ເຈົ້າໜ້າທີ່ອັຟການິສຖານກ່າວວ່າ ຕຳຫລວດຄົນນຶ່ງໄດ້ຍິງ
ນັກຂ່າວແມ່ຍິງຕ່າງປະເທດ 2 ຄົນ ໃນວັນສຸກມື້ນີ້ ເຮັດໃຫ້
ຄົນນຶ່ງເສຍຊິວິດ ແລະອີກຄົນນຶ່ງໄດ້ຮັບບາດເຈັບ.
ບັນດາເຈົ້າໜ້າທີ່ກ່າວວ່າ ຕຳຫຼວດຄົນດັ່ງກ່າວໄດ້ຖືກຈັບຫຼັງ
ຈາກໄດ້ເກີດເຫດຮ້າຍ ຢູ່ທີ່ປ້ອມຕຳຫຼວດແຂວງ Khost ໃນ
ພາກຕາເວັນອອກອັຟການິສຖານ.
ນັກຂ່າວທີ່ເສຍຊີວິດນັ້ນ ມີການເປີດເຜີຍວ່າແມ່ນນາງ Anja
Niedringhaus ອາຍຸ 48 ປີ ຊຶ່ງເປັນຊ່າງພາບທີ່ເຄີຍໄດ້ຮັບ
ລາງວັນມາແລ້ວເຮັດໃຫ້ວຽກໃຫ້ແກ່ອົງການຂ່າວເອພີ.
ສ່ວນຜູ້ລາຍງານຂ່າວຂອງເອພີນາງ Kathy Gannon ຢູ່ໃນອາການທີ່ພົ້ນຂີດອັນຕະລາຍ ແລ້ວ ຫລັງຈາກໄດ້ຮັບບາດເຈັບ 2 ເທື່ອ.
ນີ້ແມ່ນການໂຈມຕີຮ້າຍແຮງ ຕໍ່ພວກນັກຂ່າວຄັ້ງທີ 3 ໃນໄລຍະ
3 ອາທິດຜ່ານມາໃນຂະນະທີ່ຄວາມຮຸນແຮງເພີ້ມທະວີຂຶ້ນກ່ອນ ໜ້າການເລືອກຕັ້ງແຫ່ງຊາດແລະການເລືອກຕັ້ງທ້ອງຖິ່ນໃນວັນ
ເສົາມື້ອື່ນນີ້.
ກຸ່ມຕາລີບານໄດ້ປະກາດວ່າຈະໃຊ້ຄວາມຮຸນແຮງເພື່ອລົບກວນ
ການປ່ອນບັດເລືອກຕັ້ງທີ່ຈະມີຂຶ້ນດັ່ງກ່າວ.
ໃນວັນທີ 11 ມີນາຜ່ານມານັກຂ່າວວິທະຍຸອັງກິດ-ສະວີເດັນທ່ານ
Nils Horner ໄດ້ຖືກຍິງຕາຍໃນໄລຍະເຜົາຂົນ ທີ່ຫົນທາງສາຍນຶ່ງ ໃນນະຄອນຫຼວງກາບູລ.
9 ມື້ຕໍ່ມາ ມືປືນກໍໄດ້ຍິງສັງຫານນັກຂ່າວອັຟການິສຖານທີ່ເຮັດວຽກໃຫ້ແກ່ອົງການຂ່າວຝຣັ່ງ ທ່ານ Sardar Ahmad ພ້ອມດ້ວຍພັນລະຍາແລະລູກນ້ອຍ 2 ຄົນຂອງຈຳນວນທັງໝົດ 3 ຄົນ ຂອງທ່ານ ທີ່ໂຮງແຮມ Serena ທີ່ໄດ້ມີການຍາມຄຸ້ມກັນຢ່າງແໜ້ນໜາ ໃນນະຄອນຫລວງກາ ບູລ.
