ລາຍງານປະຈຳປີຂອງອົງການ Freedom House ທີ່ນຳ
ອອກເຜີຍແຜ່ໃນວັນພຸດອາທິດແລ້ວນີ້ ແຈ້ງໃຫ້ຊາບວ່າ
ສະພາບຂອງສິດເສລີພາບ ປະຊາທິປະໄຕ ຢູ່ໃນທົ່ວໂລກ
ແມ່ນໄດ້ຫລຸດຖອຍເປັນປີທີເກົ້າ ລຽນຕິດ ໃນປີ 2014. ນັກ
ຂ່າວວີໂອເອ William Gallo ມີລາຍງານເພີ້ມເຕີມ ຊຶ່ງ
ກິ່ງສະຫວັນ ຈະນຳມາສະເໜີທ່ານ.
Your browser doesn’t support HTML5
ຟັງລາຍງານ ປະຈຳປີຂອງ ອົງການ Freedom House
ບໍ່ມີບ່ອນໃດ ທີ່ການຫລຸດນ້ອຍຖອຍລົງຂອງສິດເສລີພາບ
ປະຊາທິປະໄຕ ເປັນທີ່ຈະແຈ້ງໄປກວ່າບ່ອນທີ່ກຸ່ມລັດອິສ
ລາມມີອຳນາດເພີ້ມຂຶ້ນ ທີ່ໄດ້ທຳການສັງຫານໝູ່ ແລະຕັດ
ຫົວຜູ້ຄົນ ຂະນະທີ່ພວກນັກລົບຂອງກຸ່ມດັ່ງກ່າວ ພາກັນ
ເຂົ້າຄວບຄຸມຫຼາຍໆເຂດຢູ່ໃນອີຣັກ ແລະຊີເຣຍ.
ອົງການ Freedom House ກ່າວວ່າ ການນຳພາທີ່ໄຮ້ປະສິດທິພາບ ແລະການກົດຂີ່ຢູ່
ໃນບັນດາປະເທດຕ່າງໆເຫລົ່ານັ້ນ ໄດ້ຊ່ວຍ “ເປີດປະຕູ” ໃຫ້ແກ່ກຸ່ມມຸສລິມຫົວຮຸນແຮງ
Sunni ດັ່ງກ່າວ.
ທ່ານ Arch Puddington ນັກຂຽນລາຍງານ ຂອງອົງການ Free-dom House ກ່າວ
ວ່າ ອະດີດນາຍົກລັດຖະມົນຕີອີຣັກທ່ານ Nouri al-Maliki ແມ່ນຜູ້ນຶ່ງທີ່ມີການຖີ້ມໂທດ
ໃສ່ ເພາະວ່າ ທ່ານປົກຄອງ ໂດຍເອົາສາສະໜາຂອງທ່ານເຂົ້າມາພົວພັນນຳ.
ທ່ານ Puddington ເວົ້າວ່າ “ຢູ່ໃນອີຣັກ ລັດຖະບານຂອງທ່ານ Maliki ໄດ້ປົກຄອງ ຄືດັ່ງກັບວ່າເປັນພຽງແຕ່ລັດຖະບານ Shi’ite ໂດຍບໍ່ເອົາຫົວຊາ ຕໍ່ຄວາມຮຽກຮ້ອງ
ຕ້ອງການຂອງປະຊາຊົນຊາວ Sunni ເລີຍ. ລັດຖະບານດັ່ງກ່າວໄດ້ກົດຂີ່ ບັນດາ
ຜູ້ນຳການເມືອງຊາວ Sunni. ມັນໄດ້ສ້າງຄວາມບາດໝາງໃຫ້ແກ່ຊາວ Sunni
ຢູ່ໃນປະເທດ.”
ຢູ່ໃນຊີເຣຍ ປະທານາທິບໍດີ Bashar al-Assad ຍັງສືບຕໍ່ ມີຄວາມ ເຫັນວ່າການຮຽກ
ຮ້ອງເພື່ອໃຫ້ມີການປ່ຽນແປງໄປສູ່ປະຊາທິປະໄຕນັ້ນເປັນການກະທຳກໍ່ການຮ້າຍ ໂດຍ
ສະໜອງໂອກາດເພີ້ມເຕີມ ໃຫ້ແກ່ກຸ່ມຫົວຮຸນແຮງຈັດອິສລາມ ເຂົ້າຄວບຄຸມ.
