ຜູ້ສະມັກປະທານາທິບໍດີສະຫະລັດຂອງພັກ Republican ທ່ານ Mitt Romney ໄດ້
ໂຈມຕີຂູ່ແຂ່ງທ່ານ Rick Santorum ວ່າເປັນນັກການເມືອງທີ່ຢູ່ພາຍໃນທີ່ມີແນວໂນ້ມ
ໃນການໃຊ້ຈ່າຍເງິນລັດຖະບານຫລາຍທີ່ສຸດ.
ທ່ານ Santorum ອະດີດສະມາຊິກສະພາສູງຈາກລັດ Pennsylvania ກໍາລັງທຳການ
ຕໍ່ສູ້ຢ່າງດຸເດືອດກັບທ່ານ Mitt Romney ເພື່ອຈະເປັນຜູ້ມີຄະແນນນຳໜ້າເພື່ອໃຫ້ຖືກ
ແຕ່ງຕັ້ງເປັນຜູ້ສະມັກປະທານາທິບໍດີຈາກພັກ Republican. ຜູ້ທີ່ໄດ້ຮັບການແຕ່ງຕັ້ງ
ຈາກພັກຈະໄດ້ປະເຊີນໜ້າກັບປະທານາທິບໍດີ ບາຣັກ ໂອບາມາ ສັງກັດພັກ Democrat ຊຶ່ງຈະມີການເລືອກຕັ້ງທົ່ວໄປໃນເດືອນພະຈິກປີນີ້. ທ່ານ Romney ແມ່ນອະດີດຜູ້ປົກ
ຄອງລັດ Massachusetts.
ໃນການກ່າວຢູ່ໃນພິທີແຫ່ງນຶ່ງໃນວັນພະຫັດທີ່ລັດ Arizona ຊຶ່ງເປັນ ນຶ່ງໃນຈຳນວນສອງ
ລັດ ທີ່ຈະມີການເລືອກຕັ້ງຂັ້ນຕົ້ນໃນອາທິດໜ້ານີ້ ທ່ານ Romney ກ່າວວ່າ ທີມງານຂອງ
ທ່ານແມ່ນ “ປະຊາຊົນອາເມຣິກາ” ແຕ່ບໍ່ແມ່ນ “ພວກທີ່ຢູ່ໃນນະຄອນຫຼວງວໍຊິງຕັນ.”
ຄະແນນສຽງຂອງສອງທ່ານນີ້ກໍາລັງແມ່ນໃກ້ຄຽງກັນຫຼາຍຢູ່ໃນລັດ Michigan ຊຶ່ງເປັນອີກ
ລັດນຶ່ງທີ່ຈະມີການເລືອກຕັ້ງຂັ້ນຕົ້ນໃນວັນອັງຄານຈະມາ. ໃນອາທິດແລ້ວນີ້ການຢັ່ງຫາງ
ສຽງບາງອັນໄດ້ສະແດງໃຫ້ເຫັນວ່າທ່ານ Santorum ໄດ້ເປັນຜູ້ນໍາຄະແນນນຳໜ້າທີ່ສຳຄັນ.
ຢູ່ທີ່ລັດ Arizona ການຢັ່ງຫາງສຽງໄດ້ສະແດງໃຫ້ເຫັນວ່າ ທ່ານ Romney ມີຄະແນນນຳ
ໜ້າ ທ່ານ Santorum. ເຖິງຢ່າງໃດກໍດີ ໃນການຢັ່ງຄະແນນສຽງ ທົ່ວປະເທດນັ້ນ ທ່ານ
Santorum ເປັນຜູ້ມີຄະແນນນຳໜ້າຢ່າງຈະແຈ້ງຊຶ່ງເກືອບ 34% ສະໜັບສະໜຸນທ່ານແລະ
28% ສະໜັບສະໜຸນທ່ານ Romney.