ຊາວອົບພະຍົບ ທີ່ຫລັ່ງໄຫລເຂົ້າໄປໃນຢູໂຣບ ຍັງສືບຕໍ່ໃນວັນ
ຈັນມື້ນີ້. ເສັ້ນທາງຜ່ານເຂົ້າປະເທດຮັງກາຣີນັ້ນ ແມ່ນວ່າບໍ່ມີບັນ
ຫາເກີດຂຶ້ນ ຫຼາຍກວ່າທີ່ມີ ເມື່ອອາທິດແລ້ວນີ້ ໃນເວລາທີ່ບັນດາ
ປະເທດໃນພາກກາງຂອງຢູໂຣບ ເບິ່ງຄືວ່າ ພ້ອມທີ່ຈະເຮັດສິງໃດ
ກໍຕາມ ທີ່ຕົນເຮັດໄດ້ ເພື່ອກີດກັນຊາວອົບພະຍົບຈາກການເຂົ້າໄປ
ຍັງບັນດາປະເທດທີ່ຮັ່ງມີ ຢູ່ທາງພາກຕາເວັນຕົກຂອງຢູໂຣບນັ້ນ.
ປັດຈຸບັນນີ້ຊາວຮັງກາຣີ ໄດ້ຕິດປະກາດຕາຕະລາງລົດໄຟຂອງ
ອອສເຕຣຍ ໃຫ້ແກ່ຊາວອົບພະຍົບ ຢູ່ທີ່ສະຖານີລົດໄຟ Keleti
ຂອງນະຄອນ ບູດາແປັສ. ເມື່ອອາທິດແລ້ວນີ້ ຕຳຫລວດໄດ້ໃຊ້
ແກັສນ້ຳຕາ ຕໍ່ຊາວອົບພະຍົບ ຢູ່ທີ່ສະຖານີລົດໄຟ Keleti ຜູ້ທີ່
ຕ້ອງການໄປຍັງອອສເຕຣຍ.
ນັກສັງເກດການຄົນນຶ່ງ ກ່າວວ່າ ຂະບວນລົດໄຟໄປຍັງອອສເຕຣຍ ບັດນີ້ແມ່ນ “ຫາກໍໄດ້
ບັນທຸກ” ເອົາຊາວອົບພະຍົບຂຶ້ນ.
ຊົມວີດີໂອ ລາຍງານ ທີ່ກ່ຽວພັນ ກັບເລື້ອງນີ້
Your browser doesn’t support HTML5
Europe Braces for New Wave of Refugees
ເມື່ອພວກເຂົາເຈົ້າໄປເຖິງ ສະຖານີລົດໄຟ Westbahnhof ຂອງນະຄອນວຽນນາແລ້ວ
ຊາວອົບພະຍົບ ຈະໄດ້ຮັບສຽງຕົບມືຕ້ອນຮັບ ຈາກຊາວອອສເຕຣຍ ຜູ້ທີ່ຊ່ວຍແນະນຳ
ພວກທີ່ເດີນທາງເຫຼົ່ານັ້ນ ຈາກລົດໄຟຄັນນຶ່ງຕໍ່ໄປຫາອີກຄັນນຶ່ງຢ່າງມີປະສິດທິພາບ ໃນ
ການເດີນທາງເພື່ອໄປຍັງເຢຍຣະມັນຂອງພວກເຂົາເຈົ້າ. ຊາວອົບພະຍົບສ່ວນນ້ອຍ
ເລືອກທີ່ຈະຢູ່ ໃນອອສເຕຣຍ.
ຊາວອົບພະຍົບສ່ວນຫຼາຍ ແມ່ນມີຍາດຕິພີ່ນ້ອງ ຢູ່ໃນເຢຍຣະມັນຢູ່ແລ້ວ ຜູ້ທີ່ໄດ້ຊຸກຍູ້ໃຫ້
ພວກເຂົາເຈົ້າ ເດີນທາງໄປຢູ່ນຳພວກເຂົານະທີ່ນັ້ນ.
ເຢຍຣະມັນ ທີ່ເປັນປະເທດທີ່ຮັ່ງມີທີ່ສຸດຂອງຢູໂຣບ ກ່າວໃນວັນຈັນມື້ນີ້ ວ່າ ຕົນແມ່ນໄດ້
ເພີ້ມທຶນສາທາລະນະ ມູນຄ່າ 6.6 ຕື້ໂດລາ ເພື່ອນຳໃຊ້ໃນປີໜ້ານີ້ ເປັນການຮອງຮັບ ຊາວ
ອົບພະຍົບທີ່ຈະເຂົ້າມາໃນສັງຄົມເຢຍຣະມັນ. ເຢຍຣະມັນ ຍັງກ່າວອີກວ່າ ຕົນແມ່ນຍິນຍອມ
ທີ່ຈະຮັບເອົາຊາວອົບພະຍົບ 800,000 ຄົນ.
ຊາວອົບພະຍົບຜູ້ທີ່ໄປເຖິງຈຸດໝາຍໃໝ່ໆ ແມ່ນໄດ້ຕິດຕໍ່ສື່ສານ ຜ່ານທາງໂທລະສັບ ແລະ
ໜ້າ Facebook ຂອງພວກເຂົາເຈົ້າ ກັບພວກຍາດຕິພິນ້ອງ ແລະ ເພື່ອນມິດ ຜູ້ທີ່ຍັງຄ້າງ
ຄາຢູ່ເບື້ອງຫລັງຂອງຂະບວນການເຂົ້າເມືອງ ເພື່ອແຈ້ງໃຫ້ພວກເຂົາຮູ້ເຖິງ ອັນທີ່ພວກເຂົາ
ຄວນຈະໄດ້ພົບໃນການເດີນທາງໄປຍັງຢູໂຣບ. ຕົວຢ່າງໃນປັດຈຸບັນນີ້ ບູດາແປັສ ແມ່ນເປັນ
ຈຸດເຂົ້າທີ່ດີ ເພື່ອທີ່ຈະເດີນທາງຜ່ານຕໍ່ໄປ ແຕ່ຊາວອົບພະຍົບ ໄດ້ເຕືອນຍາດຕິພີ່ນ້ອງ
ຂອງພົວເຂົາວ່າ ມັນອາດເປັນພຽງໄລຍະສັ້ນໆເທົ່ານັ້ນ.
ວິກິດການ ຊາວອົບພະຍົບ ໃນຢູໂຣບ ວັນທີ 7 ກັນຍາ