ສຽງຟົດສະໜັ່ນຈົນແສບຫູຂອງຂະບວນລົດຈັກຫລາຍພັນຄັນທີ່ດັງກ້ອງໄປທົ່ວນະຄອນ
ຫລວງວໍຊິງຕັນ ເພື່ອເປັນການໃຫ້ກຽດແກ່ພວກນັກລົບທີ່ເສຍຊີວິດໃນປາງສົງຄາມ
ຫລືຖືກຈັບໄປເປັນສະເລີຍເສິກນັ້ນ ແມ່ນຈະມິດງຽບລົງ ພາຍຫລັງທີ່ມີການເຕົ້າ
ໂຮມຂອງພວກຂັບຂີ່ລົດດັ່ງກ່າວອີກຄັ້ງນຶ່ງໃນປີໜ້ານີ້.
ງານຂະບວນລົດຈັກຟ້າສະໜັ່ນ ຫລື Rolling Thunder ທີ່ເລີ້ມຕົ້ນຂຶ້ນໃນປີ 1987 ນັ້ນ
ຈະໄດ້ທຳຂະບວນການຂັບຂີ່ລົດປະຈຳປີຄັ້ງສຸດທ້າຍ ໃນວັນລະລຶກເຖິງທະຫານຜ່ານ
ເສິກ ປີ 2019.
ພວກຂີ່ລົດຈັກທີ່ເຂົ້າຮ່ວມງານຂະບວນລົດຈັກຟ້າສະໜັ່ນ ຂີ່ຜ່ານອານຸສອນສະຖານຂອງທ່ານ ລິງຄອນ ຢູ່ໃນວັນຄົບຮອບ 30 ປີຂອງການຈັດງານ "ຂັບຂີ່ເພື່ອເສລີພາບ" ໃນວັນທີ 28 ພຶດສະພາ, 2017
ທ່ານ ອາຕີ ມີລເລີຮ໌ (Artie Miller) ນັກລົບເກົ່າໃນສົງຄາມຫວຽດນາມ ທີ່ເປັນຜູ້ກໍ່ຕັ້ງງານ
ໂຮມຊຸມນຸມຟ້າສະໜັ່ນດັ່ງກ່າວ ໄດ້ຂຽນຢູ່ໃນຈົດໝາຍສະບັບນຶ່ງ ທີ່ທ່ານຈະສົ່ງໃຫ້ພວກ
ທີ່ໃຫ້ການສະໜັບສະໜຸນຕໍ່ງານດັ່ງກ່າວໃນເດືອນມັງກອນຈະມາເຖິງນີ້ວ່າ “ມັນເປັນ
ການຕັດສິນໃຈທີ່ຍາກຫລາຍ. ພາຍຫລັງທີ່ໄດ້ມີການສົນທະນາກັນ ແລະຄິດໄຄ່ຄວນ
ເບິ່ງໃນຕະຫລອດ 6 ເດືອນຜ່ານມາ, ພວກເຈົ້າໜ້າທີ່ຈັດງານໂຮມຊຸມນຸມຟ້າສະໜັ່ນ
ໄດ້ຕັດສິນໃຈວ່າ ຈະເຊົາໃຫ້ມີການຈັດງານປະຈຳປີ ຢູ່ໃນນະຄອນວໍຊິງຕັນ ຢູ່ໃນວັນທ້າຍ
ອາທິດຂອງວັນລະລຶກເຖິງທະຫານຜ່ານເສິກທີ່ພວກເຮົາໄດ້ພາກັນເຮັດມາ ໄດ້ 32 ປີ
ແລ້ວນັ້ນລົງ.
ເຮລິຄອບເຕີຂອງທະຫານ ບິນເວີ່ນຢູ່ເທິງຟ້າເຊິ່ງກັບຂົວ Memorial Bridge, ເພື່ອຮັກສາຄວາມປອດໄພໃຫ້ແກ່ພວກນັກຂັບຂີ່ລົດຈັກໃນງານຄົບຮອບ 30 ປີ ແຫ່ງການສ້າງຕັ້ງຂະບວນລົດຈັກທີ່ເອີ້ນວ່າ 'ຂັບຂີ່ເພື່ອເສລີພາບ' ໃນວັນທີ 28 ພຶດສະພາ, 2017
ບໍລິສັດໂຮມຊຸມນຸມຟ້າສະໜັ່ນ ເປັນກຸ່ມບໍ່ຫວັງຜົນກໍາໄລ ທີ່ຈັດໃຫ້ມີການຂັບຂີ່ລັດຈັກ
ທີ່ໄດ້ໃຊ້ຈ່າຍເງິນ ຫລາຍກວ່າ 2 ແສນໂດລາເພື່ອສະແດງໃຫ້ຄົນເບິ່ງໃນງານທີ່ຈັດຂຶ້ນ
ໃນປີກາຍນີ້.