ສະຫະລັດ ກຳລັງກົດດັນອີຣ່ານ ເພື່ອຢາກຮູ້ຈັກລາຍລະອຽດ
ເພີ້ມເຕີມ ກ່ຽວກັບທ່ານ Jason Rezaian ນັກຂ່າວໜັງສືພິມ
Washington Post ທີ່ໄດ້ຖືກດຳເນີນຄະດີໃນວັນອັງຄານ
ວານນີ້ ໃນຂໍ້ກ່າວຫາທີ່ຮວມທັງຈາລະກຳ. ກະຊວງຕ່າງ ປະ
ເທດສະຫະລັດ ພວກຕໍ່ສູ້ເພື່ອສິດທິມະນຸດ ແລະຄອບຄົວ
ຂອງທ່ານ Rezaian ໄດ້ສະແດງຄວາມເປັນຫ່ວງກ່ຽວກັບ
ການຂາດໂປ່ງໃສຂອງອີຣ່ານໃນ ຄະດີດັ່ງກ່າວ.
ທ່ານ Ali Rezaian ກ່າວວ່າ ນ້ອງຊາຍຂອງທ່ານ Jason
ທີ່ໄດ້ຖືກຈັບແລະຕິດຄຸກໃນເດືອນກໍລະກົດທີ່ຜ່ານມານີ້
ພວມປະເຊີນໜ້າກັບຂໍ້ຫາຈາລະກຳ ໂຄ ສະນາຊວນເຊື່ອ
ຕ້ານອີຣ່ານ ຮ່ວມມືກັບບັນດາປະເທດມະຫາອຳນາດທີ່ເປັນປໍລະປັກ ແລະສອບຖາມ
ເລື້ອງຕ່າງໆ ໃນຂະນະທີ່ “ປອມຕົວ” ເປັນນັກຂ່າວ.
Your browser doesn’t support HTML5
Ali Rezaian Discusses Brother's Trial in Iran
ຄອບຄົວໄດ້ມີການຕິດຕໍ່ແຕ່ພຽງເລັກນ້ອຍກັບ ທ່ານ Jason ນັບແຕ່ໄດ້ຖືກຈັບ. ແມ່ຂອງ
ທ່ານ ແລະເອື້ອຍໄພ້ ກໍໄດ້ໄປມີໜ້າຢູ່ສານທີ່ນະຄອນຫລວງເຕຫະຣ່ານ ໃນຂະນະທີ່ມີ
ການຄະດີ.
Your browser doesn’t support HTML5
Washington Post: Imprisonment of US-Iranian Journalist 'Preposterous'
ທ່ານ Ali Rezaian ກ່າວວ່າ “ເຂົາເຈົ້ານັ່ງຢູ່ຂ້າງນອກຫວັງວ່າຈະໄດ້ເຫັນທ່ານ Jason
ແຕ່ວ່າ ບໍ່ສາມາດເຂົ້າໄປຂ້າງໃນໄດ້. ເຂົາເຈົ້າບໍ່ສາມາດເຫັນພວກກ່ຽວ. ເຂົາເຈົ້າພາກັນ
ຢູ່ທີ່ນັ້ນເປັນເວລາຫ້າ ຫາຫົກຊົ່ວໂມງ.”
ສື່ມວນຊົນຂອງທາງການອີຣ່ານ ກ່າວວ່າ ທ່ານ Rezaian ແລະຜູ້ຕ້ອງສົງໄສອີກສອງຄົນ
ໄດ້ຖືກນຳໂຕໄປທີ່ສານເພື່ອດຳເນີນຄະດີແບບປິດລັບ.
Your browser doesn’t support HTML5
State Department Spokesman Discusses Rezaian Trial