ປະທານາທິບໍດີຣັດເຊຍ ທ່ານ Vladimir Putin ໄດ້ອອກຄຳສັ່ງ
ໃຫ້ຖອນທະຫານ ຫຼາຍກວ່າ 17,000 ຄົນ ອອກຈາກບໍລິເວນ
ໃກ້ກັບຊາຍແດນຂອງຢູເຄຣນ ໃນຂະນະທີ່ ທ່ານກຳລັງກຽມຈະ
ພົບປະກັບປະທາ ນາທິບໍດີຢູເຄຣນ ທ່ານ Petro Poroshenko.
ໂຄສົກວັງ Kremlin ກ່າວວ່າ ກອງທະຫານຣັດເຊຍ ໄດ້ທຳການ
ເຝິກແອບ ໃນໄລະຍະ 2-3 ເດືອນຜ່ານມານີ້ ຢູ່ໃນເຂດ Rostov
ຊຶ່ງຕັ້ງ ຢູ່ຄົນລະຟາກຊາຍແດນ ກັບບັນດາເຂດທາງພາກຕາເວັນ
ອອກສຽງໃຕ້ ຂອງຢູເຄຣນ ບ່ອນທີ່ພວກກະບົດນິຍົມຣັດເຊຍໄດ້
ສູ້ລົບກັບກອງກຳລັງ ຂອງລັດຖະບານຢູເຄຣນ.
ໃນວັນເສົາວານນີ້ ທ່ານ Poroshenko ກ່າວວ່າ ທ່ານ ແລະ ທ່ານ Putin ຈະທຳການເຈລະຈາກັນ ໃນທ້າຍອາທິດນີ້ ຢູ່ນອກກອງປະຊຸມສຸດຍອດ ເອເຊຍ-ຢູໂຣບ ໃນນະຄອນ Milan ປະເທດອີຕາລີ.
ຜູ້ນຳຢູເຄຣນ ໄດ້ກ່າວເຕືອນວ່າ ການເຈລະຈາຈະມີຄວາມຫຍຸ້ງຍາກ ແຕ່ໃນຂະນະດຽວກັນ ທ່ານກໍບອກກັບບັນດານັກຂ່າວວ່າ ປະເທດຂອງທ່ານ ແມ່ນ “ໃກ້ຫລາຍແລ້ວ” ທີ່ຈະຕົກລົງກັບຣັດເຊຍໄດ້ ກ່ຽວກັບຂໍ້ຂັດແຍ້ງເລື້ອງແກັສນັ້ນ.
ຣັດເຊຍໄດ້ອັດທໍ່ສົ່ງແກັສໃຫ້ຢູເຄຣນ ທີ່ກາງຕໍ່ພະລັງງານຂອງຕົນນັ້ນ ມາຕັ້ງແຕ່ເດືອນມິຖຸນາ ຍ້ອນອັນທີ່ມຸສກູກ່າວວ່າ ຄ່າພະລັງງານ ທີ່ຍັງບໍ່ໄດ້ຈ່າຍ ຫຼາຍກວ່າ 5 ຕື້ດອລລ່າ. ການຕັດການສົ່ງແກັສດັ່ງກ່າວ ໄດ້ກໍ່ໃຫ້ເກີດຄວາມຢ້ານກົວວ່າ ຈະມີການຂາດແຄນຢ່າງໜັກໜ່ວງ ຢູ່ໃນນະຄອນຫລວງ ກີແອຟ ແລະເມືອງອື່ນໆ ໃນຂະນະທີ່ລະດູໜາວທີ່ຄາດຄະເນໄດ້ວ່າຈະຮ້າຍແຮງຫູາຍ ຂອງເຂດ Eurasia ກຳລັງຈະມາເຖິງນີ້.
Your browser doesn’t support HTML5
UKRAINE VOSOTVO