ສະມາຊິກສະພາ ໄນຈີເຣຍ ຄົນນຶ່ງກ່າວວ່າ ຢ່າງໜ້ອຍ 1,000
ຄົນໄດ້ເສຍຊີວິດ ຈາກການໂຈມຕີທີ່ຕໍ່ເນຶ່ອງ ໂດຍພວກຫົວຮຸນ
ແຮງ Boko Haram.
ສະມາຊິກສະພາສູງ ທ່ານ Maina Maaji Lawan ກ່າວຕໍ່ ວີ
ໂອເອ ວ່າ ກຸ່ມ Boko Haram “ໄດ້ອາລະວາດ” ໃນວັນພຸດທີ່
ຜ່ານມາ ໂດຍເຜົາບ້ານເຮືອນ ຫລາຍຫລັງ ຢູ່ເມືອງ Baga ໃນ
ພາກຕາເວັນອອກສຽງເໜືອຂອງປະເທດແລະ ໝູ່ບ້ານທີ່ຢູ່
ອ້ອມແອ້ມນັ້ນ.
ທ່ານ Lawan ຊຶ່ງເຂດຂອງທ່ານແມ່ນຮວມທັງເມືອງ Baga
ກ່າວຢືນຢັນເຖິງ ຈຳນວນຜູ້ເສຍຊີວິດວ່າ ເປັນໄປບໍ່ໄດ້ທີ່ຈະຮູ້ຢູ່ໃນປັດຈຸບັນນີ້ ແຕ່ກ່າວວ່າ “ບໍ່ຢູ່ໃນຈຳນວນຮ້ອຍ.”
Your browser doesn’t support HTML5
Security Experts: Nigeria, Neighbors Must Unite Against Boko Haram
ວີໂອເອ ໄດ້ລົມກັບບັນດານັກວິເຄາະ ທີ່ຕິດຕາມເບິ່ງສະພາບການໃນວັນພະຫັດວານນີ້
ທີ່ກ່າວວ່າ ຈຳນວນຜູ້ເສຍຊີວິດຂອງ ທ່ານ Lawan ປາກົດວ່າເປັນການຄາດຄະເນສູງ
ແຕ່ກໍບໍ່ໄດ້ປະຕິເສດເຖິງຄວາມເປັນໄປໄດ້.
ກຸ່ມ Boko Haram ໄດ້ຍຶດເອົາເມືອງ Baga ແລະຄ້າຍທະຫານທີ່ສຳຄັນ ແຫ່ງນຶ່ງໃນວັນ
ເສົາ ໂດຍຂັບໄລ່ພວກທະຫານໄນຈີເຣຍອອກໄປ ຫລັງຈາກໄດ້ມີການສູ້ລົບກັນໜັກ.
ທ່ານ Lawan ກ່າວວ່າ ພວກຫົວຮຸນແຮງ ປຸ້ນເອົາອາຫານຢູ່ບັນດາຮ້ານຄ້າທ້ອງຖິ່ນ
ແລະຮ້ານຂາຍຢາ ກ່ອນເລີ້ມມີການຍິງກັນໃນຮອບໃໝ່.
ບັນດາເຈົ້າໜ້າທີ່ ແລະຜູ້ເຫັນເຫດການ ກ່າວວ່າ ຫລາຍຮ້ອຍຄົນພາກັນຫລົບໜີໄປ
ເມືອງ Maiduguri ຊຶ່ງເປັນເມືອງຫລວງຂອງ ລັດ Borno ເພື່ອຫລົບໜີຈາກຄວາມຮຸນ
ແຮງ. ອົງການຂ່າວຝຣັ່ງ ອ້າງຄຳເວົ້າຊາວເມືອງ Baga ວ່າ ພໍ່ຄ້າຂາຍປາ ທ້າວ Abu-
bakar Gamadi ກ່າວວ່າ ອີກຫລາຍຮ້ອຍຄົນທີ່ພາກັນຫລົບໜີ ໄດ້ຕິດຄ້າງຢູ່ເກາະ
ຕ່າງໆໃນທະເລສາບ Chad ທີ່ຢູ່ໃກ້ຄຽງ.
ລາຍງານຫລ້າສຸດ ໄດ້ອອກມາໃນວັນພະຫັດວານນີ້ວ່າ ປະທານາທິບໍດີ ໄນຈີເຣຍ ທ່ານ
Goodluck Jonathan ໄດ້ເລີ້ມການໂຄສະນາເລືອກຕັ້ງຂອງທ່ານ ຢູ່ໃນນະຄອນ Lagos
ຊຶ່ງເປັນເມືອງທີ່ໃຫຍ່ສຸດຂອງ ໄນຈີເຣຍ.
Your browser doesn’t support HTML5
NIGERIA BOKO HARAM VO