ຊູດານ ຂໍຮ້ອງໃຫ້ຈີນ ຊ່ອຍແກ້ໄຂ ບັນຫາຂັດແຍ້ງ ເລື້ອງນໍ້າມັນ (ເບິ່ງວີດີໂອ)

ຊູ​ດານ​ຂໍ​ຮ້ອງ​ຈີນ​ໃຫ້​ຊ່ອຍ​ແກ້​ໄຂ​ບັນຫາ​ຂັດ​ແຍ້​ງກັນ​ທີ່​ມີ​ມາ​ຕັ້ງ​ແຕ່​ດົນນານ​ກ່ຽວ​ກັບ​ລາຍ​ຮັບ​
ຈາກ​ການ​ຂາຍ​ນໍ້າມັນ​ກັບປະ​ເທດ​ຊູ​ດານ​ໃຕ້​ທີ່​ຫາ​ກໍ​ເປັນ​ປະ​ເທດ​ເອກະລາດ​ໃໝ່ໆ.

ຫລັງ​ຈາກ​ທໍາ​ການ​ພົບ​ປະກັນ​ທີ່​ກຸງ​ປັກ​ກິ່ງ​ໃນ​ວັນ​ອັງຄານ​ມື້​ນີ້ ທ່ານ Ali Ahmed Karti
ລັດຖະມົນຕີ​ຕ່າງປະ​ເທດ​ຊູ​ດານ ກ່າວ​ວ່າ ຊູ​ດານ​ຈະປຶກສາ​ຫາລື​ກັບ​ຄູ່​ພາຄີ​ອື່ນໆ​ເຊ່ນ​ກັນ
ໃນຂະນະ​ທີ່​ຕົນ​ພະຍາຍາມ​ຍຸດຕິ ບັນຫາ​ຂັດ​ແຍ້​ງກັນ​ທີ່​ຕົກ​ຢູ່​ໃນ​ສະພາບ​ບໍ່​ໄປ​ບໍ່​ມາ​ນີ້.

ຊູ​ດານ​ໃຕ້​ໄດ້​ຢຸດ​ເຊົາ​ຜະລິດ​ນໍ້າມັນ​ຂອງ​ຕົນ​ໃນ​ເດືອນ​ມັງກອນ​ຜ່ານ​ມາ ຫລັງ​ຈາກ​ກ່າວ​
ຫາຊູ​ດານ​ວ່າ ​ລັກ​ນໍ້າມັນເປັນ​ມູນ​ຄ່າ​ຫລາຍ​ກວ່າ 800 ລ້ານໂດ​ລາ ​ທີ່​ສົ່ງ​ນໍ້າມັນ​ຜ່ານ​ທໍ່​
ລໍາລຽງນໍ້າມັນ​ໃນ​ພາກ​ເໜືອ​ຂອງ​ຊູ​ດານ​ນັ້ນ.

ຮອງ​ລັດຖະມົນຕີ​ການ​ເງິນ​ຂອງ​ຊູ​ດານ​ໃຕ້ ທ່ານ Marial Awou Yol ກ່າວ​ໃນ​ວັນ​ຈັນ​
ວານ​ນີ້ວ່າ ປະ​ເທດ​ຂອງ​ທ່ານ​ມີ​ເງິນຕາ​ຕ່າງປະ​ເທດ​ສໍາຮອງ​ໄວ້​ພຽງພໍ​ທີ່​ຈະ​ກຸ້ມ​ຕື່ມ​ອີກ
1 ປີ ​ແຕ່​ການ​ຕັດ​ການ​ຜະລິດ​ນໍ້າມັນ​ລົງ​ນີ້​ ໄດ້​ບັງຄັບ​ໃຫ້​ລັດຖະບານ​ຕ້ອງ​ຕັດ​ຄ່າ​ໃຊ້​ຈ່າຍ
ຂອງ​ຕົນ​ລົງແລະ​ຕ້ອງ​ຊອກ​ຫາ​ລາຍ​ຮັບ​ໃນ​ຮູບ​ແບບ​ໃໝ່.

http://www.voanews.com/templates/widgetDisplay.html?id=139287108&player=article