ນາຍົກລັດຖະມົນຕີ Slovenia ກ່າວຕໍ່ກອງປະຊຸມສຸດຍອດການ
ພັດທະນາຂອງອົງການສະຫະປະຊາຊາດວ່າ ວິກິດການອົບພະ
ຍົບແມ່ນຈຳເປັນ ຕ້ອງໄດ້ມີການ “ເອົາບາດກ້າວ ຢ່າງຮີບດ່ວນ”
ເພື່ອແກ້ໄຂ “ສາເຫດຮາກເຫງົ້າ” ຂອງສະພາບການທີ່ກືນບໍ່ເຂົ້າ
ຄາຍອອກບໍ່ອອກດັ່ງກ່າວນີ້.
ທ່ານ Miro Cerar ກ່າວໃນວັນສຸກວານນີ້ທີ່ນະຄອນ New York
ວ່າ Slovenia ແລະບັນດາປະເທດ ໃນຢູໂຣບອື່ນໆກຳລັງພາກັນ
ພະຍາຍາມຫາທາງແກ້ໄຂວິກິດການໃນຢູໂຣບດ້ວຍ “ຄວາມມີມະ
ນຸດສະທຳແລະເປັນນ້ຳນຶ່ງໃຈດຽວແຕ່ກໍຄຳນຶງເຖິງຄວາມໝັ້ນຄົງ.”
ທ່ານ Miro Cerar ກ່າວວ່າ “ວິກິດການອົບພະຍົບທົ່ວໂລກ ທີ່ພວກເຮົາກຳລັງປະເຊີນໜ້າ
ບໍ່ມີພຽງແຕ່ຢູ່ໃນຢູໂຣບ ແຕ່ຍັງມີຢູ່ໃນຫລາຍໆພາກສ່ວນຂອງໂລກ ທີ່ຕ້ອງການ ເພື່ອໃຫ້ມີ ການເອົາບາດກ້າວ ອັນຮີບດ່ວນ. ກ່ອນອື່ນໝົດ ພວກເຮົາຕ້ອງແກ້ໄຂ ສາເຫດຮາກເຫງົ້າ ແລະປ້ອງກັນບໍ່ໃຫ້ມີການເສຍຊີວິດຕື່ມອີກ. ປະເທດຂອງຂ້າພະເຈົ້າພ້ອມດ້ວຍບັນດາປະ
ເທດຢູໂຣບອື່ນໆໄດ້ເພີ້ມກິດຈະການຕ່າງໆໃນການແກ້ໄຂບັນຫາວິກິດການອົບພະຍົບໃນ ປັດຈຸບັນຂອງຢູໂຣບ. ຫລັກ ການສຳຄັນໃນການເອົາບາດກ້າວຂອງພວກເຮົາ ແມ່ນອິງໃສ່
ຄວາມເປັນມະນຸດສະທຳ ແລະ ຄວາມເປັນນ້ຳນຶ່ງໃຈດຽວ ແຕ່ກໍຄຳນຶງ ເຖິງຄວາມໝັ້ນຄົງ. ພວກເຮົາຕ້ອງພ້ອມໃຈກັນ ພະຍາຍາມຕໍ່ສູ້ກັບການເຂົ້າປະເທດທີ່ຜິດກົດໝາຍແລະປາບ ປາມພວກລັກລອບຂົນສົ່ງອົບພະຍົບແລະພວກຄ້າມະນຸດ.”
ປະເທດ Crotia ໄດ້ຍົກເລີກຂໍ້ຈຳກັດທີ່ດ່ານຂ້າມຊາຍແດນໃຫຍ່ ກັບ Serbia ໃນວັນສຸກ
ວານນີ້ເຮັດໃຫ້ຄວາມຂັດແຍ້ງທີ່ມີມາເປັນເວລານຶ່ງອາທິດກ່ຽວກັບການຫລັ່ງໄຫຼຂອງພວກ ອົບພະຍົບຫລາຍພັນຄົນຂ້າມເຂດຊາຍແດນນັ້ນ ສິ້ນສຸດລົງ.
ປະມານ 60,000 ຄົນ ທີ່ພາກັນຫລົບໜີຈາກສົງຄາມແລະຄວາມທຸກຍາກໃນພາກຕາເວັນ
ອອກກາງແລະອາຟຣິກາໄດ້ເຂົ້າໄປໃນ Crotia ໃນຫວ່າງບໍ່ເທົ່າໃດມື້ຈາກຊາຍແດນທາງ
ກ້ຳຕາເວັນອອກ ທີ່ຕິດກັບ Serbia ອີງຕາມໂຕເລກຂອງທາງການ ທີ່ເປີດເຜີຍໃນວັນສຸກ
ວານນີ້.
ໃນການຖະແຫຼງທີ່ນະຄອນ Belgrade ກຳມາທິການສະຫະພາບຢູໂຣບທ່ານ Johannes
Hanh ກ່່າວວ່າ ວິກິດການອົບພະຍົບ ແມ່ນບັນຫາຢູ່ໃນທົ່ວໂລກ ທີ່ສາມາດແກ້ໄຂໄດ້ ພຽງແຕ່ຜ່ານການຮ່ວມມືປະສານງານກັນ ຂອງທຸກໆປະເທດໃນຢູໂຣບ.
Your browser doesn’t support HTML5
Europe Migrants