ນັກການທູດ 5 ຄົນ ທີ່ຢູ່ໃນຕຳແໜ່ງຄະນະຜູ້ຈັດການຂັ້ນອະວຸໂສ ຂອງກະຊວງການຕ່າງ ປະເທດສະຫະລັດ ໄດ້ລາອອກ ບໍ່ເທົ່າໃດມື້ ກ່ອນໜ້າຜູ້ທີ່ ປະທານາທິບໍດີ ດໍໂນລ ທຣຳ ເລືອກໃຫ້ເຂົ້າກຳຕຳແໜ່ງເປັນລັດຖະມົນຕີຂອງກະຊວງດັ່ງກ່າວ ຄາດວ່າຈະຖືກຮັບຮອງເອົາໂດຍສະພາສູງ ແລະເຂົ້າຮັບໜ້າທີ່.
ນຶ່ງໃນບັນດານັກການທູດທັງ 5 ແມ່ນຢູ່ເທິງເຮືອບິນ ພວມເດີນທາງ ໄປຢູໂຣບ ເພື່ອເຂົ້າ ຮ່ວມກອງປະຊຸມລະດັບສູງເວລາທ່ານໄດ້ຮັບຄຳສັ່ງໃຫ້ເດີນທາງກັບຄືນປະເທດ ອີງຕາມແຫຼ່ງຂ່າວທາງການທູດທີ່ວີໂອເອໄດ້ຮັບ.
ທ່ານ Bruce Jentleson ອະດີດທີ່ປຶກສາອະວຸໂສ ໃຫ້ແກ່ຜູ້ອຳນວຍການໃນ ການວາງແຜນດ້ານນະໂຍບາຍຂອງກະຊວງການຕ່າງປະເທດສະຫະລັດ ກ່າວຕໍ່ວີໂອເອວ່າ “ນີ້ບໍ່
ແມ່ນຂັ້ນຕອນທຳມະດາ. ມັນບໍ່ແມ່ນເຫດການບັງເອີນ.” ອາຈານສອນນະໂຍບາຍສາທາ
ລະນະ ແລະລັດຖະສາດ ຈາກມະຫາວິທະຍາໄລ Duke ກ່າວຕື່ມວ່າ “ຖ້າຫາກວ່າມັນບໍ່ແມ່ນມີການປະສານງານກັນແລ້ວ ມັນຍິ່ງ ຈະມີຄວາມສຳຄັນຫຼາຍ.”
ຕຶກກະຊວງຕ່າງປະເທດ ທີ່ນະຄອນຫລວງ Washington.
ພວກນັກການທູດອາຊີບທີ່ກະຊວງຕ່າງປະເທດ ແນວໃດກໍຕາມ ແມ່ນຮູ້ສຶກຕົກໃຈກ່ຽວກັບລາຍງານຂ່າວໃນວັນພະຫັດວານນີ້ ໂດຍຖິ້ມໂທດໃສ່ລັດຖະບານຊຸດ ໃໝ່ ກ່ຽວກັບການລາອອກ “ຢ່າງເປັນຂະບວນ” ຫຼື “ປົດຈາກຕຳແໜ່ງ.”
ຮອງລັດຖະມົນຕີຕ່າງປະເທດ ທ່ານນາງ Victoria Nuland ກ່າວລະຫວ່າງກອງປະຊຸມນັກຂ່າວທີ່ Kyiv ປະເທດ Ukraine.
ເອກອັກຄະລັດຖະທູດ Barbara Stephenson ປະທານສະມາຄົມລັດຖະ ກອນກະຊວງຕ່າງປະເທດອາເມຣິກັນ ທີ່ເອີ້ນຫຍໍ້ວ່າ AFSA ຊຶ່ງເປັນກຸ່ມຈັດ ຕັ້ງອາຊີບແລະກຳມະບານຂອງກະຊວງການຕ່າງປະເທດ ກ່າວວ່າ “ສິ່ງແວດ ລ້ອມກ່ຽວກັບເລື່ອງນີ້ແມ່ນບໍ່ຄົບຖ້ວນແທ້ໆ.”
ທ່ານນາງກ່າວຕໍ່ວີໂອເອວ່າ “ການສັບປ່ຽນຕຳແໜ່ງໃໝ່ແລະການອອກກິນເບ້ຍບຳນານ ຫຼັງຈາກໄດ້ຮັບໃຊ້ຄົບຕາມຈຳນວນປີແລ້ວ ແມ່ນສ່ວນນຶ່ງຂອງ DNA ຂອງກະຊວງຕ່າງ
ປະເທດ. ມັນເປັນເລື່ອງທຳມະດາທີ່ວ່າປ່ຽນແປງຂອງລັດຖະ ບານ ພາໃຫ້ມີການປ່ຽນແປງບຸກຄະລາກອນ.”
ທ່ານ Rex Tillerson, ກາງ, ອະດີດປະທານ ແລະຫົວໜ້າບໍລິຫານ ບໍລິສັດນໍ້າມັນ ExxonMobil ສຳພັດມືກັບ ສະມາຊິກສະພາສູງ ສະຫະລັດ ທ່ານ Marco Rubio.