ພວກທີ່ສະໜັບສະໜຸນ ບໍລິສັດ Apple ທີ່ຄັດຄ້ານຕໍ່ການຊ່ອຍເຫຼືອອົງການສັນຕິບານສະ ຫະລັດ ຫຼື FBI ເພື່ອເຈາະເຂົ້າໄປໃນ IPhone ຂອງມືປືນສັງຫານໝູ່ນັ້ນ ແມ່ນວາງແຜນທີ່ຈະປະທ້ວງໃນ 40 ຫົວເມືອງ ໃນວັນອັງຄານມື້ນີ້ ຊຶ່ງຮວມທັງສຳນັກງານໃຫຍ່ຂອງອົງ ການ FBI ໃນນະຄອນຫຼວງວໍຊີງຕັນນຳ.
ນີແມ່ນໂທລະສັບມືຖື Apple iPhone 5c ທີ່ຕອນນັ້ນແມ່ນເປັນທີ່ນິຍົມ ນຳມາວາງສະແດງໃນຮ້ານ Apple ທີ່ນະຄອນໂຕກຽວ, 20 ກັນຍາ, 2013. ໂທລະສັບ 5c ແມ່ນເປັນຂອງກາງ ທ່າມກາງການຟ້ອງຮ້ອງຂອງອົງການ FBI ຕໍ່ບໍລິສັດ Apple ໃນຄວາມພະຍາຍາມ ທີ່ຈະໃຫ້ບໍລິສັດດັ່ງກ່າວເປີດລະຫັດລັບຂອງໂທລະສັບນັ້ນ.
ກຸ່ມປົກປ້ອງສິດທິທາງດ້ານດິຈິໂຕ ຫຼື Digital Right Group
ທີ່ຮຽກຮ້ອງໃຫ້ທຳການຕໍ່ສູ້ ເພື່ອອະນະຄົດນັ້ນ ພວມວາງແຜນຈັດພິທີຂຶ້ນໃນຮ້ານ Apple ໃນນະຄອນ New York San Francisco Minneapolis Hong Kong ແລະນະຄອນ London. ພວກເຂົາເຈົ້າກ່າວວ່າ ມັນມີຄວາມຫຼໍ່ແຫຼມສຳຄັນ ໃນຄວາມພະຍາຍາມທີ່ຈະຮັກສາຂໍ້ມູນສ່ວນຕົວໃຫ້ປອດ ໄພ ແລະໂທລະສັບຕ່າງໆຈະມີອັນຕະລາຍຫຼາຍຂຶ້ນ ຖ້າຫາວ່າລັດຖະບານຊະນະຄະດີດັ່ງ ກ່າວ ທາງກົດໝາຍ ຕໍ່ບໍລິສັດ Apple.
ເຈົ້າໜ້າທີ່ສະຫະລັດ ຕ້ອງການໃຫ້ບໍລິສັດ Apple ຊ່ອຍໃນການເປີດລະຫັດລັບໂທລະສັບ ທີ່ທ້າວ Syed Rizwan Farook ໃຊ້
ຜູ້ຊຶ່ງພ້ອມທັງພັນລະຍາຂອງລາວນາງ Tafsheen Malik ໄດ້ສັງຫານ 14 ຄົນ ທີ່ເມືອງ San Bernardino ລັດ California ໃນປີກາຍນີ້.
ເທົ່າເຖິງປະຈຸບັນນີ້ ທາງບໍລິສັດ Apple ໄດ້ປະຕິເສດບໍ່ຍອມໃຫ້ການຊ່ອຍເຫຼືອດັ່ງກ່າວນີ້ ໂດຍກ່າວວ່າ ທາງ FBI ໄດ້ຮຽກຮ້ອງໃຫ້ໃຊ້ວິທີທີ່ເອີ້ນວ່າ ປະຕູຫຼັງ ຫຼື Backdoor ຂອງທາງບໍລິສັດ ທີ່ຈະສົ່ງເສີມການໄຂລະຫັດລັບນີ້ ແລະວ່າ ໃນທາງທີ່ບໍ່ຖືກບໍ່ຕ້ອງແລ້ວ software ທີ່ວ່ານີ້ ຈະສາມາດເປີດເຜີຍຂໍ້ມູນຜູ້ບໍລິໂພກຂອງບໍລິສັດ Apple ຈຳນວນນັບບໍ່ຖ້ວນ ເພື່ອຊອກຄົ້ນໂທລະສັບຂອງພວກເຂົາເຈົ້າໃນອະນາຄົດ.
Your browser doesn’t support HTML5
Apple Security Dispute Raises Controversy