ນັ້ນແມ່ນເພງ ໄທດຳລຳພັນ ທີ່ເປັນເພງດັງໃນອະດີດ ທີ່ໄດ້ມີຫຼາຍໆສິນລະປິນນຳມາຂັບຮ້ອງ ແຕ່ຄັ້ງນີ້ເປັນສຽງຂອງ ແສງນະພາ ດາຣານ້ອຍ ສິນລະປິນສາວ ຈາກ
ສປປ ລາວ ຊຶ່ງວັນນະສອນ ຕັ້ງໃຈຈັດມອບໃຫ້ທ່ານ ນວນຕາ ແກ້ວມະນີ ຜູ້ຟັງປະຈຳ
ລາຍການ VOA ທີ່ສະຫວັນນະເຂດ ຊຶ່ງຮັກແພງແລະຄຸ້ນເຄີຍກັບຍາເອື້ອຍ ດາຣາ ຫົວໜ້າພະແນກພາສາລາວຂອງ VOA ຊຶ່ງຄອຍຂະຫຍັນຂຽນ email ເຂົ້າມາຫາທາງເຮົາຢ່າງສະໝ່ຳສະເໝີ ແລະຕ້ອງຂໍຂອບໃຈທີ່ສົ່ງຂ່າວ ແລະສົ່ງແຮງໃຈມາໃຫ້ຢ່າງ
ສະເໝີຕົ້ນສະເໝີປາຍ…ພ້ອມດຽວກັນນີ້ ຍາເອື້ອຍດາຣາ ຍັງຝາກສະແດງຄວາມຍິນດີກັບທ່ານນວນຕາ ດ້ວຍກັບການທີ່ໄດ້ລູກສະໄພ້ຄົນງາມ ຫວ່າງໄວໆມານີ້…ແລະຫວັງວ່າໃນອານາຄົດຕໍ່ໄປ ຄົງຈະໄດ້ເຫັນ email ຂອງທ່ານນວນຕາຂຽນເຂົ້າມາຫາເຮົາອີກ.
Your browser doesn’t support HTML5
ຟັງເພງຕາມຄຳຂໍ -ແສງນະພາ-ດາຣານ້ອຍ-ໄທດຳລຳພັນ-06ເມສາ14
ອີກຄັ້ງນຶ່ງ ວັນນະສອນ ຕ້ອງຂໍຂອບໃຈທຸກໆ ຈມ, ທຸກໆ email ທີ່ຂຽນເຂົ້າມາຫາທາງລາຍການ VOA ຢ່າງມາກມາຍກ່າຍກອງ ທີ່ວ່າ ຕິດຕາມຮັບຟັງຂ່າວຈາກພວກເຮົາແລະຍັງບອກມາວ່າ VOA ເປັນສື່ທີ່ໃຫ້ຂໍ້ມູນຊັດເຈນ ມີທັງສາລະ ໃຫ້ຄວາມບັນເທີງ ວັນນະສອນ ຂໍຈັດເພງ Sophie ເປັນເພງທີ່ໄດ້ຟັງທຸກໆຄັ້ງແລ້ວປະທັບໃຈ…ເປັນສຽງຂອງນັກຮ້ອງໜຸ່ມ ຕີເຕີ…ຂໍມອບເພງນີ້ ໃຫ້ ສໍຣະພົງ ວໍຣະຈິດ ທີ່ຂຽນຂໍ້ຄວາມຝາກໄວ້ ໃນ website ຊຶ່ງເປັນແຟນປະຈຳລາຍການ VOA ທີ່ບອກວ່າ ຟັງລາຍການເປັນປະຈຳ ທຸກໆເຊົ້າ ກ່ອນອອກໄປເຮັດວຽກ ປະຈຸບັນນີ້ ທາງເຮົາມີ app ສຳຫຼັບ IPhone ແລະ
Android ທີ່ຈະໄດ້ພົກພາຕິດກັບຕົວຕະຫຼອດເວລາ ຈະຟັງຍາມໃດ ເມື່ອໃດກໍໄດ້ ໃນໂອກາດທີ່ເໝາະສົມ. ເພງ Sophie ລໍຖ້າຢູ່ແລ້ວ ໄປຟັງພ້ອມໆກັນເລີຍ…
ຂໍ້ຄວາມຈາກ ທ່ານສົມນຶກ ຈາກຫຼວງນ້ຳທາ ທີ່ຂຽນໄວ້ໃນ website ເປັນພາສາຈີນ ເພາະບອກວ່າ ບໍ່ມີ font ພາສາລາວ ຊຶ່ງໄດ້ແປເປັນພາສາລາວ ຈາກ google translation ທີ່ມີຄວາມໝາຍວ່າ ຂໍໂທດທີ່ບໍ່ມີ font ພາສາລາວ ມັກຟັງ VOA ແລະຍັງບອກມາອີກວ່າ ເປັນຄົນລາວເດີ. ເອົາ…ຈັ່ງໃຈກໍຂໍຂອບໃຈ ທີ່ພະຍາຍາມຂຽນເຂົ້າມາ
ຂໍມອບເພງ ລຳວົງພາເພີນ ທີ່ຂັບຮ້ອງໂດຍສາວຜີວຄ້າ ນ້ຳສຽງດີ ແສງດາວວີ ຊຶ່ງເພງນີ້ ກໍຖືວ່າເປັນເພງເປີດງານ ເລີກງາມຍາມດີ ທີ່ມັກຈະຈັດໃຫ້ທຸກໆທ່ານ ອອກມາຟ້ອນ
ລຳວົງຮ່ວມກັນ…ແລະຫວັງວ່າ ຫຼັງຈາກທີ່ໄດ້ລຳວົງມ່ວນຊຶ່ນກັນໄປແລ້ວ ກໍຢ່າລືມກັບມາຟັງ ເພງລາວມ່ວນໆກັບວັນນະສອນອີກ ໃນສັບປະດາໜ້າ…