Freedom House report 2015
ຢູ່ປະເທດຈີນ ອົງການ Freedom House ກ່າວວ່າ ຜູ້ນຳຈີນ
ທ່ານ Xi Jinping ຍັງໄດ້ສວຍໃຊ້ໄພຂົ່ມຂູ່ຂອງພວກກໍ່ການ
ຮ້າຍ ເພື່ອທັບມ້າງຝ່າຍຄ້ານທາງການເມືອງ. ທ່ານ James
Mann ທີ່ສະຖາບັນ ການສຶກສານາໆຊາດຂັ້ນສູງຂອງມະຫາ
ວິທະຍາໄລ John Hopkins ກ່າວວ່າ:
ທ່ານ Mann ກ່າວວ່າ “ກຳລັງຮັກສາຄວາມປອດໄພ ໄດ້
ເພີ້ມຄວາມເຄັ່ງຄັດຂຶ້ນເລື້ອຍໆ ແລະເຂົາເຈົ້າມີຄວາມເປັນຫ່ວງຫລາຍຂຶ້ນ ກ່ຽວກັບການຕິດຕາມເບິ່ງທຸກໆຢ່າງ ກ່ຽວກັບພວກຝ່າຍຄ້ານ ພວກບໍ່ເຫັນພ້ອມ ພວກທີ່ມີ
ທັດສະນະຄວາມເຫັນແຕກຕ່າງ.”
ລາຍງານສະບັບນີ້ຍັງໄດ້ໃຫ້ຂໍ້ສັງເກດວ່າ ການສືບຕໍ່ໃນລະດັບທີ່ບໍ່ເຄີຍມີມາກ່ອນຂອງ
Kim Jong Un ໃນເກົາຫລີເໜືອແມ່ນນຶ່ງໃນຈຳນວນ 12 ປະເທດ ທີ່ໄດ້ຮັບຄະແນນຂີ້
ຮ້າຍສຸດ ເທົ່າທີ່ເປັນໄປໄດ້ ຢູ່ໃນລາຍ ງານຂອງກຸ່ມດັ່ງກ່າວ.
ຄວາມບໍ່ສະຫງົບຫວ່າງມໍ່ໆມານີ້ ຢູ່ໃນສະຫະລັດ ກ່ຽວກັບຕຳຫລວດຍິງ ພວກຜູ້ຊາຍຜີວ
ດຳທີ່ບໍ່ມີອາວຸດຕາຍ ກໍໄດ້ມີການກ່າວເຖິງ ຢູ່ໃນລາຍ ງານຂອງອົງການ Freedom
House ວ່າ ເປັນການຖອຍຫລັງ ແຕ່ ລາຍງານກໍໄດ້ໃຫ້ຄະແນນສະຫະລັດ ຢູ່ໃນຖັນແຖວ
ບັນດາປະເທດ ທີ່ມີ ສິດເສລີພາບຫລາຍທີ່ສຸດໃນໂລກ.
ເຖິງຢ່າງໃດກໍດີ ທ່ານນາງ Elen Aghekyan ຈາກອົງການ Freedom House ກ່າວ
ວ່າ ລາຍງານໄດ້ສະແດງຄວາມເປັນຫ່ວງ ກ່ຽວກັບບັນດາປະເທດພັນທະມິດທີ່ຜະເດັດ
ການຂອງສະຫະລັດ.
ທ່ານນາງ Aghekyan ກ່າວວ່າ “ພວກເຮົາບໍ່ສາມາດເບິ່ງຂ້າມ ການພົວພັນລະ
ຫວ່າງການປົກຄອງທີ່ບໍ່ດີ ແລະຄວາມປອດໄພ. ພວກເຮົາເຄີຍມີໃນອະດີດທີ່ມີ
ຜ່ານມາ ແລະພວກເຮົາຍັງຈະສືບຕໍ່ປ່ອຍໃຫ້ພວກ ປົກຄອງຜະເດັດການຈຳນວນ
ນຶ່ງ ທີ່ພວກເຮົາມີສາຍພົວພັນນຳ ບໍ່ວ່າ ຈະເປັນຍ້ອນ ເລື້ອງຄວາມປອດໄພ ຫລື
ພະລັງງານກໍຕາມບິນຕໍ່ໄປພາຍໃຕ້ເຣດາ.”
ຈຸດເດັ່ນຈຸດນຶ່ງຂອງລາຍງານກໍແມ່ນ Tunisia ຊຶ່ງໃນປີນີ້ໄດ້ຈັດໃຫ້ມີ ການເລືອກຕັ້ງ
ແບບປະຊາທິປະໄຕຂຶ້ນ ພາຍໃຕ້ລັດຖະທຳມານູນສະບັບ ໃໝ່. ໃນການຊັ່ງຊາຂອງ
ອົງການ Freedomn House ນັ້ນ ປະເທດ Tunisia ໃນປັດຈຸບັນນີ້ ເປັນປະເທດອາ
ຫຣັບພຽງປະເທດດຽວ ທີ່ມີປະຊາທິປະໄຕຢ່າງເຕັນທີ່.