກັນກ່ຽວກັບ ການຈ່າຍຄ່ານໍ້າມັນນັ້ນແລ້ວ.
ອະດີດປະທານາທິບໍດີອາຟຣິກາໃຕ້ ທ່່ານ Thabo Mbeki ຊຶ່ງເປັນຜູ້ໄກ່ເກ່ຍຂອງສະຫະ
ພາບອາຟຣິກາ ຫລື AU ກ່າວໃນວັນເສົາວານນີ້ວ່າ ທັງສອງຝ່າຍໄດ້ບັນລຸການຕົກລົງກັນ
ກ່ຽວກັບເລື່ອງການເງິນທຸກໆຢ່າງທີ່ກ່ຽວຂ້ອງກັບນໍ້າມັນ.
ທ່ານ Mbeki ບໍ່ໄດ້ໃຫ້ລາຍລະອຽດກ່ຽວກັບວ່າ ອີກດົນປານໃດ ການຜະລິດແລະການສົ່ງ
ອອກນໍ້າມັນຂອງພາກໃຕ້ ຈະເລີ້ມຂື້ນ.
ຊູແດນໃຕ້ໄດ້ອັດການຜະລິດນໍ້າມັນທັງໝົດ ໃນເດືອນມັງກອນ ໃນການຜິດຖຽງກັນກັບ
ຊູແດນ ກ່ຽວກັບວ່າ ລັດຖະບານທີ່ນະຄອນຫລວງ Juba ຄວນຈ່າຍໃຫ້ ລັດຖະບານ
Khartoum ສໍາລັບການສົ່ງນໍ້າມັນອອກ ທາງທໍ່ລໍາລຽງນໍ້າມັນທີ່ເນ່ງຜ່ານພາກເໜືອ
ດິນຂອງຊູແດນນັ້ນ.
ການຜິດຖຽງກັນກ່ຽວກັນນໍ້າມັນ ເກືອບນໍາໄປສູ່ສົງຄາມ ລະຫວ່າງປະເທດທັງສອງ.