ປະທານາທິບໍດີ ຣັດເຊຍ ທ່ານ Vladimir Putin ທີ່ປະສົບກັບ
ບັນຫາ ຍ້ອນ ການປະເຊີນໜ້າກັນຢ່າງຂົມຂື່ນ ກັບບັນດາລັດ
ຖະບານຕາເວັນຕົກ ກ່ຽວກັບ ຢູເຄຣນນັ້ນ ກ່າວວ່າ ປະເທດ
ຂອງທ່ານ ບໍ່ຄັດຄ້ານການເຄື່ອນໄຫວຂອງພວກ ສາທາລະ
ນະລັດເກົ່າ ຂອງອະດີດສະຫະພາບໂຊຫວຽດ ທີ່ຈະຈັດຕັ້ງ
ສາຍພົວ ພັນທາງເສດຖະກິດ ທີ່ໃກ້ຊິດກ່ວາເກົ່າ ກັບຝ່າຍ
ຕາເວັນຕົກນັ້ນ.
ແຕ່ທ່ານໄດ້ບອກ ບັນດາຜູ້ນຳຂອງ 11 ປະເທດ ໃນເຄືອ
ຈັກກະພົບລັດເອກກະລາດ ໃນວັນສຸກວານນີ້ວ່າ ທ່ານຕ້ອງຕິ
ບັນດາປະເທດສະມາຊິກທີ່ບໍ່ພິຈາ ລະນາ ຄວາມສ່ຽງຈາກການ
ເຄື່ອນໄຫວດັ່ງກ່າວຕໍ່ເສດຖະກິດຂອງຣັດເຊຍ.
ຢູເຄຣນ ທີ່ສະແຫວງຫາ ຄວາມຈະເລີນຮຸ່ງເຮືອງແລະສະຖຽນລະພາບທາງເສດຖະກິດ
ຫລາຍຂຶ້ນ ໄດ້ລົງນາມໃນສັນຍາການຄ້າຄັ້ງປະຫວັດສາດກັບ ສະຫະພາບຢູໂຣບ ໃນ
ເດືອນມິຖຸນາ ຫລັງຈາກໄດ້ປະຕິເສດ ການທາບທາມຂອງ ວັງ Kremlin ໃຫ້ເຂົ້າຮ່ວມ
ຈັດຕັ້ງກັນ ເປັນສະຫະພັນທາງພາສີ ກັບຣັດເຊຍ ເບລາຣຸສ ແລະ ກາຊັກສະຖານ.
ກ່ອນໜ້າການເຊັນສັນຍາການຄ້າ ກັບສະຫະພາບຢູໂຣບນັ້ນ ພວກສະໜັບ ສະໜູນຕາ
ເວັນຕົກ ໄດ້ພາກັນປະທ້ວງຢ່າງໃຫຍ່ ຢູ່ໃນນະຄອນຫລວງ Kyiv ແລະໄດ້ຂັບໄລ່ ປະທາ
ນາທິບໍດີຢູເຄຣນ ອອກຈາກຕຳແໜ່ງ ຫລັງຈາກຜູ້ນຳທີ່ສະໜັບສະໜູນມົສກູ ປະຕິເສດບໍ່
ຮັບເອົາຂໍ້ສະເໜີແລກປ່ຽນການຄ້າກັບ ອີຢູ ເພື່ອເລືອກເອົາຂໍ້ຕົກລົງກັບ ເຄືອຈັກກະພົບ
ລັດເອກກະລາດ ທີ່ຣັດເຊຍ ຄອບງຳນັ້ນ.
ໃນເດືອນເມສາ ຫລາຍອາທິດຫລັງຈາກປະທານາທິບໍດີ Viktor Yanukovych ຖືກຂັບ
ໄລ່ອອກຈາກອຳນາດ ພວກຢາກແບ່ງແຍກດິນແດນທີ່ປາກພາສາຣັດເຊຍ ໃນພາກຕາ
ເວັນອອກຂອງຢູເຄຣນ ກໍໄດ້ກໍ່ການກະບົດຂຶ້ນ ທີ່ໄດ້ເອົາຊີວິດຜູ້ຄົນໄປ ຫລາຍກ່ວາ
3500 ຄົນ.
Your browser doesn’t support HTML5
RUSSIA CIS SUMMIT VO