ການໂຈມຕີທາງອາກາດ ໄດ້ທຳລາຍ ຕຶກອາຄານຫໍພັກຫຼັງນຶ່ງ
ໃນພາກຕາເວັນອອກຂອງຢູເຄຣນ ໃນວັນອັງຄານວານນີ້ ຊຶ່ງ
ໄດ້ສັງຫານຢ່າງນ້ອຍ 11 ຄົນ ແລະກໍ່ໃຫ້ເກີດການກ່າວຫາຄັ້ງ
ໃໝ່ກ່ຽວກັບການມີສ່ວນ ພົວພັນໂດຍກົງຂອງຣັດເຊຍ ໃນປະ
ຕິບັດງານ ຕໍ່ສູ້ຕ້ານພວກກະບົດນິ ຍົມຣັດເຊຍຂອງຢູ່ເຄຣນ ທີ່
ກຳລັງດຳເນີນຢູ່ໃນເວລານີ້.
ລາຍລະອຽດກ່ຽວກັບການໂຈມຕີດັ່ງກ່າວ ຢູ່ທີ່ເມືອງ Sniznhe
ເມື່ອຕອນແລງຂອງວັນອັງຄານວ່ານນີ້ ຍັງບໍ່ທັນເປັນທີ່ຈະແຈ້ງ
ເທື່ອ ບໍ່ເທົ່າໃດຊົ່ວໂມງ ຫຼັງຈາກພວກແບ່ງແຍກດິນແດນ ຖິ້ມ
ໂທດໃສ່ກອງທັບອາ ກາດຂອງຢູເຄຣນ ໃນການໂຈມຕີຄັ້ງນີ້.
ຊາກເຮືອບິນຂົນສົ່ງທະຫານຂອງຢູເຄຣນ ລຸ້ນ AN-26 ຫຼັງຈາກຖືກຍິງຕົກ ດ້ວຍລູກສອນໄຟ ໃນໝູ່ບ້ານ Davydo-Mykilske ຢູ່ທິດ ຕາເວັນອອກຂອງເມືອງ Luhansk ໃກ້ກັບຊາຍແດນຣັດເຊຍ.
ໂຄສົກຂອງກອງທັບຢູເຄຣນ ທ່ານ Andriy Lysenko ໄດ້
ປະຕິເສດ ວ່າ ຢູເຄຣນບໍ່ມີສ່ວນກ່ຽວຂ້ອງໃດໆ ໂດຍກ່າວວ່າ
ບໍ່ມີເຮືອບິນທະຫານໃດໆໄດ້ບິນເຂົ້າໄປໃນເຂດພາກຕາເວັນ
ອອກຂອງປະເທດຕັ້ງແຕ່ວັນຈັນເປັນຕົ້ນມາ. ທ່ານເວົ້າອີກວ່າ
“ການໂຈມຕີທີ່ Sniznhe ສາມາດອະທິບາຍໄດ້ວ່າ ເປັນ
ການທ້າທາຍເກາະຜິດແບບເຍາະເຍີ້ຍ” ຊຶ່ງເປັນການ
ກ່າວຫາ ທີ່ບໍ່ມີນ້ຳໜັກປານໃດຕໍ່ຣັດເຊຍ. ນອກນັ້ນ Kyiv ຍັງ
ກ່າວຫາຣັດເຊຍວ່າ ຍິງເຮືອ ບິນຂົນສົ່ງຂອງທະຫານຢູເຄຣນຕົກ
ເມື່ອວັນຈັນຜ່ານມາທີ່ເມືອງ Luhansk. ມົສກູຍັງບໍ່ໃຫ້ຄວາມເຫັນ
ໃດໆກ່ຽວກັບເລື່ອງນີ້.
ໃນຕອນເຊົ້າວັນອັງຄານວານນີ້ ໃນຂະນະຄວາມເຄັ່ງຕຶງຢູ່ໃນຂົງເຂດໄດ້ເພີ້ມທະວີຂຶ້ນ
ເຈົ້າໜ້າທີ່ປ້ອງກັນປະເທດຂັ້ນສູງຂອງຢູເຄຣນ ກ່າວວ່າ Kyiv ມີ “ຫລັກຖານຢ່າງ
ແນ່ນອນ” ວ່າ ຣັດເຊຍ ໄດ້ມີສ່ວນກ່ຽວ ຂ້ອງ ໃນການຍິງເຮືອບິນລຳດັ່ງກ່າວ ຂອງຢູເຄຣນ.
Your browser doesn’t support HTML5
Tensions Build at Remote Ukrainian Border Post