ເຖິງແມ່ນວ່າ 30 ລັດໄດ້ອອກກົດລະບຽບຫ້າມ ບໍ່ໃຫ້ຄົນຕີພິມຂໍ້ຄວາມສົ່ງທາງມືຖື ຫລື texting ໃນເວລາຂັບລົດກໍຕາມ ແຕ່ວ່າການສຶກສາຄົ້ນຄວ້າສະແດງໃຫ້ເຫັນວ່າ ການເກືອດຫ້າມດັ່ງກ່າວ ບໍ່ໄດ້ເຮັດໃຫ້ຄົນຂັບລົດທີ່ມັກພິມຂໍ້ ຄວາມສົ່ງທາງໂທລະສັບມືຖືຢ່າງໜັກນັ້ນ ເຊົາເຮັດແນວ ນັ້ນເລີຍ. ແຕ່ວ່າດຽວນີ້ ມີເທັກໂນໂລຈີໃໝ່ທີ່ແນໃສ່ເພື່ອ ຕ້ານກັບການພິມແລະສົ່ງຂໍ້ຄວາມຜ່ານມືຖືໃນເວລາຂັບລົດ ແລະ ແນວໂນ້ມຂອງການຂັບລົດທີ່ເປັນອັນຕະລາຍອື່ນໆ.
ທ່ານ Wayne Irving ນັກສ້າງໂປແກຣມຄອມພີວເຕີ ໄດ້ຂັບລົດໄປທົ່ວສະຫະລັດໂດຍມີເປົ້າໝາຍ--ເພື່ອຍົກລະ ດັບຄວາມຮູ້ສຶກຕື່ນຕົວ ຫລື ເຂົ້າໃຈເຖິງອັນຕະລາຍຂອງ ການພິມຂໍ້ຄວາມທາງໂທລະສັບມືຖືໃນເວລາຂັບລົດ ຍ້ອນ ທ່ານເອງມີຄວາມຕື່ນຕົກໃຈນໍາຈຳນວນຄົນຕາຍ ແລະຖືກ ບາດເຈັບຍ້ອນຄົນຂັບລົດທີ່ມົວລົມໂທລະສັບ ຫລືຕີຂໍ້ຄວາມ ທາງໂທລະສັບໃນເວລາກຳພວງມະໄລລົດຢູ່ ທີ່ມີຢ່າງຫລວງຫລາຍນັ້ນ ແລະບວກກັບ ການທີ່ ລູກສາວຂອງລາວເອງທີ່ມັກຕີຂໍ້ຄວາມທາງໂທລະສັບຫລາຍນັ້ນ ກໍກຳລັງຮຽນ ຂັບລົດຢູ່.
ທ່ານ Irving ໄດ້ສ້າງໂປແກຣມຂອງໂທລະສັບມືຖື ຊຶ່ງເອີ້ນວ່າ “SMS Replier” ຫລື
ຂໍ້ຄວາມຕອບຄືນ ເພື່ອຊ່ວຍຄົນຂັບລົດ ຕ້ານກັບຄວາມຄິດມັກ ຢາກລົມ ຫຼືຂຽນຂໍ້ມູນໃນ
ເວລາຂັບລົດ.
ຕົວຢ່າງຂອງຂໍ້ຄວາມຕອບກັບໄປ ຢ່າງອັດຕະໂນ ມັດຈາກ SMS Replier™ ຫລື ຂໍ້ຄວາມຕອບ ຄືນຈາກ Smartphone ເພື່ອແຈ້ງໃຫ້ຜູ້ໂທມາຮູ້ວ່າ ເຂົາເຈົ້າກຳລັງຂັບລົດຢູ່
ໂປແກຣມຂອງລາວ ອໍານວຍໃຫ້ຜູ້ຂັບລົດ
ຕັ້ງໂປແກຣມໃສ່ ໂທລະສັບມືຖືລຸ້ນໃໝ່
ທັນສະໄໝຫລັ້າສຸດ ທີ່ເອີ້ນວ່າ
Smartphones ຫລື ໂທລະສັບສະຫຼາດ
ນັ້ນ --ເພື່ອວ່າ ເວລາທີ່ໂທລະສັບດັງຂຶ້ນ
ຫຼື ມີຂໍ້ຄວາມທາງໂທລະສັບ ຫລື SMS
ສົ່ງເຂົ້າມາໃນເວລາທີ່ພວກເຂົາເຈົ້າກຳລັງ
ຂັບລົດຢູ່, ໂທລະສັບ ສະຫລາດຂອງເຂົາເຈົ້າ
ກໍຈະສົ່ງຂໍ້ຄວາມຕອບກັບໄປ ຢ່າງອັດຕະໂນ
ມັດເພື່ອແຈ້ງໃຫ້ຜູ້ໂທມາຮູ້ວ່າເຂົາເຈົ້າກຳລັງ
ຂັບລົດຢູ່ ແລະບໍ່ສາມາດຮັບໂທລະສັບໄດ້.
ທ່ານ Irving ກ່າວດັ່ງນີ້:
“ໂປແກຣມນີ້ຖືກສ້າງຂຶ້ນມາ ສຳລັບຮັບ
ໃຊ້ຜູ້ທີ່ມີຄວາມປະສົງຢາກເປັນຄົນທີ່
ມີຄວາມຮັບຜິດຊອບ, ເປັນຜູ້ຢາກຊອກ
ຫາວິທີແກ້ໄຂບັນຫາ ເພື່ອບໍ່ໃຫ້ຕົນເອງ
ຖືກຕຳຫລວດໃຫ້ປີ້ປັບໄໝ, ບໍ່ໃຫ້ມີອຸ
ບັດຕິເຫດ ແລະກໍບໍ່ເອົາຊີວິດຂອງຕົນ
ໄປສ່ຽງກັບອັນຕະລາຍ.”
