ຣັດເຊຍຍິນດີທີ່ຈະຫາລື ກ່ຽວກັບການເພີ້ມເວລາໃນການຍຸຕິການປະຕິບັດງານທາງທະ ຫານເປັນເວລາ 3 ຊົ່ວໂມງໃນແຕ່ລະມື້ຢູ່ເມືອງ Aleppo ຂອງຊີເຣຍ ອີງຕາມເຈົ້າໜ້າທີ່ສະຫະປະຊາຊາດທີ່ກຳລັງສືບສວນເບິ່ງວ່າໄດ້ມີການນຳໃຊ້ລະເບີດທີ່ບັນຈຸແກັສຄລໍລີນ ໂດຍກອງທັບຊີເຣຍ ຢູ່ໃນເຂດດັ່ງກ່າວຫຼືບໍ່.
ກອງທັບຣັດເຊຍມີກຳນົດຈະເລີ້ມໃນວັນພະຫັດວານນີ້ການຢຸດຍິງເປັນການຊົ່ວຄາວໃນແຕ່ລະມື້ ແຕ່ເວລາ 10 ໂມງເຊົ້າ ຫາບ່າຍໂມງ ຕາມເວລາ ໃນທ້ອງຖິ່ນ ເພື່ອອຳນວຍໃຫ້ພວກເຈົ້າໜ້າທີ່ບັນເທົາທຸກ ຈັດສົ່ງການຊ່ອຍເຫລືອ ທີ່ຕ້ອງການໄປໃຫ້ເມືອງດັ່ງກ່າວ.
ພົນລະເຮືອນຫາຍໃຈໂດຍໃຊ້ໜ້າກາກອອກຊີເຈັນ
ແຕ່ທ່ານ Mohammed Rasheed ໂຄສົກຂອງກຸ່ມຕໍ່ຕ້ານລັດຖະບານຊີເຣຍກຸ່ມນຶ່ງໄດ້ ກ່າວຕໍ່ອົງການຂ່າວ Reuters ໃນວັນພະຫັດວານນີ້ວ່າ ການຢຸດຍິງນີ້ ບໍ່ໄດ້ມີການເຄົາ ລົບ ທ່ານໄດ້ກ່າວວ່າ ແທນທີ່ຈະເປັນເຊັ່ນນັ້ນຊ້ຳພັດມີການເພີ້ມການປະຕິບັດງານຂອງ ເຮືອບິນລົບຣັດເຊຍ ແລະກອງກຳລັງລັດຖະບານ ແມ່ນໄດ້ພະຍາຍາມ ບຸກຄືບໜ້າຕໍ່ໄປ ເພື່ອຕີເອົາເຂດ Ramousah ຂອງເມືອງ Aleppo.
ອົງການສະຫະປະຊາຊາດກ່າວວ່າ 3 ຊົ່ວໂມງຈະບໍ່ເປັນການພຽງພໍ ແລະພະຍາມເຈລະ ຈາກັນຕື່ມ ໃຫ້ມີການຢຸດຍິງ ເປັນເວລາ 48 ຊົ່ວໂມງ ເພື່ອຈັດສົ່ງການຊ່ອຍເຫລືອໄປໃຫ້ປະຊາຊົນປະມານ 2 ລ້ານຄົນ ທີ່ຕົກຄ້າງຢູ່ໃນເມືອງດັ່ງ ກ່າວ.
Your browser doesn’t support HTML5
UN Investigating Alleged Gas Attacks In Syria
ໃນຕອນແລງຂອງມື້ວັນພຸດຜ່ານມານີ້ ມີລາຍງານວ່າ ເຮືອບິນເຮຣີີຄອບເຕີ້ຂອງກອງທັບ ຊີເຣຍໄດ້ຖິ້ມລະເບີດຖັງ 4 ລູກລົງໃສ່ເມືອງ Aleppo ນຶ່ງລູກຂອງຈຳນວນດັ່ງກ່າວ ແມ່ນບັນຈຸແກັສຄລໍລີນ ເຮັດໃຫ້ມີຜູ້ເສຍຊີວິດຢ່າງໜ້ອຍ 3 ຄົນ.
ໃນການຕອບຄຳຖາມຂອງວີໂອເອນັ້ນ ທູດພິເສດຂອງອົງການສະຫະປະຊາຊາດປະຈຳ ຊີເຣຍທ່ານ Staffan de Mistura ກ່າວວ່າ ທ່ານຍັງບໍ່ສາມາດໃຫ້ການຢືນຢັນຕໍ່ລາຍງານທີ່ວ່າ ໄດ້ມີການນຳໃຊ້ແກັສຄລໍລີນ ໃນການໂຈມຕີ ແຕ່ກໍມີຫຼັກຖານຫຼາຍໆຢ່າງທີ່ສະແດງ ໃຫ້ເຫັນວ່າການໂຈມຕີນີ້ໄດ້ເກີດຂຶ້ນ.
ທ່ານກ່າວວ່າ ພວກເຮົາມີທູດພິເສດສະຫະປະຊາຊາດແລະອົງການຈັດຕັ້ງອື່ນໆ ໃຫ້ການແກ້ໄຂກ່ຽວກັບເລືອງນີ້ ແຕ່ຖ້າມັນຫາກເກີດຂຶ້ນແທ້ ມັນແມ່ນອາຊະຍາກຳສົງຄາມ. ແລະການກະທຳດັ່ງກ່າວມັນຈຳເປັນທີ່ທຸກໆຄົນ ພວກປະທານຮ່ວມທັງໝົດແລະບຸກຄົນອື່ນໆອີກຈະຕ້ອງໄດ້ແກ້ໄຂໃນທັນທີ. ຂ້າພະເຈົ້າຄິດວ່າການສືບສວນກຳລັງດຳເນີນຢູ່ ແຕ່ຈຸດຂອງທ່ານແມ່ນເປັນທີ່ຮູ້ດີ. ນັ້ນຄືອາຊະຍາກຳສົງຄາມ.