ນັກເຄື່ອນໄຫວສິດທິມະນຸດຈີນສອງຄົນ ໄດ້ຖືກດຳເນີນຄະດີ
ໃນວັນສຸກມື້ນີ້ ໃນຂໍ້ຫາ “ລົບກວນຄວາມສະຫງົບຂອງສັງຄົມ”
ໄດ້ກາຍມາເປັນພວກຄັດຄ້ານລັດຖະ ບານຈຸຫລ້າສຸດ ທີ່ໄດ້
ຖືກຟ້ອງຮ້ອງໂດຍປັກກິ່ງ.
Guo Feixiong ແລະ Sun Desheng ໄດ້ຖືກຈັບໃນເດືອນ
ສິງຫາ ປີ 2013 ຫລັງຈາກໄດ້ເຂົ້າຮ່ວມໂຮມຊຸມເດີນຂະບວນ
ຢູ່ນອກຫ້ອງການໜັງສືພິມສະບັບນຶ່ງ ທີ່ໄດ້ຕິຕຽນລັດຖະບານ
ວ່າ ທຳການກວດກາ.
ການດຳເນີນຄະດີ ໄດ້ເລີ້ມໃນວັນສຸກມື້ນີ້ ທີ່ເມືອງ Guangshou
ໃນພາກໃຕ້ຂອງຈີນ. ບັນດາຜູ້ທີ່ປະເຊີນໜ້າ ກັບການກ່າວຫາໃນທຳນອງນີ້ ເກືອບວ່າມີຄວາມຜິດສະເໝີແລະໄດ້ຖືກລົງໂທດຕິດຄຸກເປັນເວລາຫລາຍປີ.
ກ່ອນໜ້າການດຳເນີນຄະດີ ກຸ່ມປົກປ້ອງສິດທິມະນຸດ Human Rights Watch ຮຽກ
ຮ້ອງໃຫ້ປ່ອຍບຸກຄົນທັງສອງໃນທັນທີ ໂດຍເວົ້າວ່າ ພວກນັກ ເຄື່ອນໄຫວເຫຼົ່ານີ້ ແມ່ນ
ເປັນ “ພັນທະມິດໃນການເສີມຄວາມເຂັ້ມແຂງໃຫ້ ແກ່ການປົກຄອງດ້ວຍຕົວບົດກົດ
ໝາຍ ບໍ່ແມ່ນສັດຕູຂອງລັດ.”
ສ່ວນຕາໜ່າງປ້ອງກັນສິດທິມະນຸດຈີນ ຫຼື CHRD ກໍໄດ້ຕຳໜິຕິຕຽນ ຕໍ່ຂໍ້ ຫາດັ່ງກ່າວ
ໂດຍເວົ້າວ່າ ບຸກຄົນທັງສອງຖືກຈັບ ຍ້ອນ “ຊົມໃຊ້ສິດທິໃນການປາກເວົ້າ ແລະໂຮມ
ຊຸມນຸມຂອງພວກເຂົາເຈົ້າ.”
ພວກນັກເຄື່ອນໄຫວທັງສອງ ເປັນນັກຂຽນ ທີ່ຮູ້ໂດຍຊື່ນາມປາກກາຂອງເຂົາເຈົ້າ. ຊື່
ແທ້ຂອງ Guo ແມ່ນ Yang Maodong ແລະຊື່ແທ້ຂອງ Sun ແມ່ນ Sun Sihuo.