ໃນວັນພະຫັດວານນີ້ ທ່ານ Jan Kubis ຜູ້ຕາງໜ້າພິເສດຂອງອົງການສະຫະປະຊາຊາດໃນ ອັຟການິສຖານ ກໍໄດ້ຮຽກຮ້ອງໃຫ້ປະຊາຊົນຊາວອັຟການິສຖານ ຢ່າໄດ້ປ່ອຍໃຫ້ຜູ້ໃດຜູ້ນຶ່ງ ຕັດສິດ ຫຼືກີດກັນເຂົາເຈົ້າ ບໍ່ໃຫ້ໄປປ່ອນບັດເລືອກຕັ້ງ.
ທ່ານ Kubis ກ່າວຕື່ມວ່າ ອາດຈະມີຄວາມຫຍຸ້ງຍາກ ແລະບັນຫາດ້ານຄວາມປອດໄພຕ່າງໆ ແຕ່ອັຟການິສຖານໄດ້ກະກຽມໄວ້ດີກວ່າເກົ່າ ສຳລັບການເລືອກຕັ້ງ ໃນວັນເສົາອາທິດນີ້ ຄືດີ ກວ່າການເລືອກຕັ້ງ ໃນປີ 2009 ນັ້ນ.
ກຸ່ມຕາລີບັນ ອ້າງເອົາຄວາມຮັບຜິດຊອບ ໃນການກໍ່ຄວາມຮຸນແຮງ ທີ່ພົວພັນກັບການເລືອກ ຕັ້ງເມື່ອໄວໆມານີ້ ຮວມທັງການໂຈມຕີດ້ວຍລະເບີດສະລະຊີບໃນວັນອັງຄານຜ່ານມາ ຢູ່ຂ້າງນອກກະຊວງພາຍໃນຂອງອັຟການິສຖານຊຶ່ງໄດ້ເຮັດໃຫ້ເຈົ້າໜ້າທີ່ຕຳຫຼວດຢ່າງໜ້ອຍ 6 ຄົນ ເສຍຊີວິດໄປນັ້ນ.
ນັກຂ່າວແມ່ຍິງຕ່າງປະເທດ 2 ຄົນ ໃນວັນສຸກມື້ນີ້ ເຮັດໃຫ້
ຄົນນຶ່ງເສຍຊິວິດ ແລະອີກຄົນນຶ່ງໄດ້ຮັບບາດເຈັບ.
ບັນດາເຈົ້າໜ້າທີ່ກ່າວວ່າ ຕຳຫຼວດຄົນດັ່ງກ່າວໄດ້ຖືກຈັບຫຼັງ
ຈາກໄດ້ເກີດເຫດຮ້າຍ ຢູ່ທີ່ປ້ອມຕຳຫຼວດແຂວງ Khost ໃນ
ພາກຕາເວັນອອກອັຟການິສຖານ.
ນັກຂ່າວທີ່ເສຍຊີວິດນັ້ນ ມີການເປີດເຜີຍວ່າແມ່ນນາງ Anja
Niedringhaus ອາຍຸ 48 ປີ ຊຶ່ງເປັນຊ່າງພາບທີ່ເຄີຍໄດ້ຮັບ
ລາງວັນມາແລ້ວເຮັດໃຫ້ວຽກໃຫ້ແກ່ອົງການຂ່າວເອພີ.
ສ່ວນຜູ້ລາຍງານຂ່າວຂອງເອພີນາງ Kathy Gannon ຢູ່ໃນອາການທີ່ພົ້ນຂີດອັນຕະລາຍ ແລ້ວ ຫລັງຈາກໄດ້ຮັບບາດເຈັບ 2 ເທື່ອ.
ນາງ Kathy Gannon ທີ່ໂຮງຮຽນແຫ່ງນຶ່ງ ໃນອັຟການິສຖານ
ນີ້ແມ່ນການໂຈມຕີຮ້າຍແຮງ ຕໍ່ພວກນັກຂ່າວຄັ້ງທີ 3 ໃນໄລຍະ
3 ອາທິດຜ່ານມາໃນຂະນະທີ່ຄວາມຮຸນແຮງເພີ້ມທະວີຂຶ້ນກ່ອນ ໜ້າການເລືອກຕັ້ງແຫ່ງຊາດແລະການເລືອກຕັ້ງທ້ອງຖິ່ນໃນວັນ
ເສົາມື້ອື່ນນີ້.
