ຜູ້ສະມັກຝ່າຍຄ້ານ ທ່ານ Macky Sall ກ່າວວ່າ ສັກກະຫລາດໃໝ່ ສາມາດເລີ້ມຂື້ນ
ໄດ້ແລ້ວ ໃນເຊເນກາລ ຫລັງຈາກທີ່ທ່ານໄດ້ຮັບໄຊ ຊະນະ ໃນການເລືອກຕັ້ງປະທາ
ນາທິບໍດີຮອບຕັດສິນຊີ້ຂາດ ໃນວັນອາທິດວານນີ້.
ຜົນການນັບບັດຄະແນນສຽງທີ່ບໍ່ເປັນທາງການ ສະແດງໃຫ້ເຫັນວ່າບັນດາຜູ້ປ່ອນ
ບັດພາກັນໜຸນຫລັງທ່ານ Sall ຫລາຍກວ່າປະທານາທິ ບໍດີ Abdoulaye Wade
ທີ່ພະຍາຍາມຈະໃຫ້ໄດ້ດໍາລົງຕໍາແໜ່ງເປັນ ຄັ້ງທີ່ສາມ ຊຶ່ງເປັນບັນຫາຂັດແຍ້ງກັນນັ້ນ.
ທ່ານ Sall ກ່າວຕໍ່ບັນດານັກຂ່າວວ່າ ການເລືອກຕັ້ງຄັ້ງນີ້ແມ່ນເປັນໄຊຊະນະສໍາລັບ
ທຸກໆຄົນໃນເຊເນກາລ.
ທ່ານກ່າວອີກວ່າ ທ່ານຈະຕາງໜ້າປະຊາກອນເຊເນກາລທຸກຖ້ວນໜ້າ. ບັນດາຜູ້ສະ
ໜັບສະໜູນທ່ານໄດ້ພາກັນໂຮມຊຸມນຸມ ຢູ່ເມືອງຫລວງ Dakar ເພື່ອສະຫລອງໄຊຊະ
ນະຂອງທ່ານ.
ສ່ວນປະທານາທິບໍດີ Wade ນັ້ນ ກ່າວວ່າ ທ່ານໄດ້ໂທລະສັບໄປສະແດງຄວາມຊົມ
ເຊີຍຕໍ່ ທ່ານ Sall ແລະໄດ້ກ່າວຂອບໃຈຕໍ່ບັນດາຜູ້ສະໜັບສະໜູນທ່ານ ແລະຊຸກຍູ້
ພວກເຂົາເຈົ້າ ໃຫ້ພາກັນກຽມຕົວສໍາລັບການເລືອກຕັ້ງສະພາທີ່ຈະມາເຖິງນີ້.
ຜົນຂອງການນັບຄະແນນສຽງຢ່າງເປັນທາງການນັ້ນ ຍັງຢູ່ອີກຫລາຍມື້ ກ່ວາຈະໄດ້ຮູ້
ແຕ່ບັນດາຜູ້ສັງເກດການພາກັນສະແດງຄວາມພໍໃຈນໍາ ການປ່ອນບັດ. ອະດີດປະທາ
ນາທິບໍດີ ໄນຈີເຣຍ ທ່ານ Olusegun Obasanjo ທີ່ເປັນຫົວໜ້ານໍາພາບັນດານັກ
ສັງເກດການຈາກສະຫະ ພາບອາຟຣິກາ ກ່າວຕໍ່ VOA ວ່າ ການເລືອກຕັ້ງມີຄວາມ
ໂປ່ງໃສ ແລະດໍາເນີນໄປຢ່າງສັນຕິ.