ບໍລິສັດລັດວິສາຫະກິດພັດທະນາທີ່ດິນຂອງເກົາຫຼີໃຕ້ກ່າວວ່າ ຕົນໄດ້ລົງນາມໃນຂໍ້ຕົກລົງສະ
ບັບນຶ່ງກັບເຂດພາກໃຕ້ Sudan ເພື່ອສ້າງນະຄອນຫຼວງແຫ່ງໃໝ່ຫຼັງຈາກເຂດດັ່ງກ່າວກາຍ ເປັນປະເທດເອກກະລາດໃນເດືອນໜ້າ.
ບໍລິສັດ LH ກ່າວໃນວັນພະຫັດມື້ນີ້ວ່າ ຕົນຈະໃຫ້ຄວາມສະໜັບສະໜຸນທາງດ້ານເຕັກນິກ
ໃນການອອກແບບແຜນແມ່ບົດສຳລັບສ້າງນະຄອນຫຼວງຂອງເຂດພາກໃຕ້ຊູແດນທີ່ຈະເປັນ
ປະເທດໃໝ່ສຸດຂອງໂລກ.
ເມືອງຫຼວງຂອງພາກໃຕ້ Sudan ເວລານີ້ແມ່ນເມືອງ Juba ແຕ່ໄດ້ມີການພິຈາລະນາທີ່
ຈະສ້າງນະຄອນຫຼວງໃໝ່ຂຶ້ນເພື່ອເປັນການຮັບຮູ້ເຖິງຄວາມເປັນເອກກະລາດຂອງຕົນ.
ເຂດພາກໃຕ້ Sudan ຈະເປັນເອກກະລາດຢ່າງເປັນທາງການ ຈາກພາກເໜືອໃນວັນທີ 9
ເດືອນໜ້ານີ້. ທັງສອງຝ່າຍໄດ້ສູ້ລົບໃນສົງຄາມທີ່ດໍາເນີນມາເປັນເວລາ 21 ປີ ແລະໄດ້ສິ້ນ
ສຸດລົງດ້ວຍຂໍ້ຕົກລົງສັນຕິພາບປີ 2005. ພາກໃຕ້ Sudan ໄດ້ລົງຄະແນນສຽງຢ່າງຖ້ວມ
ລົ້ນເພື່ອແຍກໂຕອອກຈາກພາກເໜືອໃນການລົງປະຊາມະຕິ ເມື່ອເດືອນມັງກອນປີນີ້.