ກຸ່ມຕາລີບານໄດ້ປະກາດວ່າຈະໃຊ້ຄວາມຮຸນແຮງເພື່ອລົບກວນ
ການປ່ອນບັດເລືອກຕັ້ງທີ່ຈະມີຂຶ້ນດັ່ງກ່າວ.
ໃນວັນທີ 11 ມີນາຜ່ານມານັກຂ່າວວິທະຍຸອັງກິດ-ສະວີເດັນທ່ານ
Nils Horner ໄດ້ຖືກຍິງຕາຍໃນໄລຍະເຜົາຂົນ ທີ່ຫົນທາງສາຍນຶ່ງ ໃນນະຄອນຫຼວງກາບູລ.
9 ມື້ຕໍ່ມາ ມືປືນກໍໄດ້ຍິງສັງຫານນັກຂ່າວອັຟການິສຖານທີ່ເຮັດວຽກໃຫ້ແກ່ອົງການຂ່າວຝຣັ່ງ ທ່ານ Sardar Ahmad ພ້ອມດ້ວຍພັນລະຍາແລະລູກນ້ອຍ 2 ຄົນຂອງຈຳນວນທັງໝົດ 3 ຄົນ ຂອງທ່ານ ທີ່ໂຮງແຮມ Serena ທີ່ໄດ້ມີການຍາມຄຸ້ມກັນຢ່າງແໜ້ນໜາ ໃນນະຄອນຫລວງກາ ບູລ.
ໃນວັນພະຫັດວານນີ້ ທ່ານ Jan Kubis ຜູ້ຕາງໜ້າພິເສດຂອງອົງການສະຫະປະຊາຊາດໃນ ອັຟການິສຖານ ກໍໄດ້ຮຽກຮ້ອງໃຫ້ປະຊາຊົນຊາວອັຟການິສຖານ ຢ່າໄດ້ປ່ອຍໃຫ້ຜູ້ໃດຜູ້ນຶ່ງ ຕັດສິດ ຫຼືກີດກັນເຂົາເຈົ້າ ບໍ່ໃຫ້ໄປປ່ອນບັດເລືອກຕັ້ງ.
ທ່ານ Kubis ກ່າວຕື່ມວ່າ ອາດຈະມີຄວາມຫຍຸ້ງຍາກ ແລະບັນຫາດ້ານຄວາມປອດໄພຕ່າງໆ ແຕ່ອັຟການິສຖານໄດ້ກະກຽມໄວ້ດີກວ່າເກົ່າ ສຳລັບການເລືອກຕັ້ງ ໃນວັນເສົາອາທິດນີ້ ຄືດີ ກວ່າການເລືອກຕັ້ງ ໃນປີ 2009 ນັ້ນ.
ກຸ່ມຕາລີບັນ ອ້າງເອົາຄວາມຮັບຜິດຊອບ ໃນການກໍ່ຄວາມຮຸນແຮງ ທີ່ພົວພັນກັບການເລືອກ ຕັ້ງເມື່ອໄວໆມານີ້ ຮວມທັງການໂຈມຕີດ້ວຍລະເບີດສະລະຊີບໃນວັນອັງຄານຜ່ານມາ ຢູ່ຂ້າງນອກກະຊວງພາຍໃນຂອງອັຟການິສຖານຊຶ່ງໄດ້ເຮັດໃຫ້ເຈົ້າໜ້າທີ່ຕຳຫຼວດຢ່າງໜ້ອຍ 6 ຄົນ ເສຍຊີວິດໄປນັ້ນ.
Your browser doesn’t support HTML5
AFGHANISTAN CNPK