ອີງຕາມຄຳເວົ້າຂອງຕຳຫຼວດແມ່ນວ່າສະຖານທີ່ພັກອາໄສໃນ ບາງກອກ ຫຼາຍພັນແຫ່ງ, ລວມທັງບ້ານພັກນັກທ່ອງທ່ຽວທີ່ໄດ້ຮັບການຢ້ຽມຢາມໂດຍຕ່າງປະເທດເປັນປະຈຳ, ແມ່ນກຳລັງຖືກຊອກ ຄົ້ນເພື່ອຮ່ອງຮອຍໃນການລະເບີດທິີ່ສານເຈົ້າຊື່ດັງໃນໜຶ່ງສັບປະດາຜ່ານມາ.
ມີຫຼາຍກວ່າ 10 ພັນ ແຫ່ງໃນ ບາງກອກ ທີ່ໄດ້ຖືກກວດສອບ ແລະ ກວດຄົ້ນ, ຊຶ່ງຫົວໜ້າ ຕຳຫຼວດນະຄອນຫຼວງ ພົນໂທ Srivara Ransibrahmanakul ໄດ້ເວົ້າໄປ. “ພວກເຮົາອາດຕ້ອງໄດ້ກວດຄົ້ນ ບາງສະຖານທີ່ຊ້ຳອີກ”
ການກວດຄົ້ນແມ່ນສ່ວນໜຶ່ງຂອງການປະຕິບັດການ ເຊິ່ງມີເຈົ້າໜ້າທີ່ຕຳຫຼວດ, ທະຫານ ແລະ ຄົນອື່ນໆຫຼາຍກວ່າ 1,000 ເຂົ້າຮ່ວມໃນການຄົ້ນຫາ ທີ່ມີຄວາມຕັ້ງໃຈຢາກເສີມຄວາມໝັ້ນໃຈຕໍ່ສາທາລະນະໃນການສືບສວນສອບສວນ ແລະ ສ້າງຄວາມໝັ້ນໃຈໃຫ້ແກ່ນັກທ່ອງ ທ່ຽວວ່ານະຄອນຫຼວງຂອງ ພະລາດຊະອານາຈັກເປັນບ່ອນປອດໄພ.
ມີຢ່າງໜ້ອຍ 20 ຄົນໄດ້ເສຍຊີວິດ ແລະ 100 ຄົນໄດ້ຮັບບາດເຈັບໃນການລະເບີດເມື່ອ ສັບປະດາທີ່ຜ່ານມາ.