ເກີດການຕໍ່ສູ້ກັນຢ່າງຊຸນລະມຸນຂຶ້ນ ຢູ່ເມືອງ Paju ຊຶ່ງເປັນ
ເມືອງຊາຍແດນເກົາຫລີໃຕ້ໃນວັນເສົາມື້ນີ້ ລະຫວ່າງບັນດາ
ນັກເຄື່ອນໄຫວທີ່ວາງແຜນຈະສົ່ງໃບປີວໂຄສະນາຊວນເຊື່ອ
ເຂົ້າໄປໃນເກົາຫຼີເໜືອ ແລະຊາວເມືອງດັ່ງກ່າວທີ່ຕ້ອງການ
ຂັດຂວາງພວກເຂົາເຈົ້າ.
ພວກນັກເຄື່ອນໄຫວ ມີແຜນທີ່ຈະປ່ອຍໝາກປູມເປົ້າໃຫຍ່
ເພື່ອນຳເອົາໃບປີວທີ່ ໄດ້ປະນາມລັດຖະບານພຽງຢາງເຂົ້າ
ໄປໃນເກົາຫຼີເໜືອ ດັ່ງທີ່ເຂົາເຈົ້າໄດ້ເຮັດມາໃນຕົ້ນເດືອນນີ້.
ມີການສົ່ງເຈົ້າໜ້າທີ່ຕຳຫລວດ ປະມານ 1,000 ຄົນ ໄປຍັງ
ເມືອງຊາຍແດນດັ່ງກ່າວ.
ເກົາຫລີເໜືອໄດ້ເຕືອນວ່າ ຖ້າຫາກບໍ່ສາມາດຢຸດເຊົາການສົ່ງໃບປີວນີ້ແລ້ວ ມັນອາດ
ຈະສ້າງຄວາມເສຍຫາຍໃຫ້ແກ່ແຜນການທີ່ຈະເປີດການເຈລະຈາຂັ້ນສູງກັນຄືນໃໝ່
ລະຫວ່າງສອງປະເທດເກົາຫລີ.
ຊາວເມືອງ Paju ກ່າວວ່າ ການຂົ່ມຂູ່ທີ່ຈະຕອບໂຕ້ທາງທະຫານຂອງເກົາຫລີເໜືອນັ້ນ
ເປັນທີ່ເຊື່ອຖືໄດ້ ແລະບັນດານັກເຄື່ອນໄຫວ ແມ່ນເຮັດໃຫ້ຊີວິດຂອງ ຊາວເມືອງ ແລະ
ບັນດາທຸລະກິດຕ່າງໆ ຕົກຢູ່ໃນຄວາມສ່ຽງ.
ເກົາຫລີໃຕ້ກ່າວວ່າ ຕົນບໍ່ສາມາດຂັດຂວາງພວກປະທ້ວງໄດ້ ຢ່າງຖືກຕ້ອງຕາມກົດໝາຍ
ໃນການຊົມໃຊ້ສິດເສລີພາບ ກ່ຽວກັບການສະແດງອອກຊຶ່ງຄວາມຄິດ ຄວາມເຫັນ ຂອງ
ພວກເຂົາເຈົ້າ.
Your browser doesn’t support HTML5
KOREANS VO