ບັນດາຜູ້ເຂົ້າຮ່ວມກອງປະຊຸມນາໆຊາດ ກ່ຽວກັບການຫລຸດຜ່ອນຄວາມສ່ຽງຕໍ່ໄພທຳມະຊາດ ເມື່ອອາທິດແລ້ວນີ້ ທີ່ຍີ່ປຸ່ນ ໄດ້ຕົກລົງເຫັນດີນຳໂຄງຮ່າງໃໝ່ ສຳລັບຫລຸດຜ່ອນຄວາມ
ເສຍຫາຍດ້ານມະນຸດແລະເສດຖະກິດ ຈາກໄພຫາຍຍະນະ ທີ່ເກີດຂຶ້ນຢູ່ໃນທົ່ວໂລກ. ແຕ່ພວກຕຳໜິຕິຕຽນ ກ່າວວ່າ ພວກປະເທດຮັ່ງມີ ກຳລັງພາກັນຫລີກລ່ຽງຄວາມຮັບຜິດຊອບ
ຂອງຕົນ ໃນການຊ່ອຍເຫຼືອພວກປະເທດທຸກຍາກ ຮັບມືກັບການປ່ຽນແປງຂອງດິນຟ້າອາກາດນັ້ນ. Henry Ridgwell ມີລາຍງານ ຈາກກອງປະຊຸມທີ່ເມືອງ Sendai ຂອງຍີ່ປຸ່ນ ຊຶ່ງສິງ ຈະນຳມາສະເໜີທ່ານ.
Your browser doesn’t support HTML5
ຟັງລາຍງານ ເລື້ອງຂໍ້ຕົກລົງ ສຳລັບຫລຸດຜ່ອນ ຄວາມຫາຍຍະນະ ດ້ານມະນຸດ ແລະເສດຖະກິດ
ເບິ່ງ ວີດີໂອ ພາສາລາວ ກ່ຽວກັບລາຍງານນີ້:
Your browser doesn’t support HTML5
ພວກປະເທດຮັ່ງມີ ຖືກຕຳໜິວ່າ ຫລີກລ່ຽງ ຄວາມຮັບຜິດຊອບ ໃນການຊ່ວຍແກ້ໄຂ ໄພຫາຍະນະ
ກອງປະຊຸມຂະໜາດໃຫຍ່ ທີ່ມີຜູ້ຕາງໜ້າຈາກຫຼາຍກວ່າ 180 ປະເທດ ເຂົ້າຮ່ວມ ໄດ້ຍຸດຕິລົງໃນແລງວັນພຸດອາທິດແລ້ວນີ້ ໂດຍໄດ້ບັນລຸເອກະສານໃໝ່ ທີ່ເອີ້ນວ່າ ໂຄງຮ່າງ Sendai ເພື່ອການລົດຜ່ອນຄວາມສ່ຽງຕໍ່ໄພຫາຍຍະນະ.
ທ່ານນາງ Margareta Wahlstrom ຜູ້ຕາງໜ້າພິເສດຂອງສະຫະປະຊາຊາດ ວ່າດ້ວຍການລົດຜ່ອນຄວາມສ່ຽງຕໍ່ໄພຫາຍຍະນະ ປະກາດແຜນການໃໝ່ ກຳນົດ 15 ປີນີ້ ໃຫ້ຮູ້.
ທ່ານນາງ Wahlstrom ກ່າວວ່າ “ ແຜນການນີ້ບັງຄັບໃຫ້ລັດຖະບານ ອຳນວຍໃຫ້ບັນ
ດາພົນລະເມືອງ ສາມາດເຂົ້າຫາຂ່າວຂໍ້ມູນກ່ຽວກັບຄວາມສ່ຽງຕ່າງໆ ແລະສາ
ມາດທຳການເລືອກໄດ້ ກ່ຽວກັບການສ່ຽງໄພນັ້ນ. ນອກນີ້ ພວກເຮົາຍັງຈະເພ່ງເລັງໃສ່ຄຸນນະພາບຂອງສະຖາບັນຕ່າງໆ ພ້ອມທັງການຈັດແຈງຕ່າງໆ ແລະ
ການປະສານງານກັນຂອງສະຖາບັນ. ພາກສ່ວນທີ່ແຂງແຮງຂອງບູລິມະສິດ
ແມ່ນຄວາມ ສາມາດໃນການຟື້ນໂຕຄືນສູ່ສະພາບເດີມຂອງປະຊາຊົນ.”
