ລາຍງານຂ່າວສື່ມວນຊົນເວົ້າວ່າ ພວກເຈົ້າໜ້າທີ່ ທີ່ທຳການສືບ
ສວນກ່ຽວກັບເຮືອບິນຂອງສາຍການບິນ Germanwings ທີ່
ຕົກລົງ ຢູ່ໃນ ເຂດພູເຂົາ Alps ຂອງຝຣັ່ງ ເມື່ອວັນອັງຄານຜ່ານ
ມານີ້ ເຊື່ອວ່າ ນັກບິນຄົນນຶ່ງ ໃນຈຳນວນສອງຄົນນັ້ນ ໄດ້ອອກ
ມາຈາກຫ້ອງນັກບິນ ແລະ ກັບຄືນເຂົ້າໄປບໍ່ໄດ້ ຍ້ອນປະຕູຖືກ
ປິດຕັນ ໃນເວລາເຮືອບິນຕົກລົງ ເຮັດໃຫ້ພວກຄົນໂດຍສານ
ພ້ອມທັງຈຸບິນທັງໝົດ 150 ຄົນເສຍຊີວິດ.
ບັນດາເຈົ້າໜ້າທີ່ ທີ່ໃກ້ຊິດກັບການສືບສວນ ໄດ້ບອກພວກສື່
ມວນຊົນວ່າ ສຽງທີ່ບັນທຶກໄວ້ໃນ black box ຫລື ຫີບດຳບັນທຶກ
ການບິນ ທີ່ກູ້ມາໄດ້ໃນວັນພຸດວານນີ້ ສະແດງວ່າ ໃນໄລຍະບໍ່ເທົ່າ
ໃດນາທີ ກ່ອນເຮືອບິນຕົກນັ້ນ ນັກບິນຄົນໜຶ່ງໄດ້ອອກໄປຈາກຫ້ອງ ແລະ ພະຍາຍາມ
ຈະກັບເຂົ້າໄປຄືນ ເວລາທີ່ເຮືອບິນຕົກລົງ. ບໍ່ເປັນທີ່ແຈ້ງຂາວວ່າ ນັກບິນຄົນໃດ ອອກໄປ
ຈາກຫ້ອງບິນ.
ນັກສືບສວນຄົນໜຶ່ງ ເລົ່າສູ່ ໜັງສືພິມ The New York Times ຟັງເຖິງສຽງທີ່ບັນທຶກຢູ່ໃນຫີບດຳວ່າ ນັກບິນຄົນນັ້ນ “ເຄາະປະຕູຫ້ອງນັກ ບິນຄ່ອຍໆ ແຕ່ບໍ່ມີໃຜຕອບ. ແລະ ຕໍ່ຈາກນັ້ນ ລາວໄດ້ທຸບປະຕູແຮງຂຶ້ນ ແລະກໍບໍ່ມີໃຜຕອບອີກ. ບໍ່ມີໃຜຕອບເລີຍ.”
ນັກສືບສວນຄົນນັ້ນ ກ່າວວ່າ ຈາກບັນທຶກສຽງນັ້ນ ສາມາດໄດ້ຍິນ ສຽງນັກບິນຄົນດັ່ງກ່າວ ພະຍາຍາມຈະພັງປະຕູເຂົ້າໄປ ຊຶ່ງພາໃຫ້ມີການຕັ້ງຄຳຖາມຂຶ້ນວ່າ ເປັນຫຍັງ ປະຕູຈຶ່ງບໍ່ເປີດ. ທ່ານກ່າວຕໍ່ໄປວ່າ “ແຕ່ອັນທີ່ແນ່ນອນ ກໍແມ່ນວ່າ ໃນວາລະສຸດທ້າຍຂອງຖ້ຽວບິນນັ້ນ ນັກບິນອີກຄົນນຶ່ງແມ່ນຢູ່ທາງໃນ ຕາມລຳພັງ ແລະບໍ່ຍອມເປີດປະຕູ.”
ໃນຂະນະທີ່ພວກທີມງານກູ້ໄພ ທຳການຊອກຄົ້ນຫາຊາກສົບຂອງພວກເຄາະຮ້າຍ ແລະ
ຊອກຫາສາເຫດຂອງເຮືອບິນຕົກນັ້ນ ບັນດາຄອບຄົວ ແລະ ເພື່ອນຝຸງຂອງພວກໂດຍສານ ແລະ ຈຸບິນ ກໍພາກັນເດີນທາງໄປຍັງ ບ່ອນເກີດເຫດ ຊຶ່ງຢູ່ທີ່ນັ້ນ ສາຍການບິນ Lufthansa
ຈະຂໍໃຫ້ເຂົາເຈົ້າ ຊ່ວຍໃນການລະບຸໂຕຊາກສົບ ແລະ ຈະຈັດທີ່ປຶກສາທາງດ້ານຈິດໃຈ ໄວ້ຊ່ວຍປອບໃຈແລະໃຫ້ຄຳແນະນຳແກ່ພວກເຂົາເຈົ້າ.
Your browser doesn’t support HTML5
France Airplane Crash