ລັດຖະມົນຕີກະຊວງພາຍໃນຢູເຄຣນ ຢືນຢັດໃນວັນພຸດມື້ນີ້
ວ່າ ຂະບວນລົດຂົນສົ່ງຣັດເຊຍ ທີ່ມຸ່ງໜ້າສູ່ເຂດພາກຕາເວັນ
ອອກຂອງຢູເຄຣນ ທີ່ປະສົບກັບໄພສົງ ຄາມນັ້ນ ຈະບໍ່ໄດ້ຮັບ
ອະນຸຍາດ ໃຫ້ເຂົ້າປະເທດ.
ທ່ານ Arsen Avakov ຮ້ອງຂະບວນລົດຂົນສົ່ງນັ້ນວ່າ “ເປັນ
ການທ້າທາຍຈາກຜູ້ລຸກລານທີ່ມັກຢຽດຢາມຄົນອື່ນ.” ຣັດເຊຍ
ກ່າວວ່າ ລົດຂົນສົ່ງເກືອບ 300 ຄັນ ທີ່ອອກເດີນທາງຈາກນະ
ຄອນມົນກູ ໃນວັນອັງຄານວານນີ້ ບັນທຸກການຊ່ວຍເຫລືອ
ຫລາຍຮ້ອຍໂຕນໃຫ້ແກ່ບັນດາພົນລະເຮືອນທີ່ປາກພາສາຣັດ
ເຊຍ ຢູ່ໃນພາກຕາເວັນອອກຂອງຢູເຄຣນ.
ພາບຫຼ້າສຸດ ຈາກ ຢູເຄຣນ
ຢູເຄຣນກ່າວວ່າ ເຄື່ອງຂອງເຫລົ່ານີ້ຈະໄດ້ຮັບອະນຸຍາດໃຫ້ເຂົ້ານຳປະເທດໄດ້ ກໍຕໍ່ເມື່ອ
ໄດ້ຮັບອະນຸຍາດ ໃຫ້ມີການກວດກາກ່ອນ ຈາກສະພາກາແດງສາກົນ.
ສ່ວນສະພາກາແດງ ກ່າວໃນວັນອັງຄານວານນີ້ວ່າ ຕົນບໍ່ໄດ້ຖືກທາບທາມໂດຍກົງຈາກ
ບັນດາເຈົ້າໜ້າທີ່ຣັດເຊຍ ກ່ຽວກັບສິ່ງຂອງດັ່ງກ່າວແລະກໍາ ລັງລໍຖ້າລາຍ ລະອຽດກ່ຽວກັບ
ເຄື່ອງຂອງໃນຂະບວນຂົນສົ່ງດັ່ງກ່າວຢູ່.
ມັນຍັງບໍ່ເປັນທີ່ແຈ້ງຂາວເທື່ອວ່າ ເວລາໃດຂະບວນລົດຂົນສົ່ງ ຊຶ່ງເດີນທາງໃນ ໄລຍະ
750 ກິໂລແມັດຈຶ່ງຈະໄປຮອດ ຫລືວ່າຈະມີຫຍັງເກີດຂື້ນ ຖ້າຫາກເກີດ ປະເຊີນໜ້າກັນ
ຢູ່ທີ່ຊາຍແດນ.
ແຕ່ບັນດາເຈົ້າໜ້າທີ່ Kyiv ກ່າວວ່າ ຂະບວນລົດຂົນສົ່ງຣັດເຊຍອາດຈະສົ່ງສິ່ງ ຂອງໆ
ເຂົາເຈົ້າຕໍ່ ຢູ່ທີ່ຊາຍແດນ ໄປໃສ່ລົດຂົນສົ່ງທີ່ເຊົ່າໂດຍສະພາກາແດງ ທີ່ໄດ້ກ່າວເຖິງສະ
ພາບການດ້ານມະນຸດສະທຳຢູ່ໃນພາກຕາເວັນອອກຂອງຢູເຄຣນ ທີ່ເກີດການສູ້ລົບກັນ
ນັ້ນວ່າ ເປັນທີ່ໜ້າຢ້ານກົວຫຼາຍ.
Your browser doesn’t support HTML5
UKRAINE VOSOT