4 ມື້ ຫລັງຈາກການໂຈມຕີຢ່າງນອງເລືອດ ຢູ່ພິທີສວນສະໜາມ ຂອງ ກອງທັບ ທີ່ເຂດ
ອາວາສ ຂອງອີຣ່ານ ຊຶ່ງຮູ້ກັນ ໃນອີກຊື່ນຶ່ງວ່າ ຄູຈິສຕານ ທີ່ປະຊາຊົນສ່ວນໃຫຍ່ ເປັນ
ຊາວອາຣັບນັ້ນແລະກໍມີການອ້າງເອົາຄວາມຮັບຊອບທີ່ຂັດ ແຍ້ງກັນ ກ່ຽວກັບວ່າແມ່ນ
ໃຜແທ້ຢູ່ເບື້ອງຫຼັງການໂຈມຕີດັ່ງກ່າວ. ເອັດເວີດ ເຢຣານຽນມີລາຍງານກ່ຽວກັບເລື້ອງ
ນີ້ ຈາກໄຄໂຣ ດັ່ງໄພສານ ຈະນຳເອົາລາຍລະອຽດ ມາສະເໜີທ່ານ ໃນອັນດັບຕໍ່ໄປ.
Your browser doesn’t support HTML5
ເຊີນຟັງລາຍງານ ກ່ຽວກັບ ການໂຈມຕີ ພິທີສວນສະໜາມ ຂອງທະຫານ ຢູ່ອີຣ່ານ
ຍັງມີຄຳຖາມ ຫຼາຍກວ່າຄຳຕອບໃນມື້ວັນອັງຄານຜ່ານມາ ຫຼັງຈາກສື່ມວນຊົນຂອງອີ
ຣ່ານໄດ້ນຳເອົາວີດີໂອ ຂອງພວກ 20 ກວ່າຄົນ ທີ່ຖືກຈັບ ໃນຂໍ້ຫາມີສ່ວນພົວພັນ ໃນ
ການ ໂຈມຕີເມື່ອວັນເສົາ ອາທິດແລ້ວ ຕໍ່ພິທີເດີນສວນສະໜາມ ໃນເຂດອາວາສ ຊຶ່ງ
ປະຊາຊົນສ່ວນໃຫຍ່ເປັນຊາວອາຣັບ.
ອົງການຂ່າວຟາຣສ໌ ໄດ້ລະບຸຊື່ຜູ້ກໍ່ການ 5 ຄົນ ຊຶ່ງຫຼາຍໆຄົນ ໃນຈຳນວນດັ່ງກ່າວໄດ້
ຖືກຂ້າຕາຍ ໂດຍກ່າວອ້າງວ່າ ຜູ້ຊາຍ 3 ຄົນແມ່ນເປັນອ້າຍນ້ອງກັນ.
ທ່ານມັກມຸດ ອາລາວີ ຫົວໜ້າສືບລັບຂອງອີຣ່ານ ໄດ້ປະກາດວ່າ ຈະເອົາມາດຕະການ
ຕອບໂຕ້ຢ່າງແຮງຕໍ່ການໂຈມຕີນີ້ ແລະຢືນຢັດວ່າ ກຳລັງຮັກສາຄວາມສະຫງົບທັງໝົດ
ຂອງປະເທດ ກຳລັງຊອກຫາຂໍ້ມູນກ່ຽວກັບການໂຈມຕີດັ່ງກ່າວແລະແມ່ນພວກໃດເປັນ
ຜູ້ຢູ່ເບື້ອງຫຼັງ.
ທ່ານມັກມຸດ ກ່າວວ່າ ພວກທະຫານ ແລະກຳລັງຮັກສາຄວາມປອດໄພ ພ້ອມກັບກຳລັງ
ພິທັກປະຕິວັດແລະຕຳຫຼວດ ຈະເຮັດວຽກຕໍ່ໄປ ຈົນກວ່າພວກເຂົາເຈົ້າຈະສາມາດລະບຸ
ໂຕ ພວກກໍ່ການທັງໝົດ ທີ່ຢູ່ເບື້ອງຫຼັງການໂຈມຕີ ແລະຫຼັງຈາກນັ້ນກໍລົງໂທດພວກເຂົາ
ເພື່ອເປັນການສົ່ງຂ່າວໃຫ້ໂລກຮູ້ວ່າ ຕົນຈະຕ້ອບໂຕ້ຕໍ່ໜ້າຂອງອັນທີ່ເອີ້ນວ່າ ການກໍ່ອາ
ຊະຍາກຳຕ້ານມະນຸດຊາດ.
