ຊາອຸດີ ອາຣາເບຍ ເປີດສະຖານທູດຄືນໃໝ່ໃນນະຄອນແບັກ
ແດດ ໃນວັນສຸກວານນີ້ ອັນເປັນການເຄື່ອນໄຫວ ທີ່ໝາຍເຖິງ
ການຊ່ວຍເສີມສ້າງ ຄວາມເຂັ້ມແຂງ ຂອງພັນທະມິດຢູ່ໃນຂົງ
ເຂດຕ້ານກຸ່ມລັດອິສລາມ ທີ່ໄດ້ຍຶດເອົາດິນແດນ ຢູ່ໃນອີຣັກ
ແລະຊີເຣຍ.
ຊາອຸດີ ອາຣາເບຍ ໄດ້ຕັດສຳພັນທາງການທູດ ແລະປິດສະ
ຖານທູດຂອງຕົນໃນນະຄອນແບັກແດດ ໃນປີ 1990 ຫລັງ
ຈາກມື້ລາງ ຜູ້ນຳຜະເດັດການອີຣັກ ທ່ານ Saddam Hus-
sein ຮຸກຮານຄູເວດ.
ເອກອັກຄະລັດຖະທູດ ຊາອຸດີ ປະຈຳອີຣັກ ທ່ານ Thamer Al Sabhan ໄດ້ກ່າວຕໍ່
ໂທລະພາບ al-Arabia ວ່າ ການເປີດຄືນສະຖານທູດນີ້ ຈະອະນຸຍາດໃຫ້ທັງສອງ
ປະເທດ ປະສານງານກັນໃນດ້ານຄວາມໝັ້ນຄົງ ແລະຄວາມພະຍາ ຍາມທາງດ້ານ
ທະຫານ ຕ້ານພວກຫົວຮຸນແຮງຈັດ.
ທັງສອງປະເທດ ໄດ້ປຶກສາຫາລືກັນໃນຂັ້ນຕັ້ນເພື່ອສ້າງຕັ້ງສາຍສຳພັນຄືນໃໝ່ ເມື່ອ
ໜຶ່ງປີກ່ອນ ເວລາຄະນະຜູ້ຕາງໜ້າຊາອຸດີ ໄດ້ເດີນທາງໄປນະຄອນແບັກແດດ ໃນ
ເດືອນມັງກອນ ປີ 2015 ເພື່ອເລີ້ມກະກຽມການເປີດສະຖານທູດຄືນໃໝ່.
ການເຄື່ອນໄຫວໃນວັນສຸກວານນີ້ ເປັນຮ່ອງຮອຍຫລ້າສຸດຂອງຄວາມສຳພັນທີ່ ອົບ
ອຸ່ນຂຶ້ນ ລະຫວ່າງແບັກແດດ ແລະບັນດາປະເທດອາຣັບ ໃນເຂດອ່າວເປີເຊຍ ຊຶ່ງ
ຈຳນວນໜຶ່ງເຫັນວ່າ ອີຣັກທີ່ຢູ່ພາຍໃຕ້ການນຳພາຂອງຊາວ Shi’ite ມີຄວາມໃກ້
ຊິດເກີນໄປກັບອີຣ່ານ ທີ່ນັບຖືສາສະໜາອິສລາມ ນິກາຍ Shi’iteທີ່ເປັນຄູ່ແຂ່ງ
ທີ່ສຳຄັນຂອງເຂົາເຈົ້ານັ້ນ.
ຊາອຸດີ ອາຣາເບຍ ທີ່ປົກຄອງໂດຍ ນິກາຍ Sunni ນັ້ນ ໄດ້ກ່າວຫາອີຣັກມາເປັນເວລາ
ນານແລ້ວວ່າ ມີຄວາມໃກ້ຊິດກັບອີຣ່ານເກີນໄປ ແລະໄດ້ຊຸກຍູ້ໃຫ້ມີ ການຈຳແນກກີດ
ກັນຕໍ່ຊາວ Sunni ຊຶ່ງເປັນການກ່າວຫາທີ່ ແບັກແດດ ໄດ້ປະ ຕິເສດແລ້ວນັ້ນ.
ຄວາມເຄັ່ງຕຶງໄດ້ຫລຸດຜ່ອນລົງ ລະຫວ່າງບັນດາປະເທດໃນເຂດອ່າວເປີເຊຍທີ່ ປົກຄອງ
ໂດຍນິກາຍ Sunni ແລະອີຣັກ ນັບຕັ້ງແຕ່ນາຍົກລັດຖະມົນຕີ Haider al-Abadi ໄດ້ກຳ
ຕຳແໜ່ງ ໃນເດືອນສິງຫາ ປີ 2014.