ປະທານາທິບໍດີ ຣັດເຊຍ ທ່ານ Vladimir Putin ໄດ້ພົບປະ
ກັບຜູ້ນຳ ຢູເຄຣນ ທ່ານ Petro Poroshenko ໃນຄວາມພະ
ຍາຍາມລຸດຜ່ອນ ຄວາມເຄັ່ງຕືງ ໃນການຂັດແຍ້ງທີ່ມີມາໃນ
ພາກຕາເວັນອອກຂອງ ຢູເຄຣນ.
ບັນດາຜູ້ນຳຢູໂຣບຫລາຍຄົນ ໄດ້ເຂົ້າຮ່ວມກອງປະຊຸມໃນ
ຕອນເຊົ້າວັນສຸກມື້ນີ້ ທີ່ນະຄອນ Milan ແຕ່ມີຮ່ອງຮອຍໜ້ອຍ
ດຽວວ່າມີຄວາມຄືບໜ້າ ທີ່ແກ້ໄຂການຢຸດຍິງ ທີ່ພາກຕາເວັນ
ອອກຂອງ ຢູເຄຣນ ແລະແກ້ໄຂການຜິດຖຽງກ່ຽວກັບ ການນຳ
ໃຊ້ແກັສທຳມະຊາດ.
ໃນຕອນເຊົ້າວັນສຸກມື້ນີ້ ທ່ານ Putin ໄດ້ພົບກັບ ນາຍົກລັດຖມົນຕີ ເຢຍຣະມັນ ທ່ານນາງ
Angela Merkel. ວັງ Kremlin ກ່າວວ່າ ຫລັງຈາກນັ້ນ ຜູ້ນຳທັງສອງຍັງຢູ່ໃນທ່າທີ ທີ່ບໍ່
ລົງຮອຍກັນ ໃນການແກ້ໄຂບັນຫາວິກິດການໃນ ຢູເຄຣນ.
ການພົບປະຢູ່ນອກ ກອງປະຊຸມ ASEM ທີ່ Milan
ວິກິດການໃນຢູເຄຣນ ຄາດວ່າຈະຄອບງຳ ກອງປະຊຸມສຸດຍອດ ເອເຊຍ-ຢູໂຣບ ທີ່ນະ
ຄອນ Milan ຊຶ່ງທັງຝ່າຍ ຄືຣັດເຊຍ ແລະຕາເວັນຕົກ ຍັງຊອກຫາທາງແກ້ໄຂການຜິດ
ຖຽງເລື້ອງແກັສ ແລະສີ້ນສຸດການລົບເລວກັນ ເປັນເວລາຫົກເດືອນທີ່ຜ່ານມາລະຫວ່າງ
ພວກແບ່ງແຍກດິນແດນນິຍົມຣັດເຊຍ ແລະ ລັດຖະບານຢູເຄຣນນັ້ນຢູ່.
ໃນເດືອນມິຖຸນາ ມົສກູ ໄດ້ຢຸດການສົ່ງແກັສ ໄປໃຫ້ ຢູເຄຣນ ທີ່ອີງອາໄສພະລັງງານ ອັນ
ທີ່ຮ້ອງວ່າ ຫລາຍກວ່າ ຫ້າພັນລ້ານໂດລາ ທີ່ຍັງບໍ່ໄດ້ຈ່າຍຄ່າເກັບເງິນເທ່ືອ. ທັງສອງຍັງ
ບໍ່ທັນໄດ້ຕົກລົງກັນກ່ຽວກັບ ວິທີທີ່ຈະເລີ້ມເປີດການສົ່ງ ສິນຄ້າຄືນໃໝ່ ໃນຂະນະທີ່ລະດູ
ໜາວກຳລັງກ້າວເຂົ້າມາ ແລະບັນດາຜູ້ບໍລິໂພກ ໃນຢູໂຣບ ກໍແມ່ນຈະມີເພີ້ມຂື້ນຢູ່.
Your browser doesn’t support HTML5
UKRAINE SUMMIT VO