ຈະຫລວດທີ່ຂັບດັນຍານອະວະກາດ SpaceX ທີ່ບໍ່ມີຄົນຂັບ
ຊຶ່ງລຳລຽງ ອາຫານ ເຄື່ອງທົດລອງ ແລະສິ່ງຂອງຕ່າງໆ ໜັກ
2,300 ກິໂລກຣາມໄປຍັງສະຖານີອະວະກາດນາໆຊາດ ໄດ້
ທະຍານຂຶ້ນສູ່ທ້ອງຟ້າ ໃນວັນເສົາມື້ນີ້.
‘ສີ່ ສາມ ສອງ ນຶ່ງ ສູນ ແລະຈະຫລວດ Falcon 9 ທີ່ຂັບດັນ
ຍານອະວະກາດ SpaceX ກໍທະຍານຂຶ້ນສູ່ທ້ອງຟ້າ ເພື່ອ
ນຳເອົາເຄື່ອງຂອງ ແລະສຳພາລະຕ່າງໆ ໄປສົ່ງໃຫ້ສະຖານີ
ອະວະກາດນາໆຊາດ.
ໃນຂະນະທີ່ຈະຫລວດມຸ່ງໜ້າໄປສູ່ສະຖານີອະວະກາດນາໆ
ຊາດນັ້ນ ຈະຫລວດ ທີ່ປະສົບກັບຄວາມລົ້ມແຫລວ ໃນຄວາມພະຍາຍາມແບບທີ່ບໍ່ເຄີຍ
ມີມາກ່ອນເພື່ອ ຈະໄປລົງຈອດທາງຕັ້ງ ຢູ່ເທິງລານຈອດ ໃນມະຫາສະມຸດ Atlantic.
ບໍລິສັດ ທີ່ມີສຳນັກງານ ຕັ້ງຢູ່ລັດຄາລິຟໍເນຍ ທີ່ນຳພາໂດຍມະຫາເສດຖີ Elon Musk
ກ່າວຜ່ານທາງ Twitter ຂອງທ່ານ ປະມານນຶ່ງຊົ່ວໂມງ ຫລັງຈາກທີ່ຈະຫລວດ ໄດ້ລົງ ຈອດແບບເສຍທ່າ. ທ່ານອະທິບາຍວ່າ ການລົງຈອດ “ແມ່ນ ໃກ້ຄຽງ ແຕ່ບໍ່ມີການສະ
ຫລອງກັນ” ໝາຍຄວາມວ່າ ການລົງຈອດບໍ່ເປັນທີ່ສຳເລັດ. ແຕ່ທ່ານກໍກ່າວວ່າ ການ
ປະຕິບັດງານ “ເປັນໄປດ້ວຍດີ” ສຳຫລັບການເຮັດໜ້າທີ່ ໃນອະນາຄົດ.
ຄວາມຫລົ້ມແຫຼວຂອງຈະຫລວດນີ້ ບໍ່ໄດ້ມີອິດທິພົນໃດໆ ຕໍ່ຜົນສຳເລັດຂອງຈະຫຼວດ
ໃຫຍ່ ໃນການປະຕິບັດງານເດີນທາງໄປສູ່ສະຖານີອະວະກາດນາໆຊາດ.
ຈະຫລວດຂັບດັນ ຕາມທຳມະດາແລ້ວ ແມ່ນຕົກລົງໃສ່ທະເລ ແຕ່ບັນດາເຈົ້າໜ້າທີ່ບໍລິ
ສັດ SpaceX ກ່າວວ່າ ຄວາມສາມາດໃນການນຳເອົາຈະຫລວດມາໃຊ້ຄືນໃໝ່ໄດ້ນັ້ນ
ເປັນຊ່ອງທາງນຶ່ງທີ່ຈະລົດຄ່າໃຊ້ຈ່າຍລົງ ແລະເລັ່ງລັດການປະຕິບັດງານໃຫ້ໄວຂື້ນໄດ້.
Your browser doesn’t support HTML5
US ROCKET LAUNCH VO