ລູກກະແຈສຳຄັນໃນຂໍ້ຕົກລົງກັນດັ່ງກ່າວ ແມ່ນ 7 ເປົ້າໝາຍສຳຫລັບການວັດແທກຄວາມຄືບໜ້າກ່ຽວກັບການລົດຜ່ອນຄວາມສ່ຽງໄພຕໍ່ໄພ ຫາຍຍະນະ. ໃນທົດສະວັດຜ່ານມານີ້ ສະຫະປະຊາຊາດກະປະມານວ່າ ມີປະຊາຊົນ 7 ແສນຄົນ ເສຍຊີວິດຍ້ອນໄພທຳມະຊາດຕ່າງໆ ໂດຍທີ່ມູນຄ່າເສຍຫາຍ ມີຫຼາຍກວ່າ 1300 ຕື້ດອນລາ.
ໄຕ້ຝຸ່ນ ໄຫຢ້ຽນ (Haiyan) ໄດ້ເປັນໜຶ່ງໃນບັນດາລົມພາຍຸໄຊໂຄລນເມືອງຮ້ອນ ທີ່ມີ
ຄວາມແຮງທີ່ສຸດ ເທົ່າທີ່ມີການບັນທຶກໄວ້ ຊຶ່ງໄດ້ເອົາຊີວິດຜູ້ຄົນໄປຫຼາຍພັນຄົນໃນຟີ
ລິບປິນ ແລະເຮັດໃຫ້ປະຊາຊົນຫຼາຍລ້ານຄົນ ຂາດບ່ອນຢູ່ອາໄສ. ທີ່ກອງປະຊຸມເມືອງ Sendai ສະມາຊິກສະພາສູງຟີລິບປິນ ທ່ານນາງ Loren B. Lagarda ໂຕ້ແຍ້ງວ່າ
ຕ້ອງມີການລົງທຶນຂອງໂລກ ຫຼາຍຂຶ້ນຕຶຶ່ມອີກໃນການລົດຜ່ອນການສ່ຽງໄພດັ່ງກ່າວ.
ທ່ານນາງ Lagarda ກ່າວວ່າ “ຂ້າພະເຈົ້າເຊື່ອວ່າ ຖ້າຫາກການລົງ ທຶນນີ້ມີຂຶ້ນ ແລະມີການສື່ສານໃຫ້ຮູ້ ແລະເຮັດໃຫ້ເຂົ້າເຖິງໄດ້ ແກ່ ໜ່ວຍການເມືອງທີ່
ນ້ອຍທີ່ສຸດ ໃນເວລາອັນໄວທີ່ສຸດເທົ່າທີ່ເປັນໄປໄດ້ ແລ້ວ ບາງທີກໍອາດຈະບໍ່
ໄດ້ມີປະຊາຊົນເສຍຊີວິດໄປຫຼາຍກວ່າ 8 ພັນຄົນ ການໃຊ້ຈ່າຍເງິນ ຫຼາຍຕື້
ດອນລາທີ່ຈຳເປັນສຳຫລັບການກໍ່ສ້າງບ້ານເຮືອນຄືນໃໝ່ ແລະການຟື້ນໂຕ
ຄືນຂອງປະຊາຊົນ ກໍຈະບໍ່ຕ້ອງໄດ້ມີຂຶ້ນ.”
