ປະທານາທິບໍດີ ຊູດານໃຕ້ ທ່ານ Salva Kiir ໄດ້ແຕ່ງຕັ້ງຄູ່ແຂ່ງ
ຂອງທ່ານ ຜູ້ນໍາກະບົດ ທ່ານ Reik Machar ໃຫ້ເປັນຮອງ
ປະທານາທິບໍດີ ຜູ້ທີໜຶ່ງ ຢູ່ໃນລັດຖະບານປະສົມ.
ໂຄສົກປະທານາທິບໍດີ ໄດ້ປະກາດໃນວັນສຸກມື້ນີ້ ໂດຍກ່າວວ່າ
ປະທານາທິບໍດີ ຄາດວ່າ ທ່ານ Machar ຈະເດີນທາງໄປນະ
ຄອນຫຼວງ Juba ຂອງຊູດານໃຕ້ ໃນບໍ່ຊ້ານີ້.
ທ່ານ Machar ກ່່າວຕໍ່ ວີໂອເອ ພະແນກພາສາອັງກິດໄປຍັງ
ອາຟຣິກາວ່າ ທ່ານຍິນດີນຳການຖືກແຕ່ງຕັ້ງ ແລະພິຈາລະນາ
ວ່າ ເປັນບາດກ້າວ ໄປໃນທິດທາງທີ່ຖືກຕ້ອງ ໃນການຈັດຕັ້ງ
ປະຕິບັດຂໍ້ຕົກລົງເພື່ອນຳເອົາສະຖຽນລະພາບທາງດ້ານການເມຶອງກັບຄືນມາສູ່ຊູດ້ານໃຕ້. ທ່ານ Machar ກ່າວວ່າ ສິ່ງທີ່ຈະເຮັດຕໍ່ໄປ ກໍຄືເຄື່ອນໄຫວຢ່າງວ່ອງໄວເພື່ອໃຫ້
ສຳເລັດເສັດສິ້ນໃນການສ້າງຕັ້ງລັດຖະບານ ໄລຍະຂ້າມຜ່ານ.
ການແຕ່ງຕັ້ງ ທ່ານ Machar ເປັນພາກສ່ວນນຶ່ງຂອງຂໍ້ຕົກລົງສັນຕິພາບ ທີ່ໄດ້ເຊັນກັນ
ໂດຍຜູ້ນຳສອງ ໃນເດືອນສິງຫາ ປີ 2015. ເຖິງແມ່ນວ່າ ໄດ້ມີການບັນ ລຸຂໍ້ຕົກລົງດັ່ງ
ກ່າວກໍຕາມແຕ່ການສູ້ລົບກັນຢ່າງກະຈັດກະຈາຍຍັງດຳເນີນຢູ່ຕໍ່ມາ.
ທ່ານ Machar ໄດ້ເປັນຜູ້ຮອງທ່ານ Kiir ຈົນຮອດປີ 2013 ເວລາທ່ານຖືກໄລ່ອອກຈາກ
ຕຳແໜ່ງ ທີ່ໄດ້ກໍ່ໃຫ້ເກີດການລຸກຮືຂຶ້ນ ທີ່ໄດ້ເພີ້ມທະວີຄວາມຮຸນແຮງ ຂຶ້ນຈົນກາຍເປັນ
ການກໍ່ກະບົດຢ່າງເຕັມທີ່. ທ່ານ Machar ໄດ້ຫລົບໜີຈາກ ຊູ ດານໃຕ້ ແລະໄປຢູ່ໃນ
ປະເທດເອທິໂອເປຍ.
ຊູດານໃຕ້ ເປັນປະເທດມທີ່ເກີດໃໝ່ສຸດຢູ່ໃນໂລກ ໂດຍໄດ້ຮັບເອກກະລາດຈາກ ຊູດານ
ໃນປີ 2011. ການສູ້ລົບລະຫວ່າງກຳລັງລັດຖະບານ ແລະພວກກະບົດ ຂອງທ່ານ
Machar ແມ່ນມີຄວາມໂຫດຮ້າຍເປັນພິເສດແກ່ພວກພົນລະເຣືອນ.