ມີຫຼາຍກວ່າ 120,000 ຄົນຈາກທົ່ວໂລກ ໄດ້ດາວໂຫລດ ຫລື ເອົາ ໂປຣເເກຣມຕອບ SMS ເຂົ້າໄປໃສ່ໃນໂທລະສັບຂອງຕົນ ແລ້ວ ນັບຕັ້ງແຕ່ໂປຣແກຣມນີ້ອອກມາໃນເດືອນເມສາຂອງປີນີ້.
ທ່ານ Irving ກ່າວວ່າ ທ່ານອອກແບບໂປແກຣມນີ້ ສຳລັບໂທ ລະສັບສະຫຼາດ ຫລື Smartphones ກໍເພາະທ່ານເຊື່ອວ່າ ມີຜູ້ ຄົນໃນຈໍານວນຫລາຍຂຶ້ນນັບມື້---ທັງຢູ່ໃນ ສະຫະລັດ ແລະຢູ່ຕ່າງປະເທດ --ພາກັນໃຊ້ໂທລະສັບມືຖືເປັນສື່ຫລັກໃນການສື່ສານ
ຂອງຕົນ.
ສະນັ້ນ ທ່ານ Irving ຈຶ່ງໄດ້ອອກເດີນທາງ ຈາກບ້ານໃນລັດ California, ໂດຍຂັບລົດ RV ຫລືລົດທີ່ໃຊ້ເປັນເຮືອນນອນໄດ້ ທີ່ມີຄວາມ ຍາວ 12 ແມັດຂອງທ່ານນັ້ນ ໄປທົ່ວ ສະຫະລັດ ---ເພື່ອໄປຂໍລາຍເຊັນຈາກຜູ້ສະໜັບສະໜຸນການສ້າງໂປຣແກຣມຂອງທ່ານ ໃຫ້ໄດ້ຫຼາຍກວ່າ 10,000 ລາຍເຊັນ. ທ່ານ ແລະ ລົດ RV ຂອງທ່ານ ຊຶ່ງມີລາຍເຊັນ ຕິດຢູ່ນັ້ນ ໄດ້ມາເຖິງນະ ຄອນຫລວງວໍຊິງຕັນ ໃນອາທິດແລ້ວນີ້ ເພື່ອເຂົ້າຮ່ວມກອງປະ ຊຸມສຸດຍອດແຫ່ງຊາດ ວ່າດ້ວຍການຂັບລົດທີ່ຂາດຄວາມເອົາໃຈໃສ່ ຂອງກະຊວງຂົນສົ່ງ ຂອງສະຫະລັດ.
ການປະດິດສ້າງຂອງທ່ານ Irving ເປັນພຽງນຶ່ງໃນຈຳນວນຫລາຍໆ ໂປແກຣມ ທີ່ໄດ້
ຖືກພັດທະນາຂຶ້ນມາ ເພື່ອຫລຸດຜ່ອນການເສຍຊີວິດ ໃນທ້ອງຖະໜົນຫລວງລົງ.
ໂປແກຣມ MyKey ຂອງບໍລິສັດ Ford Motor ຊຶ່ງໃຊ້ກະແຈ ທີ່ມີລະຫັດຄອມພີວເຕີ ຈຳກັດຄວາມໄວຂອງລົດທີ່ລູກເຂົາເຈົ້າ ຂັບຊ່ວຍໃຫ້ພໍ່ແມ່ຕິດຕາມກວດສອບເບິ່ງການຂັບລົດຂອງລູກໄດ້.
ວິທີນຶ່ງໃນຫລາຍໆວິທີ ທີ່ແນ່ໃສ່ຊ່ວຍຜູ້ຂັບລົດທີ່ຢູ່ໃນໄວໜຸ່ມ ໃຫ້ແອບມີນິໄສຂັບລົດທີ່ດີ ກໍຄືໂປຣແກຣມຂອງບໍລິສັດລົດ Ford ທີ່ກໍາລັງເອົາຕິດຕັ້ງໃສ່ ໃນລົດຫຼາຍລຸ້ນຂອງຕົນ.
ວິທີດັ່ງກ່າວນີ້ ແມ່ນໃຊ້ສູນກາງເກັບຂໍ້ຄວາມຂອງລົດ ຊຶ່ງພໍ່ແມ່ ສາມາດໃຊ້ກະແຈທີ່ມີລະຫັດ ຄອມພີວເຕີຈຳກັດຄວາມໄວ ຂອງລົດທີ່ລູກເຂົາເຈົ້າຂັບ ບໍ່ໃຫ້ເກີນ 130 ກິໂລແມັດຕໍ່ ຊົ່ວໂມງ ແລະເຮັດໃຫ້ສຽງດັງຂຶ້ນ ເມື່ອໃດລົດຫາກແລ່ນໄວເກີນຂີດຈຳກັດທີ່ຕັ້ງໄວ້ນັ້ນ.
ກະແຈນັ້ນກໍ່ສາມາດຕັ້ງໂປແກຣມ ເພື່ອຈຳກັດລະດັບສຽງວິທະຍຸຂອງລົດ ແລະສົ່ງສຽງ
ແຈ້ງເຕືອນຢ່າງຕໍ່ເນື່ອງ ຖ້າຫາກຜູ້ຂັບລົດ ບໍ່ໃສ່ສາຍແອວນີລະໄພ ຮັດຕົວຕິດກັບບ່ອນ
ນັ່ງໃນລົດ.