ລາຍງານໃໝ່ສະບັບໜຶ່ງ ໄດ້ຈັດເອົາ ໂຊມາເລຍ ເກົາຫລີເໜືອ
ແລະອັຟການິສຖານ ວ່າເປັນປະເທດ ທີ່ມີການສໍ້ລາດບັງຫຼວງ
ຮ້າຍແຮງທີ່ສຸດຢູໃນໂລກ.
ອົງການຄວາມໂປ່ງໃສສາກົນຫຼື Transparency International
ໄດ້ພິມເຜີຍແຜ່ ດັດຊະນີວ່າດ້ວຍການສໍ້ລາດບັງຫລວງປະຈຳປີ
ໃນວັນພຸດມື້ນີ້ ໂດຍອີງໃສ່ໃນອັນທີ່ອົງການຮ້ອງວ່າ ຄວາມຄິດ
ຄວາມເຫັນຂອງຜູ້ຊ່ຽວຊານຢູ່ໃນທົ່ວໂລກ ເພື່ອວັດແທກລະດັບ
ຄວາມຮູ້ສຶກກ່ຽວກັບການສໍ້ລາດບັງຫລວງຂອງພາກເອກກະຊົນ.
ການໄດ້ຮັບຄະແນນຕໍ່າ ໝາຍເຖິງ ມີການສໍ້ລາດບັງຫລວງຫລາຍ
”ຂື້ນ ແລະລາຍງານໄດ້ຈັດໃຫ້ໂຊມາເລຍ ແລະເກົາຫລີເໜືອ ໄດ້ 8 ຄະແນນ ໃນຂະນະທີ່ອັຟການິສຖານ 11 ຄະແນນ.
ບໍ່ມີປະເທດໃດໄດ້ຮັບ 100 ຄະແນນເຕັມ ແຕ່ມີຈຳນວນໜຶ່ງເກືອບໄດ້ ຮັບຄະແນນໃກ້
ຄຽງເຊັນວ່າ Denmark ໄດ້ 91 ຄະແນນ Finland ແລະ Sweden ຕ່າງກໍໄດ້ປະເທດ
ລະ 90 ຄະແນນ.
ທ່ານ Jose Ugaz ປະທານອົງການຄວາມໂປ່ງໃສນາໆຊາດ ກ່າວວ່າ ລາຍງານນີ້ສະ
ແດງໃຫ້ເຫັນ ການສໍ້ລາດບັງຫລວງທີ່ຍັງ “ເປັນທີ່ສ້າງຄວາມເສຍຫາຍ” ຢູ່ທົ່ວໃນໂລກ.
ພວກນັກລົບ ລັດອິສລາມ ສວນສະໜາມ ຢູ່ໃນລົດຫູ້ມເກາະ ກຳລັງຮັກສາຄວາມປອດໄພ ອີຣັກ ທີ່ພາເໜືອ ນະຄອນ Mosul ອີຣັກ.
ທ່ານກ່າວວ່າ “ແຕ່ວ່າປີ 2015 ໄດ້ເປັນປີທີ່ອີກຄັ້ງໜຶ່ງຜູ້ຄົນໄດ້ພາກັນ ລົງສູ່ຖະໜົນຫົນທາງ ປະທ້ວງການສໍ້ລາດບັງຫລວງ ປະຊາຊົນຢູ່ໃນທົ່ວໂລກ ພາກັນສົ່ງສັນຍານອັນແຂງຂັນ ໄປຫາພວກທີ່ກຳອຳນາດວ່າ ມັນເຖິງເວລາແລ້ວ ທີ່ຈະຕໍ່ສູ້ກັບການສໍ້ລາດບັງຫລວງຄັ້ງໃຫຍ່.”
ທ່ານ Jiang Jiemin, ຊ້າຍ, ອະດີດປະທານນໍ້າມັນແຫ່ງຊາດຈີນ ແລະ ທ່ານ Li Chuncheng, ຂວາ, ອະດິດຮອງຫົວໜ້າພັກ ແຂວງ ພາກຕາເວັນຕົກສຽງໃຕ້ Sichuan, ທັງສອງໄດຖືກຈັບ ໃນຖານສໍ້ລາດບັງຫລວງ
ອົງການຄວາມໂປ່ງໃສນາໆຊາດກ່າວວ່າ ຫລາຍກວ່າ 6 ພັນລ້ານຄົນ ທີ່ເປັນສ່ວນໃຫຍ່ຂອງປະຊາຊົນໃນໂລກ ພາກັນອາໄສຢູ່ໃນບັນດາປະເທດທີ່ “ມີການສໍ້ລາດບັງຫລວງຮ້າຍແຮງ.”
ສປປ ລາວ ຕິດອັນດັບທີ 139 ໃນດັດຊະນີດັ່ງກ່າວ ໂດຍໄດ້ທັງໝົດ 25 ຄະແນນ.