ໜ່ວຍເລືອກຕັ້ງ ໄດ້ປິດລົງແລ້ວ ຢູ່ໃນປະເທດໝູເກາະ ໂຊໂລມອນ ໃນວັນພຸດມື້ນີ້ ບ່ອນທີ່ການເລືອກຕັ້ງເອົາ ລັດຖະບານຊຸດໃໝ່ຂອງປະເທດ ກໍາລັງຖືກຕິດຕາມເບິ່ງຜົນກະທົບທີ່ອາດເກີດຂຶ້ນຢູ່ໃນພາກພື້ນ ເນື່ອງຈາກການພົວພັນຂອງປະເທດແຫ່ງນີ້ ກັບຈີນ.
ທ່ານແຈສເປີ ຮາຍວູດ ອະນີຊີ (Jasper Highwood Anisi), ປະທານຄະນະກຳມະການເລືອກຕັ້ງໃນໝູ່ເກາະ ໂຊໂລມອນ ກ່າວໃນລະຫວ່າງກອງປະຊຸມຖະແຫຼງຂ່າວວ່າ ການປ່ອນບັດລົງຄະແນນ ໄດ້ດຳເນີນໄປຕາມແຜນການໃນທົ່ວປະເທດ, ແລະສະຖານທີ່ປ່ອນບັດຫຼາຍໆແຫ່ງພົບວ່າ ມີຜູ້ມາປ່ອນບັດລົງຄະແນນສຽງເປັນແຖວຍາວໃນຕອນເຊົ້າຂອງມື້ນັ້ນ ເມື່ອທຽບໃສ່ການເລືອກຕັ້ງທີ່ຜ່ານມາ ເຊິ່ງຜູ້ທີ່ປ່ອນບັດລົງຄະແນນສຽງນັ້ນ ມາຊ້າກວ່ານີ້.
ການນັບບັດລົງຄະແນນສຽງ ແມ່ນຈະເລີ້ມຕົ້ນຂຶ້ນ ໃນວັນພະຫັດມື້ອື່ນ, ໂດຍບໍ່ຄາດຄິດວ່າ ຜົນຂອງການນັບຄະແນນວສຽງ ຈະອອກມາພາຍໃນສອງສາມອາທິດ. ການເລືອກຕັ້ງໄດ້ສະແດງໃຫ້ເຫັນສະຖານທີ່ປ່ອນບັດລົງຄະແນນສຽງຫຼາຍກວ່າ 1,000 ແຫ່ງ ທີ່ຢາຍໄປທົ່ວ 900 ເກາະຂອງປະເທດແຫ່ງນີ້.
ສະມາຊິກສະພາ 50 ຄົນ ຈະໄດ້ຮັບການເລືອກຕັ້ງຈາກຜູ້ສະໝັກລົງແຂ່ງຂັນ 334 ຄົນ, ໃນນັ້ນ ມີພຽງ 21 ຄົນ ທີ່ຍັງຄົງເປັນແມ່ຍິງ. ເຈົ້າໜ້າທີ່ທີ່ຖືກເລືອກໃໝ່ 50 ຄົນນັ້ນ ຈະເປັນຜູ້ກຳນົດເອົານາຍົກລັດຖະມົນຕີ.
ການເລືອກຕັ້ງຄັ້ງນີ້ ເປັນຄັ້ງທຳອິດໃນປະເທດນັບຕັ້ງແຕ່ລັດຖະບານ ໄດ້ປ່ຽນສາຍພົວພັນທາງການທູດຈາກ ໄຕ້ຫວັນ ໄປຫາ ປັກກິ່ງ.
ນອກຈາກການສ້າງສາຍສໍາພັນກັບຈີນ, ຝ່າຍຄ້ານກ່າວວ່າ ຜູ້ມີສິດເລືອກຕັ້ງຈະແນເປົ້າໝາຍໃສ່ການແກ້ໄຂບັນຫາສຸຂະພາບ, ການສຶກສາ ແລະ ເສັ້ນທາງຄົມມະນາຄົມຂອງປະເທດ.
ຄາດວ່າ ຈະມີການເລືອກຕັ້ງຂຶ້ນໃນປີແລ້ວນີ້, ແຕ່ໄດ້ເລື່ອນອອກໄປໂດຍນາຍົກລັດຖະມົນຕີ ທ່ານມານາສເຊ ໂຊໂກແວ (Manasseh Sogavare), ຜູ້ທີ່ໂຕ້ແຍ້ງວ່າ ປະເທດແຫ່ງນີ້ ບໍ່ສາມາດຈັດການເລືອກຕັ້ງ ແລະບໍ່ສາມາດເປັນເຈົ້າພາບຈັດງານກິລາໂອລິມປິກຂອງພາກພື້ນປາຊີຟິກ ຢູ່ໃນປີດຽວກັນໄດ້, ເຊິ່ງບັນດາຜູ້ທີ່ວິຈານ ທ່ານ ໂຊໂກແວ ໄດ້ຮ້ອງການຕັດສິນໃຈນີ້ວ່າ ‘ເປັນການຍຶດອໍານາດ,’ ເຊິ່ງທ່ານເອງເປັນຜູ້ມີຄະແນນນໍາໜ້າ ໃນການທີ່ຈະດໍາລົງຕໍາແໜ່ງສະໄໝທີ່ສອງ ທີ່ບໍ່ເຄີຍມີມາກ່ອນ.
ຈີນ ຍັງມີຄວາມເປັນຫ່ວງໃນການເລືອກຕັ້ງດັ່ງກ່າວມານັ້ນ ເນື່ອງຈາກການມີໜ້າທາງດ້ານຄວາມໝັ້ນຄົງຂອງຕົນ ທີ່ເພີ້ມຂຶ້ນຢູ່ໃນຂົງເຂດມະຫາສະໝຸດປາຊີຟິກ.