ສະພາກາແດງ ໄດ້ຮ້ອງຂໍທຶນຢ່າງເປັນການສຸກເສີນເພື່ອຊ່ວຍ
ຮັບມືກັບ ການລະບາດຂອງເຊື້ອໄວຣັສ Zika ທີ່ອາດຈະຕິດ
ແປດຫລາຍເຖິງ 4 ລ້ານຄົນ ໃນທະວີບອາເມຣິກາ ປີນີ້.
ສະຫະພັນສະພາກາແດງສາກົນ ແລະປະຊາຄົມກາແດງ
Crescents ໄດ້ເລີີ້ມຮ້ອງຂໍເງິນ ໃນວັນອັງຄານມື້ນີ້ ໃນມູນຄ່າ
2 ລ້ານ 3 ແສນໂດລາ ເພື່ອໃຫ້ການສະໜັບສະໜູນຕໍ່ການຮັບ
ມືກັບວິກິດການດັ່ງກ່າວຂອງ ຂົງເຂດ. ເຊື້ອໄວຣັສ Zika ເຊື່ອ
ວ່າພົວພັນກັບໂຣກ microcephaly ທີ່ມີຜົນກະທົບຕໍ່ເສັ້ນປະ
ສາດເຮັດໃຫ້ພວກລາລົກເກີດມາມີຫົວນ້ອຍຜິດ ປົກກະຕິ.
ໃນວັນຈັນວານນີ້ ອົງການອະນາໄມໂລກໄດ້ປະກາດກ່ຽວກັບການແຜ່ລະບາດຂອງເຊື້ອ
ໄວຣັສ Zika ວ່າ ເປັນພາວະສຸກເສີນດ້ານສາທາລະນະສຸກຂອງໂລກ ແລະໄດ້ທຳນາຍ
ວ່າ 4 ລ້ານຄົນ ອາດຕິດແປດໃນປີນີ້. ຊາວສີ່ປະເທດ ໄດ້ຮັບຢືນຢັນວ່າ ມີການລະບາດ
ຂອງເຊື້ອໄວຣັສ Zika ມາຮອດທ້າຍເດືອນມັງກອນ. ປັດຈຸບັນນີ້ ບໍ່ມີຢາປິ່ນປົວເທື່ອ.
ບໍລິສັດຜະລິດຢາຝຣັ່ງ Sanofi ກ່າວໃນວັນອັງຄານມື້ນີ້ວ່າ ໄດ້ເລີ້ມການຄົ້ນຄວ້າແລະພັດ
ທະນາວັກຊິນ ຕ້ານເຊື້ອໄວຣັສ ທີ່ໄດ້ໃສ່ຊື່ໃຫ້ແກ່ປ່າ ໃນປະເທດ Uganda ບ່ອນທີ່ຍຸງມີ
ເຊື້ອໄວຣັສ ໄດ້ຖືກຄົ້ນພົບເທື່ອທຳອິດໃນປີ 1947.
ບັນດາຄົນປ່ວຍຈາກເຊື້ອໄວຣັສ Zika ສົນທະນາປ້ອງກັນຢູ່ ໂຮງໝໍແມ່ຍິງແຫ່ງຊາດ ໃນເມືອງ San Salvador, ປະເທດ El Salvador, ວັນທີ 29, ມັງກອນ 2016.
ເຊື້ອໄວຣັສ Zika ທີ່ແຜ່ຜາຍໂດຍພວກຍຸງລາຍ ຍັງເປັນສາເຫດ ພາໃຫ້ເກີດໄຂ້ເລືອດ ອອກແລະພະຍາດ chikungunya ນຳດ້ວຍ.
ໃນວັນຈັນວານນີ້ຢູ່ທີ່ນະຄອນ Geneva ອົງການ WHO ກ່າວວ່າ ເຊື້ອໄວຣັສ Zika ເປັນ
“ພາວະສຸກເສີນທາງດ້ານສາທາລະນະສຸກ ທີ່ ສາກົນເປັນຫ່ວງ.” ແຕ່ອົງການດັ່ງກ່າວກໍບໍ່
ກ່າວເຖິງການຫ້າມເດີນທາງ ຫລືການຈຳກັດການຄ້າໃດໆ.
ພວກແມ່ ແລະເດັກທີ່ມີເຊື້ອ microcephaly ພາກັນລໍຖ້າການປິ່ນປົວ ຢູ່ໂຮງໝໍ ທີ່ປະເທດ Brazil, ວັນທີ່ 26, 2016.
ຍັງບໍ່ທັນມີການຢືນຢັນ ຢ່າງຄັກແນ່ເທື່ອ ລະຫວ່າງເຊື້ອໄວຣັສ Zika ແລະໂຣກ micro-
cephaly ແຕ່ມັນຍາກທີ່ຈະບໍ່ຫົວຊາຕໍ່ການເຊື່ອມໂຍງທີ່ອາດເປັນໄປໄດ້ລະຫວ່າງເຊື້ອ
ໄວຣັສ ແລະສະໝອງທີ່ບໍ່ເຮັດວຽກ. ເກືອບ 4,000 ກໍລະນີທີ່ສົງໄສວ່າເປັນໂຮກ micro-
cephany ໄດ້ລາຍງານຢູ່ໃນ Brazil ນັບແຕ່ເດືອນຕຸລາ ເປັນຕົ້ນມາ ປຽບທຽບໃສ່ກັບ
150 ກໍລະນີ ທີ່ຄ້າຍຄືກັນ ໃນປີ 2014.
Your browser doesn’t support HTML5
Zika Virus May be Hard to Stop