ປະທານາທິບໍດີ Barack Obama ແລະສະຕີໝາຍເລກນຶ່ງ ທ່ານນາງ Michelle Obama ໄດ້ເປັນເຈົ້າພາບຈັດງານກິນລ້ຽງຕ້ອນຮັບ ນາຍົກລັດຖະມົນຕີສິງກະໂປ ທ່ານ Lee Hsein Loong ແລະພັນລະຍາຂອງທ່ານ ທີ່ທຳນຽບຂາວໃນຕອນແລງວັນອັງຄານວານນີ້ ແບບມັດໂບດຳທີ່ເປັນຂີດໝາຍຄົບຮອບສຳພັນທະພາບ 50 ປີລະຫວ່າງ ວໍຊິງຕັນ ກັບປະເທດເກາະດອນດັ່ງກ່າວ.
ປະເທດທັງສອງໄດ້ມີເສດຖະກິດ ແລະຄວາມໝັ້ນຄົງຢ່າງໄກ້ຊິດຮ່ວມກັນ ທີ່ມີຈຳນວນ ຫລາຍກວ່າ 3,500 ບໍລິສັດອາເມຣິກັນທີ່ຕັ້ງຢູ່ໃນເມືອງທີ່ເປັນທັງປະເທດເອເຊຍແຫ່ງນັ້ນ.
ທັງສອງປະເທດໄດ້ລົງນາມເຫັນດີ ກ່ຽວກັບດິນຟ້າອາກາດທີ່ນະຄອນຫລວງປາຣີຂອງປີ 2015 ແລະສິງກະໂປໄດ້ເປັນປະເທດທີນຶ່ງຂອງອາຊີອາຄະເນ ທີ່ໄດ້ເຂົ້າຮ່ວມຕໍ່ສູ້ຕ້ານຫົວຮຸນແຮງຈັດລັດອິສລາມ.
ພິທີ່ຕ້ອນຮັບດ້ວຍອາຫານຄໍ່າຄັ້ງທີ່ 12 ຂອງປະທານາທິບໍດີ Obama ໄດ້ເປີດຂຶ້ນດ້ວຍການຮັບປະທານ ສະລັດປູທະເລຂອງລັດ Maryland ໃສ່ກັບນໍ້າສະລັດໝາກກ້ຽງເອເຊຍ ພ້ອມດ້ວຍນໍ້າໝາກນາວໂຫລະພາ ທີ່ມາຈາກສວນຜັກທຳນຽບຂາວຂອງທ່ານນາງ Michelle Obama ແລະໝາກເລັ່ນເປັນພວງຈາກລັດ Ohio ຕິດຕາມມາດ້ວຍອາຫານເອກທີ່ຮ່ວມທັງ ຊີ້ນ Wagyu ປີ້ງຫົວມັນດ້າງເຫຼືອງ ແລະ wilted kale.
ທ່ານ Lee ແລະພັນລະຍາ ທ່ານນາງ Ho Ching ແລະແຂກ 200 ຄົນ ປະກອບດ້ວຍຜູ້ມີຊື່ສຽງຈາກທຸລະກິດ ແລະສື່ມວນຊົນ ພ້ອມດ້ວຍບັນດາເຈົ້າໜ້າທີ່ລັດຖະບານ ໄດ້ຖືກກ່ອມອາລົມດ້ວຍນັກຮ້ອງ ນັກປະພັນ Chrisette Nichele.
ງານລ້ຽງຕ້ອນຮັບສິງກະໂປເທື່ອຫລ້າສຸດເກີດຂຶ້ນໃນປີ 1985 ເວລານັ້ນແມ່ນ ປະທານາທິບໍດີ Ronald Reagan ໄດ້ເປັນເຈົ້າພາບສຳລັບມື້ລາງພໍ່ຂອງທ່ານ Lee ອະດີດນາຍົກ ລັດຖະມົນຕີ ທ່ານ Lee Kuan Yew.
ອ່ານຂ່າວນີ້ເພີ້ມເປັນພາສາອັງກິດ
Your browser doesn’t support HTML5
WH Singapore Dinner