ບັນດາຜູ້ນຳ ສະຫະພາບຢູໂຣບ ທີ່ປະຊຸມກັນ ຢູ່ນະຄອນ
Brussels ກ່າວວ່າ ເຂົາເຈົ້າຈະບໍ່ຍົກເລີກການລົງໂທດທາງ
ດ້ານເສດຖະກິດຕໍ່ຣັດເຊຍ ຈົນກວ່າວ່າ ການຢຸດຍິງ ໃນພາກ
ຕາເວັນອອກຂອງຢູເຄຣນ ທີ່ມົສກູໃຫ້ການສະໜັບສະໜູນໃນ
ເດືອນແລ້ວນີ້ ໄດ້ຮັບຈັດຕັ້ງປະຕິບັດໂດຍເຕັມ.
ປະທານສະຫະພາບຢູໂຣບ ທ່ານ Danold Tusk ໄດ້ປະກາດ
ກ່ຽວກັບການຕັດສິນໃຈດັ່ງກ່າວ ໃນຕອນແລງວັນພະຫັດວານ
ນີ້. ທ່ານກ່າວວ່າ ມັນໄດ້ສະແດງໃຫ້ເຫັນເຖິງຄວາມຕັ້ງໃຈຢ່າ
ງຈະແຈ້ງ ຂອງ 28 ປະເທດສະຫະພາບຢູໂຣບ ທີ່ຈະສືບຕໍ່ກົດ
ດັນໃຫ້ມົສກູ ຍຸດຕິການໃຫ້ສະໜັບສະໜູນແກ່ພວກກະບົດນິ
ຍົມຣັດເຊຍ ທີ່ໄດ້ເອົາຊີວິດຜູ້ຄົນໄປແລ້ວ ຫລາຍກວ່າ 6,000 ຄົນໃນໄລຍະ 11 ເດືອນ
ທີ່ຜ່ານມາ.
ມົສກູ ໄດ້ປະຕິເສດຊໍ້າແລ້ວຊຳ້ອີກວ່າ ຕົນບໍ່ໄດ້ໃຫ້ການສະໜັບສະໜູນໂດຍກົງແກ່ພວກ
ກະບົດ ທີ່ປາກພາສາຣັດເຊຍ ໃນຢູເຄຣນ ໃກ້ໆກັບເຂດຊາຍແດນນັ້ນ.
|ຣັດເຊຍໄດ້ຄັດຄ້ານຢ່າງແຂງຂັນຕໍ່ການລົງໂທດ ທີ່ມີມາເປັນລຳດັບໂດຍສະຫະພາບຢູ
ໂຣບ ແລະສະຫະລັດ.
ຄື້ນຟອງການລົງໂທດຮອບທຳອິດ ຂອງສະຫະພາບຢູໂຣບ ໄດ້ມີຂື້ນໃນເດືອນກໍລະກົດ
ຫລັງຈາກບັນດານັກວິເຄາະ ໄດ້ນຳເອົາເລື້ອງການຍິງເຮືອບິນໂດຍສານ ອາຍພົນຂອງ
ມາເລເຊຍຕົກ ຢູ່ໃນດິນແດນຢູເຄຣນ ໄປພົວພັນໃສ່ລູກສອນໄຟຂອງຣັດເຊຍ. ວັງ
Kremlin ໄດ້ປະຕິເສດວ່າ ຕົນບໍ່ມີບົດບາດໃດໆໃນການຍິງເຮືອບິນດັ່ງກ່າວຕົກ ທີ່ໄດ້
ເຮັດໃຫ້ 298 ຄົນຢູ່ເທິງເຮືອບິນເສຍຊີວິດໄປນັ້ນ.
Your browser doesn’t support HTML5
EU Russia Ukriane