ແຕ່ມີແຕ່ຍີ່ປຸນເທົ່ານັ້ນ ທີ່ໄດ້ສະເໜີໃຫ້ເງິນຊ່ອຍເຫຼືອໃນການລົດຜ່ອນຄວາມສ່ຽງຕໍ່ໄພຫາຍຍະນະ ໂດຍໃຫ້ຄຳໝັ້ນສັນຍາ 4 ຕື້ດອນລາໃນໄລຍະ 4 ປີຕໍ່ໜ້າ. ຜູ້ຕາງໜ້າລັດ
ຖະບານໂຕກຽວ ທີ່ໄປຮ່ວມກອງປະຊຸມນີ້ ແມ່ນລັດຖະມົນຕີ Eriko Yamatani..
ທ່ານນາງ Yamatani ກ່າວວ່າ “ຍີ່ປຸ່ນຢາກສົ່ງເສີມ ການປັບປຸງວິທີ ການລົດຜ່ອນຄວາມສ່ຽງຕໍ່ໄພຫາຍຍະນະ ໃຫ້ດີຂຶ້ນ ເພື່ອເຮັດໃຫ້ ຄວາມເສຍຫາຍມີນ້ອຍທີ່
ສຸດ ຊຶ່ງນັ້ນກໍແມ່ນຈະນຳພາໄປສູ່ການລົບລ້າງຄວາມທຸກຈົນໃຫ້ໝົດໄປ. ທ່ານນາງກ່າວຕື່ມວ່າ ການກະທຳເຊັ່ນນີ້ຈະປົກປ້ອງພວກປະຊາຊົນທີ່ຢູ່ໃນສະຖາ
ນະພາບອ່ອນແອເຊັ່ນກັນ ແລະວ່າ ກອງປະຊຸມ ທີ່ເມືອງ Sendai ຈະເປັນຂີດໝາຍເຫດການສຳຄັນທີ່ແທ້ຈິງ ໄປສູ່ເປົ້າໝາຍນັ້ນ."
ບັນດາອົງການຈັດຕັ້ງທີ່ບໍ່ຂຶ້ນກັບລັດຖະບານ ແລະອົງການກຸສົນຕ່າງໆ ໄດ້ຕຳໜິຕິຕຽນການຂາດເຂີນເງິນທຶນຊ່ວຍເຫຼືອ ຈາກປະເທດທີ່ຮັ່ງມີອື່ນໆ ຊຶ່ງຫຼາຍຄົນພາກັນໂຕ້ແຍ້ງ
ວ່າ ພວກປະເທດເຫຼົ່ານັ້ນໄດ້ປ່ອຍຄວັນເສຍ ຫຼື CO2 ທີ່ພາໃຫ້ດິນຟ້າອາກາດປ່ຽນ
ແປງ ແລະພາໃຫ້ເກີດພາຍຸເມືອງຮ້ອນທີ່ຮ້າຍແຮງຂຶ້ນ. ທ່ານ Harjeet Singh ຈາກອົງການກຸສົນ Action Aid ມີຄວາມເຫັນດັ່ງນີ້:
ທ່ານສິງ ກ່າວວ່າ “ພວກເຮົາໄດ້ຄາດຫວັງໄວ້ວ່າ ຂໍ້ຕົກລົງສະບັບນີ້ໂດຍສະເພາະ ແມ່ນຈະສ້າງຄວາມກ້າວໜ້າຫຼາຍຂຶ້ນກ່ວາເກົ່າ ຍ້ອນປະເພດຂອງໄພຫາຍຍະ
ນະຕ່າງໆ ທີ່ພວກເຮົາກຳລັງປະເຊີນໜ້າຢູ່ໃນປັດຈຸບັນ ຄວາມຊຳນິຊຳນານທີ່ພວກເຮົາໄດ້ສ້າງຂຶ້ນ ແລະຄວາມສັບຊ້ອນຫຍຸ້ງຍາກແບບໃໝ່ ທີ່ພວກເຮົາກຳ
ລັງເຫັນຢູ່ໃນປັດຈຸບັນ ໃນແງ່ຂອງການປ່ຽນແປງຂອງດິນຟ້າອາກາດ ການຂັດ
ແຍ້ງຕ່າງໆ ແລະວິທີການທີ່ພວກເຮົາກຳລັງພິຈາລະນາ ຈະປັບປຸງການພັດທະ
ນາທີ່ຍືນຍົງນັ້ນ.”