ສ່ວນຜູ້ນຳຂອງສູງສຸດຂອງປະເທດ ອາຢາໂທລາຄາເມນີພ້ອມກັບຜູ້ບັນຊາການກຳລັງ
ພິທັກ ປະຕິວັດຫຼາຍໆທ່ານ ໄດ້ກ່າວຫາຊາອຸດີ ອາຣາເບຍ ສະຫະລັດອາຣັບເອເມີເຮັສ
ພ້ອມໆກັບສະຫະລັດ.
ຮູບພາບ ຈາກອົງການຂ່າວ Mehr ສະແດງໃຫ້ເຫັນວ່າ ພົນລະເຮືອນ ພວມແລ່ນໄປຫາບ່ອນລີ້ ໃນລະຫວ່າງການໂຈມຕີ ຕໍ່ພິທີສວນສະໜາມ ຂອງກອງທັບ ທີ່ເຂດອາວາສ ເມື່ອວັນທີ 22 ກັນຍາ 2018.
ລັດຖະມົນຕີກະຊວງປ້ອງກັນປະເທດສະຫະລັດ ທ່ານຈິມ ແມັດຕິສ ເອີ້ນການກ່າວຫາ
ນີ້ວ່າ “ເປັນຕາຢາກຫົວ” ໃນຂະນະທີ່ ລັດຖະມົນຕີກະຊວງການຕ່າງປະເທດສະຫະລັດ
ທ່ານໄມຄ໌ ພອມພຽວ ໄດ້ປະຕິເສດວ່າ ສະຫະລັດ ບໍ່ມີບົດບາດໃດໆ ໃນການໂຈມຕີດັ່ງ
ກ່າວ. ທ່ານພອມພຽວ ກ່າວຕໍ່ອົງການຂ່າວຟັອກສ໌ນິວວ່າ ມັນເປັນຄວາມຜິດພາດ ຢ່າງ
ໃຫຍ່ຫຼວງ ທີ່ຈະຖິ້ມໂທດໃສ່ປະເທດອື່ນເວລາເຂົາເຈົ້າເກີດບັນຫາທາງດ້ານຄວາມໝັ້ນ
ຄົງຢູ່ພາຍໃນປະເທດ.
ອະດີດປະທານາທິບໍດີອີຣ່ານ ທ່ານອາໂບຮັສສັນ ບານີ ຊາເດີ ກ່າວຕໍ່ວີໂອເອວ່າ ການ
ກໍ່ການຮ້າຍແມ່ນພວມກາຍເປັນປາກົດການລະຫວ່າງປະເທດທີ່ເພີ້ມທະວີຂຶ້ນ ດັ່ງນັ້ນ
ໃນເມື່ອຍັງບໍ່ທັນເປັນທີ່ຈະແຈ້ງເທື່ອວ່າ ກຸ່ມໃດເປັນຜູ້ຢູ່ເບື້ອງຫຼັງການໂຈມຕີຢູ່ເຂດອາ
ວາສ ທ່ານມີຄວາມສົງໄສວ່າ ມັນຈະເກີດຂຶ້ນບໍ່ໄດ້ໂດຍປາສະຈາກການຊ່ອຍເຫຼືອຂອງ
ຕ່າງປະເທດ.
ທ່ານກ່າວວ່າ ນອກຈາກປະເທດອື່ນໆຫຼືມະຫາອຳນາດຕ່າງປະເທດ ໃຫ້ການສະໜັບສະ
ໜຸນ ຕໍ່ການກໍ່ຄວາມຮຸນແຮງແລ້ວ ຈະບໍ່ມີອົງການອິດສະຫຼະໃດໆ ບໍ່ສຳຄັນວ່າ ມັນເອີ້ນ
ຫຍັງ ສາມາດໃຊ້ຄວາມຮຸນແຮງ ເປັນເວລາດົນນານໄດ້.
ທ່ານບານີ ຊາເດີ ກ່າວຕື່ມວ່າ ໃນທຸກມື້ນີ້ທຸກຢ່າງໄດ້ກາຍເປັນບັນຫາລະຫວ່າງປະເທດ.
