ປະທານາທິບໍດີ ຊູດານໃຕ້ ທ່ານ Salva Kiir ໄດ້ຍຸບ 10 ລັດຂອງ
ປະເທດ ແລະຕັ້ງລັດໃໝ່ 28 ລັດຂຶ້ນມາແທນ ຊຶ່ງເປັນການເຄື່ອນ
ໄຫວທີ່ພວກຕຳໜິຕິຕຽນກ່າວວ່າບ່ອນທຳລາຍຕໍ່ຂໍ້ຕົກລົງຄອງອຳ
ນາດຮ່ວມກັນ ທີ່ໄດ້ລົງນາມໃນເດືອນສິງຫາ ຫຼັງຈາກສົງຄາມກາງ
ເມືອງໄດ້ດຳເນີນມາເປັນເວລາສອງປີ.
ທ່ານ Kiir ໄດ້ອອກດຳລັດ ທີ່ປະກາດ ໂດຍທາງໂທລະພາບ ໃນ
ຕອນແລງວັນພະຫັດຜ່ານມານີ້. ທ່ານໄດ້ແຕ່ງຕັ້ງ ຜູ້ປົກຄອງທັງ
28 ລັດ. ຜູ້ປົກຄອງລັດເກົ່າ 7 ຄົນຂອງຈຳນວນທັງໝົດ 10 ຄົນ
ໄດ້ຖືກແຕ່ງຕັ້ງໃຫ້ເຂົ້າຮັບຕຳແໜ່ງ ເປັນຜູ້ປົກຄອງລັດໃໝ່ເຫຼົ່ານີ້.
ຜູ້ນຳຂອງພວກກະບົດ ຍັງບໍ່ທັນສະແດງຄວາມເຫັນໃດໆ ກ່ຽວກັບການເຄື່ອນໄຫວຂອງ
ປະທານາທິບໍດີໃນເລື້ອງນີ້.
ໃນວັນອັງຄານຜ່ານມານີ້ ບັນດາຜູ້ຕາງໜ້າຂອງພວກກະບົດແລະລັດຖະບານໄດ້ພົບປະ
ກັນທີ່ນະຄອນຫລວງຈູບາໃນຄວາມຫວັງເພື່ອຈະສ້າງຕັ້ງລັດຖະບານສາມັກຄີຊາດໄລຍະ
ຂ້າມຜ່ານ.
ລັດຖະບານແລະພວກກະບົດ ໄດ້ເປີດການເຈລະຈາ ມາຫຼາຍເທື່ອແລ້ວ ນັບຕັ້ງແຕ່ບໍ່ດົນ
ລຸນຫລັງທີ່ໄດ້ເກີດບັນຫາຂັດແຍ້ງ ທີ່ເລີ້ມຂຶ້ນ ໃນກາງເດືອນທັນວາປີ 2013 ແຕ່ວ່າການ
ຢຸດຍິງຫຼາຍໆຄັ້ງ ທີ່ໄດ້ມີການຕົກລົງກັນ ໃນຮອບສອງປີ ທີ່ຜ່ານມານີ້ ແມ່ນໄດ້ມີການລະ
ເມີດຢູ່ເລື້ອຍໆ.
ປະທານາທິບໍດີ Salva Kiir ແລະຜູ້ນຳຂອງພວກກະບົດທ່ານ Riek Machar ຕ່າງກໍໄດ້
ກ່າວຫາຊຶ່ງກັນແລະກັນຊ້ຳແລ້ວຊ້ຳອີກວ່າ ອີກຝ່າຍນຶ່ງເປັນຜູ້ລະເມີດຂໍ້ຕົກລົງສັນຕິພາບ.
Your browser doesn’t support HTML5
South Suday