ເລຂາທິການໃຫຍ່ສະຫະປະຊາຊາດ ໄດ້ບັນລະຍາຍວ່າ ປີນີ້ເປັນປີສຳຄັນທີ່ສຸດສຳລັບອະນາຄົດຂອງອົງການຂອງທ່ານ.
ບັນດາຜູ້ນຳຂອງໂລກ ມີກຳນົດຈະຫາລືກັນເລື້ອງການເງິນ ສຳຫລັບການພັດທະນາ ໃນເດືອນກໍລະກົດປີນີ້ ທີ່ນະຄອນຫຼວງ Addis Ababa ຂອງປະເທດອີທິໂອເປຍ ຫາລື
ເລື້ອງແຜນການໃໝ່ສຳຫລັບ ການພັດທະນາຂອງໂລກ ໃນເດືອນກັນຍາທີ່ນະຄອນນີວຢອກ ແລະເຮັດຂໍ້ຕົກລົງວ່າດ້ວຍການປ່ຽນແປງຂອງດິນຟ້າອາກາດ ໃນເດືອນທັນ
ວາທີ່ນະຄອນຫຼວງປາຣີ ປະເທດຝຣັ່ງ.
Delegates meeting in Japan have agreed on a new framework for reducing the human and economic toll of disasters around the world. But critics say rich countries are shirking their responsibilities to help poorer nations deal with climate change.
A mammoth session of talks involving delegations from more than 180 countries ended late Wednesday, with a new Sendai Framework for Disaster Risk Reduction. The United Nations Special Representative for Disaster Risk Reduction Margareta Wahlstrom announced the new 15-year plan.
“It requires that citizens have access to risk information and can make choices about risk. We will also focus on the quality of institutions and institutional arrangements, coordination," she said. "A strong part of the priority is on the resilience of people."
A key in the agreement is seven targets for measuring progress on disaster risk reduction. In the past decade the United Nations estimates that 700,000 people have died in natural disasters, with losses topping $1.3 trillion.
Typhoon Haiyan in 2013 was one of the strongest tropical cyclones ever recorded. It killed several thousand people in the Philippines and left millions homeless.
At the Sendai conference, Filipino Senator Loren B. Lagarda argued for far greater global investment in risk reduction.
“I believe if this was utilized and communicated and made accessible to the smallest political unit in the quickest and swiftest possible time, then perhaps the more than 8,000 deaths, the billions of dollars needed for reconstruction and recovery would not have to be this way," he said.
But only Japan has offered money towards disaster risk reduction, pledging $4 billion during the next four years.
"Japan wants to promote the streamlining of disaster risk reduction to minimize damage. And that would lead to abolishing poverty," said Tokyo’s representative at the conference Minister Eriko Yamatani. "That would also protect vulnerable people. The Sendai conference will mark a true milestone towards that goal."
Non-governmental organizations and charities have criticized the lack of funding from other rich countries, which many argue have caused the CO2 emissions that are driving climate change and more intense tropical storms.
“We were expecting that this particular agreement is going to take a much bigger leap because of the kind of disasters we are facing, the amount of experience we have generated, and the new complexities that we are seeing in terms of climate change, in terms of conflicts, and how we are really looking at our sustainable development," said Harjeet Singh, who is with the charity Action Aid.
U.N. Secretary-General Ban Ki-moon has described this year as critical for the future of the organization.
World leaders are to discuss finance for development in July in Addis Ababa, a new global development agenda in September in New York and a climate change agreement in December in Paris.