ມັນເປັນການງ່າຍຫຼາຍທີ່ຈະສົ່ງຜູ້ຄົນ ໄປກໍ່ການຮ້າຍ ຢູ່ແຫ່ງໃດກໍໄດ້ໃນໂລກ ຮວມທັງອີ
ຣ່ານຫຼືຢູ່ໃນສະຫະລັດ. ທ່ານກ່າວວ່າ ອົງການຈັດຕັ້ງສາກົນບາງກຸ່ມ “ກຳລັງຫາທາງສ້າງ
ຄວາມບໍ່ທຸ່ນທ່ຽງ” ເພື່ອ “ຈະປ້ອງກັນການດຳເນີນການທີ່ອາດມີຂຶ້ນລະຫວ່າງອີຣ່ານແລະ
ປະເທດຕາເວັນຕົກ.”
ຜູ້ນຳຂອງອີຣ່ານ ອາຢາໂທລາຄາເມນີ ໄປຮ່ວມປະຊຸມ ພວກເຈົ້າໜ້າທີ່ຕຸລາການ
ທ່ານຄັດຕາ ອາບູ ດີອາບ ທີ່ສອນວິຊາລັດຖະສາດການເມືອງ ຢູ່ມະຫາວິທະຍາໄລປາຣີ
ເອີ້ນການໂຈມຕີຢູ່ທີ່ເຂດອາວາສວ່າ ເປັນ “ປິດສະໜາ” ໂດຍໂຕ້ຖຽງວ່າ ທັງກຳລັງພາຍ
ໃນຫຼືພາຍນອກ ແມ່ນສາມາດເປັນຜູ້ຢູ່ເບື້ອງຫຼັງໄດ້.
ທ່ານກ່າວວ່າ ມັນເປັນໄປໄດ້ທີ່ວ່າກຸ່ມແບ່ງແຍກດິນແດນໃໝ່ ພວມມີກຳລັງແຮງຂຶ້ນຢູ່ໃນ
ອີຣ່ານ ແລະອາດເປັນຜູ້ຮັບຜິດຊອບຕໍ່ການໂຈມຕີນີ້ ແລະການກ່າວຫາຕໍ່ສະຫະລັດ ອາ
ຣັບ ເອເມີເຣັສ ແລະຊາອຸດີ ອາຣາເບຍ ບໍ່ແມ່ນເລື້ອງໃໝ່.
ທ່ານກ່າວວ່າ ອຳນາດການປົກຄອງອີຣ່ານ ໃນເວລານີ້ ກຳລັງປະເຊີນ ກັບບັນຫາຫຼາຍ
ຢ່າງ ເຊັ່ນການລົງໂທດທາງດ້ານເສດຖະກິດຂອງສະຫະລັດ ດັ່ງນັ້ນຈຶ່ງບໍ່ມີທ່າທາງວ່າ
ອາຢາໂທລາຄາເມນີ ອາດຈະພະຍາຍາມຫັນເຫຄວາມສົນໃຈໂດຍທຳການກ່າວຫາຕໍ່
ສະຫະລັດ ຊາອຸດີ ອາຣາເບຍ ແລະ ສະຫະລັດ ອາຣັບ ເອເມີເຮັສ. ທ່ານຄິດວ່າ ອີຣ່ານ
ແມ່ນຢູ່ໃນທ່າທີ ບ່ອນທີ່ຕົນຕ້ອງການໃຫ້ເບິ່ງຄືວ່າຕົນເປັນຜູ້ເຄາະຮ້າຍ.
ແນວໃດກໍຕາມ ອະດີດປະທານາທິບໍດີບານີ ຊາເດີ ຄິດວ່າ ປະຊາຊົນອີຣ່ານໄດ້ສະແດງ
ປະຕິກິລິຍາໃຫ້ເຫັນເຖິງການປະຕິເສດຕໍ່ ການກໍ່ຄວາມຮຸນແຮງ. ທ່ານກ່າວວ່າ ທຸກພັກ
ຝ່າຍການເມືອງຂອງອີຣ່ານທັງໝົດ ແມ່ນຄັດຄ້ານຕໍ່ການກໍ່ຄວາມຮຸນແຮງ ບໍ່ວ່າຊະນິດ
ໃດຮວມທັງການຕອບໂຕ້ໂດຍອາຢາໂທລາຄາເມນີນຳດ້ວຍ.