ເກົາຫຼີໃຕ້ ໄດ້ປະກາດການເສຍຊີວິດຄົນທີ 10 ຍ້ອນພະຍາດລະບົບ ຫາຍໃຈອັກເສບ ຫຼື MERS, ດັ່ງທີ່ຄວາມເປັນຫ່ວງຢືນຢັດວ່າ ການລະບາດແມ່ນຍັງມີຜົນພາໃຫ້ເກີດຄວາມເສຍຫາຍທາງດ້ານເສດຖະກິດ.
ສຳນັກງານຂ່າວ Yonhap ລາຍງານວ່າ ກະຊວງສາທາລະນະສຸກ ແລະ ສະຫວັດດີການ ໄດ້ແຈ້ງວ່າຜູ້ຕາຍຄົນຫຼ້າສຸດແມ່ນຊາຍສະລາ 70 ປີ ເຊິ່ງຕິດເຊື້ອດັ່ງກ່າວ ໃນຂະນະທີ່ກຳລັງທຳການປິ່ນປົວໂຣກມະເຮັງປອດ.
ເຈົ້າໜ້າທີ່ສາທາລະນະສຸກ ວັນພະຫັດມື້ນີ້ຍັງໄດ້ລາຍງານ 14 ກໍລະນີໃໝ່ຂອງເຊື້ອໂລກ, ເຊິ່ງເຮັດໃຫ້ຕົວເລກຂອງຜູ້ທີ່ຮູ້ວ່າຕິດເຊື້ອດັ່ງກ່າວເພີ່ມຂຶ້ນເປັນ 122 ຄົນຕັ້ງແຕ່ເລີ່ມຕົ້ນການຄົ້ນພົບຂອງໂຣກລະບາດໃນວັນທີ 20 ເດືອນພຶດສະພາ.
ທຸລະກິດການຄ້າ ໄດ້ລາຍງານເຖິງການຫຼຸດລົງໃນການຂາຍສິນຄ້າ, ເຊິ່ງຊາວເກົາຫຼີໃຕ້ ມີຄວາມຢ້ານກົວຕໍ່ການຕິດກັບເຊື້ອໂລກທີ່ຮ້າຍແຮງນີ້ ໄດ້ພາກັນຫຼີກລ່ຽງຮ້ານຂາຍເຄື່ອງ, ໂຮງໜັງ ແລະ ເຂດອື່ນໆທີ່ມີກຸ່ມຄົນໜາແໜ້ນ.
ທະນາຄານກາງຂອງປະເທດ ວັນພະຫັດມື້ນີ້ ໄດ້ຕັດອັດຕາດອກເບ້ຍຫຼັກປະມານ .25 ເປີເຊັນ ລົງຕ່ຳສຸດເຊິ່ງບໍ່ເຄີຍມີມາກ່ອນທີ່ 1.5 ເປີເຊັນ.
ຫົວໜ້າທະນາຄານແຫ່ງເກົາຫຼີ ທ່ານ Lee Ju-yeol ໄດ້ກ່າວວ່າ “ຄະນະກຳມະການ ນະໂຍບາຍດ້ານການເງິນ ຂອງທະນາຄານແຫ່ງ ເກົາຫຼີ ໄດ້ຕັດສິນໃຈທີ່ຈະຫຼຸດອັດຕາດອກເບ້ຍລົງໂດຍ 25 ຄະແນນ ໃນຂະນະທີ່ມີຄວາມສ່ຽງຕໍ່ການເສຍຜົນປະໂຫຍດ ລວມມີ ການສົ່ງອອກບໍ່ຄ່ອງແຄ່ວ ແລະ ຜົນກະທົບຈາກ ພະຍາດ Mers.
ປະຈຸບັນນີ້, ການລາຍງານຂອງການຕິດເຊື້ອແມ່ນໄດ້ຖືກກຳຢູ່ທີ່ໂຮງໝໍ, ອີງຕາມເຈົ້າໜ້າທີ່, ຜູ້ທີ່ຢ້ຳວ່າເຊື້ອໂຣກບໍ່ໄດ້ຖືກແຜ່ລະບາດໄປຫາປະຊາກອນທົ່ວໄປ.
ມີຫຼາຍຄົນທີ່ຄິດວ່າໄດ້ສຳພັດກັບຜູ້ທີ່ຕິດເຊື້ອ ແມ່ນໄດ້ຖືກກັກບໍລິເວນໄວ້ທີ່ບ້ານຂອງພວກເຂົາ ແລະ ມີໂຮງຮຽນຫຼາຍພັນແຫ່ງຍັງຖືກປິດຢູ່ຍ້ອນໂຣກລະບາດດັ່ງກ່າວ.
Your browser doesn’t support HTML5
ASIA MERS