ຄຳຕັດສິນ ຂອງຄະນະຕຸລາການ ຍັງບໍ່ຄາດວ່າຈະມີຂຶ້ນເທື່ອ
ຢ່າງນ້ອຍ ຈົນຮອດວັນຈັນມື້ອືນ ໃນຄະດີ ການສັງຫານໜຸ່ມ
ນ້ອຍອາເມຣິກັນເຊື້ອສາຍອາຟຣິກາທີ່ບໍ່ມີອາວຸດຕິດໂຕ ໂດຍ
ເຈົ້າໜ້າທີ່ຕຳຫລວດຜິວຂາວຄົນນຶ່ງໃນເມືອງ Fergusonລັດ
Missouri ທາງພາກກາງຂອງສະ ຫະລັດ.
ສື່ມວນຊົນຫຼາຍໆອົງການ ລາຍງານວ່າ “ແຫລ່ງຂ່າວຕ່າງໆ”
ໄດ້ແຈ້ງໃຫ້ເຂົາເຈົ້າຊາບວ່າ ຄະນະຕຸລາການ ຈະບໍ່ກັບຄືນມາ
ປະຊຸມກັນ ຈົນກວ່າວັນຈັນມື້ອື່ນ ຊຶ່ງເຮັດໃຫ້ການປະກາດຄຳ
ຕັດສິນ ເປັນໄປບໍ່ໄດ້ ກ່ອນໜ້ານັ້ນ.
ຄະນະຕຸລາການ ໄດ້ເລີ້ມປະຊຸມກັນ ນັບຕັ້ງແຕ່ທ້າຍເດືອນສິງຫາ ຜ່ານມາ ເພື່ອພິຈາລະນາ ວ່າ ຈະຟ້ອງຮ້ອງ ຫຼືຈະໃຫ້ເຈົ້າໜ້າທີ່ຕຳຫລວດ Darren Wilson ພົ້ນຈາກຂໍ້ກ່າວຫາ.
Your browser doesn’t support HTML5
Law Enforcement, Activists in Ferguson Agree to Keep Peace
ເປັນທີ່ຄາດກັນຢ່າງກວ້າງຂວາງວ່າ ຄຳຕັດສິນ ແລະການປະກາດດັ່ງ ກ່າວ ຈະມີຂຶ້ນໃນວັນອາທິດມື້ນີ້ ແຕ່ຄະນະຕຸລາການ ລາຍງານວ່າ ຍັງລວບລວມຂໍ້ມູນ ກ່ຽວກັບເຫດຮ້າຍ ທີ່ເກີດຂຶ້ນເມື່ອຕົ້ນເດືອນສິງຫາຜ່ານມານັ້ນຢູ່.
ເຄື່ອງກີດຂວາງຕ່າງໆ ໄດ້ຖືກນຳມາຕັ້ງໄວ້ ຢູ່ອ້ອມແອມ ພະແນກຍຸດ ຕິທຳ ແລະກອງບັນຊາການຕຳຫລວດ ຂອງເມືອງດັ່ງກ່າວ ເພື່ອກຽມ ພ້ອມຮັບມືກັບຄວາມຮຸນແຮງທີ່ອາດເກີດຂຶ້ນ ຫຼັງຈາກມີການປະກາດຄຳຕັດສິນນີ້ແລ້ວ.
ເລື້ອງລາວຕ່າງໆ ແມ່ນແຕກຕ່າງກັນໄປ ກ່ຽວກັບເຫດການທີ່ໄດ້ເກີດຂຶ້ນໃນວັນທີ 9 ເດືອນ ສິງຫາ ເວລາເຈົ້າໜ້າທີ່ຕຳຫລວດ Wilson ຍິງ ທ້າວ Michael Brown. ທະນາຍຄວາມ ຂອງຄອບຄົວທ້າວ Brown ກ່າວວ່າ ທ້າວ Brown ໄດ້ພະຍາຍາມທີ່ຈະມອບໂຕ ເວລາເຈົ້າໜ້າທີ່ຕຳຫລວດ Wilson ຍິງລາວ. ພວກສະໜັບໜຸນ ເຈົ້າໜ້າທີ່ຕຳຫລວດ Wilson ກ່າວວ່າ ລາວຍິງທ້າວ Brown ເພື່ອປ້ອງກັນໂຕ.
Your browser doesn’t support HTML5
Excessive Police Force Cases Spark Racial Violence