ປະທານາທິບໍດີຣັດເຊຍທ່ານ Vladimir Putin ແລະນາຍົກລັດຖະ
ມົນຕີອອສເຕຣເລຍທ່ານ Tony Abbott ໄດ້ຕົກລົງກັນເຖິງຄວາມ
ຈຳເປັນ ເພື່ອໃຫ້ເລັ່ງ ການສືບສວນ ກ່ຽວກັບການທີ່ ເຮືອບິນຂອງ
ສາຍການບິນມາເລເຊຍ ທີ່ໄດ້ຕົກ ຢູ່ໃນພາກຕາເວັນອອກ ຂອງຢູ
ເຄຣນ ນັ້ນ.
ຖະແຫຼງການຂອງວັງຄຣິມລິນ ກ່າວວ່າ ການສົນທະນາຫາລືກ່ຽວກັບເລື່ອງເຮືອບິນຕົກໃນ ກໍລະກົດຜ່ານມາ ໄດ້ຄອບງຳການພົບປະໃນວັນອັງຄານມື້ນີ້ ລະຫວ່າງຜູ້ນຳທັງສອງ ຢູ່ຂ້າງນອກກອງປະຊຸມສຸດຍອດດ້ານເສດຖະກິດຂອງເຂດເອເຊຍແລະປາຊີຟິກ ທີ່ກຳລັງດຳເນີນໄປຢູ່ໃນຂະນະນີ້ ທີ່ນະຄອນປັກກິ່ງ.
ການພົບປະກັນທີ່ວ່ານີ້ ໄດ້ມີການຈັບຕາເບິ່ງຢ່າງໃກ້ຊິດ ນັບຕັ້ງແຕ່ນາຍົກລັດຖະມົນຕີ Abbott ໄດ້ຂູ່ເມື່ອໄວໆມານີ້ວ່າ ຈະປະເຊີນໜ້າຢ່າງແຂງຂັນກັບປະທານາທິບໍດີຣັດເຊຍ ທ່ານ Putin ກ່ຽວກັບການກ່າວຫາທີ່ວ່າຣັດເຊຍມີສ່ວນພົວພັນໃນເລື່ອງເຮືອບິນຕົກເມື່ອ ເດືອນກໍລະກົດຜ່ານມານີ້.
ໂຄສົກທ່ານ Putin ໄດ້ກ່າວວ່າ ຜູ້ນຳຂອງອອສເຕຣເລຍ ເບິ່ງຄືວ່າບໍ່ໄດ້ທຳຕາມຄຳຂົ່ມຂູ່ ຂອງທ່ານ ຕາມທີ່ໄດ້ກ່າວໄວ້ວ່າ “ເຊິ່ງໜ້າ” ຫຼື “ກະທົບໄລ່” ກັບປະທານາທິບໍດີຣັດເຊຍ
ຊຶ່ງເປັນເທັກນິກ ທີ່ໃຊ້ກັນໃນກົດກະຕິກາການຫຼິ້ນຟຸດບອນຂອງອອສເຕຣເລຍນັ້ນ.
ປະເທດຕາເວັນຕົກຫລາຍໆປະເທດ ໄດ້ກ່າວຫາກຸ່ມຫົວແບ່ງແຍກດິນແດນ ທີ່ໜຸນຫຼັງໂດຍ
ຣັດເຊຍນັ້ນວ່າ ເປັນຜູ້ຍິງເຮືອບິນລຳດັ່ງກ່າວຕົກ ໃນຂະນະທີ່ໄດ້ບິນຜ່ານເຂດທີ່ຄວບຄຸມໂດຍພວກກະບົດທາງພາກຕາເວັນອອກຂອງຢູເຄຣນ ຊຶ່ງເຮືອບິນລຳນີ້ ກຳລັງເດີນທາງອອກຈາກ Amsterdam ໄປຍັງນະຄອນ Kuala Lumpur.
ເນເທີແລນ ໄວ້ອາໄລ ແກ່ພວກເຄາະຮ້າຍ ຖ້ຽວບິນ MH17